? 
Liked by
जाबो एउटा मात्र स्टार?! पर्ख मेरो नि पाँचवटा हुन्छ!
सान्नानिले सोधे जस्तो के हो त यो फाइव स्टार?
हाम्रो देशमा हाम्रो शहरमा फाइवस्टारहरु जताततै छन्। तपाइँले केवल ध्यान दिनुमात्र पर्छ। सोच्नुहोस त, तपाइँ, तपाइँ बस्ने ठाउँबाट १-२ घन्टा शहरमा हिँड्नुभयो भने कति फाइवस्टारहरु देख्नुहुन्छ? केहि लेखाजोखा गरौँ है त!
---
फाइव स्टार टेलर्स
सुटिङ एन्ड सर्टिङ, रफ्फु मास्टर
प्रो- हकिम
फाइव स्टार कम्युनिकेशन सेन्टर
फोन, एस टि डि, आइ एस डि, फ्याक्स, कम्पूटर, फोटोकपि,
(नोट: यहाँ एक घन्टामा फोटो तयार पारिन्छ)
फाइव स्टार म:म
यहाँ मम, चाउमिन, थुक्पा, बारा, भटमास, च्यूरा आदी पाइन्छ।
(नोट: घरको लागि प्याकिङको पनि व्यवस्था छ।)
फाइव स्टार रेस्टुरेन्ट एन्ड क्याबिन
बाहिर झिलिमिली भित्र तिरिमिरी
के तपाइँ गानो गोला वायु शूल ग्याँस्टिक अमलपित्त कमलपित्त कृष्णपित्त पित्तैपित्त, ढाड दुखेको, पेट फुकेको, स्तन झुकेको, पुट्ठा सुकेको, धातु, हर्निया, क्यान्सर, एड्सबाट पिडित हुनुहुन्छ? हुनुहुन्छ भने हामिलाई सम्झनुहोस्।
फाइवस्टार आरोग्यधाम
“खालि उहि चाउचाउ, खाँदा खाँदा दिक्क लागिसक्यो!”
“ल पातली यो चाउचाउ खाएर हेर त! नेपालमै पहिलो पटक मैदामा चामलको पिठो हालेर थाइ प्रबिधीबाट बनाइएको चाउचाउ सुष्टिपुष्टिदायक र स्वादिलो छ!”
“ हो त, यो त साह्रै मिठो चाउचाउ पो रहेछ, अबदेखि म खानामा पनि खाजामा पनि भोजमा पनि यहि चाउचाउ खान्छु”
हजूर तपाइँ पनि पौष्टिक तथा स्वादिलो चाउचाउको लागि फाइवस्टार चाउचाउलाई सम्झनुहोस्!
फाइवस्टार दशैँ बोनान्जा!!
सिमित समयको लागि फाइवस्टार चिया सगर्व प्रस्तुत गर्दछ-
फाइवस्टार दशैँ बोनान्जा!!
फाइवस्टार चियाको ३ खालि डिब्बा दिनुहोस र प्राप्त गर्नुहोस, चिया पारखी ठुल्दाईसंगको चिया पिउने अवसर!
ढ्यान्ट्यार्यान…….
