झन्डै बोर्ड..................
भाग ४ 

बालक राम लाई यती हेक्का भएन वा बालक रामले ठेक्का लिएन , यो टोल कै सुपुत्र ले ३ बर्ष अगाडि मात्र बोर्ड फस्ट नै हानेको याद भएन  उहाँलाई ।

तै पनि उहा गर्ब गर्नु हुन्थ्यो, यो टोलमा झन्डै बोर्ड आउने कोइ छ भनेर ? उहाँ परिवारमा हो, उहाँ बाहेक कोइ थिएन ।

गजधम्म परेर बालक राम हिरो रेन्जर साइकलमा कालेज जानु हुन्थ्यो। अस्कल पढ्ने भने पछी छाती २ इन्च त्यसइ फुल्थ्यो त्यती बेला। बालक राम को त ६ इन्च नै फुलेको हुनु पर्दछ।

राहुले पनि ९ बाट १० पुगे पुन: सर्बप्रथम भएर । देवाली मा बालक राम सँग पुन: भेट भयो । चासो भन्दा चियो गर्ने मौसी काकी को बानी सरेको हो या बंशाणुगत गुण सरेको थाहा भएन। मसँग बात मार्न आइहाल्नु भयो। शायद अरु गफाउने मान्छे न भएर पनि होला।

" यसपाली त फस भेन होला नि " सुरु मै घोचपेच ।

" झन्डै सेकेन भाको नि ?" १०१ नम्बर कम आको भए सेकेन नै हुन्थें "

मैले नि उनकै शैली मा दिएं दनक ।

' यो हुनै नसक्ने, अचम्म भो "

"हो दाई अचम्मै भयो। सेकेन हुन्छु भन्दा नि नहुने कस्तो अचम्म है ? "

अब भने बालक राम लाई जिस्काएको आभास भयो क्या रे, आफ्नो असली रुप मा झन्डै देखाउन थाल्नु भयो।

"बुझिस दुई पल्ट् फस हुँदैमा शान न देखा, अर्को पल्ट् कन्फर्म हुँदैन। लेखेर राखे हुन्छ, यो राम मान को राम बाण हो।"

"किन दाई, थर्ड टाइम फस नहुने कारण ? "

" किन कि त्यो स्कूल को ईतिहास मा कोइ पनि ३ पटक फस भाको छैन। "

"यह् त्यसो पो ? "

"ईतिहास मै न भे पछी मेरो के लाग्थ्यो? "

"भूगोलमा खोज्छु म त ।"

यो जवाफ सुने पछी त बालक राम को पारो चढ्यो , मुखाकृतिमा देखिनथाल्यो - उम्लेको रगत । त्यहाबाट बाटो तताउनु नै बुद्धिमानी ठहर्छ  राहुले भाग , भाग । कसैले भने जस्तो लाग्यो।

देवाली ३ दिनको हुन्थ्यो। अर्को दिन फेरी भेट भयो। फेरी बालक राम फेरी म भए तिरै आउनु भयो।

" बुझिस  साइन्स पढ्न भनेको जो कोइ को बस को कुरा होइन । भाराभुरी ले पढ्नै सक्दैन।
डम्बी ( गड्यौला), बिली ( साङ्ला ), ब्याँचा (भ्यागुता ) को अपरेशन गर्नु पर्छ।"

Dissection  भन्ने नबुझ्ला भनेर अपरेशन भनेको होला ।

"यह्! त्यस्तो ? के को अपरेशन गर्ने नि राम दाई ?"

" पत्थरी को कि पाठेघर को ?"

"धत मुला, जहिले पनि जिस्किने ? यस्तो ताल ले नै मान्छे बोर्ड आउछ ? "

"मैले बोर्ड ल्याउछु भनेर भनेकाइ छैन दाई। बोर चाहिएको पनि छैन।"

"बरु दाई ले ल्याको भए हाम्रो नाक नै २ इन्च बढ्थ्यो।"

" झन्डै मात्र बोर ल्याउनु भयो।"

अब भने असह्य भयो बालक राम लाई । रातो मुख र हत्केला मुठी परे पछी बालक राम को राम धुलाई को कार्यक्रम सुरु हुनु लाग्यो भन्ने थाहा हुन्छ । त्यसैले त्यहिबाट अन्तै मोडी हालें पाइला।
 

क्रमश: