? 
भाग ४ -
ऊ जिद्दी गर्न थाली, गरौ न के गरौ न बिहे - झसँग होश खुल्यो मेरो। ऊ कराइ रही, म त के भन्ने भन्ने दिमागले सोच्न छोड्यो मेरो, मुखबाट बोली नै फुटेन। रिङ्गटा लाग्या जस्तो भयो, नजिकै को कुर्सीमा गएर बसें। ऊ कराइ नै रही। किन नबोलेको के भयो तिमीलाई भन्न थाली। हनी आर यू ओके भन्निन, मैले नि ओके भने। बल्ल बोली फुट्यो। ऊ त अझै के बिचार छ त भन्न थाली। मैले पनि कुरा घुमाउन के को बारे भने अनी फुट्ट पसल भित्र छिर्न लागेको के थिएँ, तानेर बाहिर निकाली अनी जङिदै भनी हाम्रो बिहाको बारेमा के बिचार छ, बिहा गर्ने हो कि होइन, हो भने गर्नु पर्यो होइन भने आ-आफ्नो बाटो लाग्नु पर्यो पो भने बा। मैले पनि जिस्किदै त्यसो भए आ-आफ्नो बाटो लागु न त भनेर के मात्र भनेको थिएँ, ऊ त एत्रो एत्रो आँखा बनाएर के रे के भनेको रे भनेर रन्किन थालि। वरपर का मान्छेहरु घुर्न थाले, अनी मैले कमन बेबी इत्\'स अ जोक भनेर उसलाई आफुतिर ताने, ऊ त एस्तो जोक मनपर्दैन मलाई, खुरुक्क भन बिहे गर्ने होकी होइन रे।
अब केही उपाए नदेखेपछी सम्झाउन शुरु गरें। गर्ने नि किन नगर्ने तर अहिले नै किन गर्नु पर्यो, बिहे भनेको हतारमा गर्नु हुँदैन, अलिक पख, अनी गर्ने भने। किन अहिले नगरने अहिले गरेर के हुन्छ, अहिले नि गर्नै पर्छ, पछी पनि गर्नै पर्छ भने अहिले नै किन नगरने भन्छ बा। अब मेरो दिमाग कारण खोज्न तर्फ लाग्यो, भेट्यो पनि एउटा - के कुरा गरेको तिम्रो पढाई बाँकी नै छ, मैले पनि काम शुरु गरेको एक बर्ष त भयो, फाइनान्सियल्ली अली सेक्युर भए पछी गर्ने नि बिहे भने। ऊ त अझ पनि नाइ नाइ गरु त बिहे यो विन्टर मै गरु बिहे रे ल। अनी त झापारे मैले, अरु बेला झापार्न पैदइन, मौका पाको थियो मैले हान्दे चौका, कस्तो जिद्दी गरेको तिमीले, बिहा गर्ने भनेको बच्चाको खेल हो, तिम्रो पढाई पनि दुई सेमेस्टर मात्र बाँकी छ, अब मे मा तिमी ग्र्याजुएट हुन्छौ, अनी सोच्ने बिहे को कुरा। त्यती पनि कुर्न सक्दैनौ तिमी, कि मेरो विश्वाश छैन भनेर झपारे। आइ त्रस्ट यू भनी टाउको हल्लाई। अहिले पढाई मा ध्यान देउ, म पनि एही नै छु, कही भाग्ने बिचार छैन मेरो तिम्रो छ कि भनेर सोधे। चुप लागेर बसी केही बोलिन। म दङ थिए उसलाई कन्भिस पार्न सकेको मा। म थप्दै गएँ। तिम्रो पहिलो प्राथमिकता भनेको पढाई हो, तिमी अमेरिका के गर्न आएको लभ गरेर बिहे गर्न आएको कि पढ्न आएको प्रतिप्रश्न गरे मैले। तिम्रो बुवा आमाको सपना हो तिमीले कालो कोट लगाएको हेर्ने अन्द इट्\'स माइ ड्रिम टु, थपे मैले मौका एही थियो किन बाँकी छोड्थे र मैले। आफ्नो हात माथि भएको आभाष थियो मलाई, दिमाग टाईम मा चलेर देखेर खुशी पनि थिएँ।
धेरै बोल्न हुँदैन भन्थ्यो ठिकै रहेछ, एस्तो फोर्म मा थिएँ एस्तो राम्ररी ब्याटिङ गर्दै थिएँ चौका छक्का हान्दै थिएँ, मुख बाट बोल्न नहुने कुरा चिप्ल्यो, कसरी फुट्क्यो फुट्क्यो पत्तै पाएन, बर्बाद क्लिन बोल्ड। अब के कुरा भन्नु होला - त्यही नि - हामीले अहिले सम्म हाम्रो बारेमा घरमा भनेको छैन, पहिले घर मा भन्ने अनी मात्र अघी बढ्छ कुरा भनेर भने, अब भने भन्दा पनि फुट्क्यो, चिप्ल्यो, निक्ल्यो। लास्ट बलमा एक रन चाहिया थियो, जान्ने भएर वाइड गएको बलमा चौका हान्न खोजे, छोडेको भए गेम नै खल्लास थियो, हानियो इन्साइड एज लाग्यो बल ड्राग गरे आँफैले आफ्नो इस्टम्प मा अनी बोल्ड। मैले एसो मात्र के भनेको थियो उताबाट फटाक जवाब अैहाल्यो घर मा भनु रे अहिले नै रे। अहिले घरमा भनौ अनी विन्टर मा इंगेजमेन्ट अनी उसको ग्रजुएसन पछी बिहे गर्ने रे। प्लानिङ त गजबै थियो, हुँदैन भन्ने ठाउँ नै थिएन अल प्रूफ अनी के भन्ने भन्ने होइन त्यसो नगरु चट मग्नी पट बिहा गर्नु पर्छ अनी घरमा पनि अहिले होइन अली पछी नै भने हुन्न भनेर उसलाई सम्झाउन खोजे। आफ्नो हात चाँही अब तल परेको महशुस भैरहेको थियो मलाई, आट्याकिङ मा जानु भएन, आफुलाई बचाउने प्रयास यानी बिहा सके सम्म पछी सार्न प्रयासरत थिएँ।
ऊ त शुरु भै,
लहरी: डु यू लभ मि ओर नट
लहरे: एस, आइ डु
लहरी: आर यू प्लेयिङ विथ मि
लहरे: नोssssss हनी नोsssss
लहरी: डु यू वान्ट टु म्यारी मि ओर नट
लहरे: अफ कोर्स आइ वान्ट टु
लहरी: सो व्हाट\'स योर प्रोब्लम
लहरे: प्रोब्लम सोब्लम केही नि होइन, म अहिले नै बिहा गर्न चाहन्न, अली वेट गरौ, अनी सोचौला भनेर भने
अनी शुरु भै, त्यही त म भन्दै छु, बिहे मेरो ग्राजुएसन पछी गरौ अहिले घरमा भनौ, घर मा भनेर के हुन्छ, घर मा त भन्नै पर्छ। कि तिम्रो नभन्ने बिचार छ। के म टाईम पास हुँ, तिमी केटा हरु - लभ गर्ने बेलाँ खुरुक्क गर्ने अनी बिहे गरौ भन्दा माथा ताट्ने। तिमीहरु किन रेस्पोन्सिबिलिटी बाट हट्छौ। मलाई इउज गर्न खोजेको हो तिमी भनेर रन्किन थालि। हैन मैले त्यसो भन्न खोजेको होइन भनेर उसको हात समाउन खोजे, छुनु पर्दैन मलाई कुनै अधिकार छैन तिम्रो भन्दै आसुँ झार्दै हिडि त्यहाँ बाट। म त्यही टक्क एक्छिन उभेर ऊ गएको हेरिरहे, अनी उसको पछी दौडीएँ म, मल बाहिर पुगिसकी ऊ त, म पनि पछी पछी लागे, बाहिर पुगेर यता उता हेरे देखिन मैले, कता खोज्ने त अब भनेर अली पर सम्म पुगे ऊ त बस मा चढेर लागि, कता हो आफुलाई थाहा छैन घर तिर त होलानी। म पनि आफ्नो गाडी तिर लागे, गाडीमा बसे अनी लागे घर तिर, आधा घण्टामा पुगियो म त, पुगेर मात्र के गर्ने, ऊ आइपुगेको छैन, बस बाट त एक घण्टा भन्दा बढी लाग्छ फेरी साँचो पनि छैन, बाहिर बसिरहे। एक घण्टा पछी आइपुगी महारानी, ढोका खोलेर भित्र छिरी, म पनि पछी पछी लागे।
ऊ त लुइँ लुइँ आफ्नो कोठा मा गै अनी ढोका ढ्याम्म। म ढोका बाहिर बसेर फेरी पनि सम्झाउन थाले। तिमी जाउ रे इट्\'स ओभर, आइ एम फेड अप विथ यू, फर्केर म्याडिसन जाउ अनी फेरी आउनु पर्दैन रे ल भयो त अब। सातो नै लियो नि मरो। भित्र बाट फेरी कराउन थाली, अब हाम्रो बाटो अलग छ, हामी सँगै हिंड्न सक्दैनौ, यू गो योर वे, आइ विल गो माइ वे भन्छ बा। एकचोटि त माथा तातेर हिडिदेउ जस्तो त लाग्या थियो फेरी जोश मा होश हराउन हुँदैन भनेर लास्ट ट्राइ हाने फकाउन - मैले पनि ब्रम्हास्त्र प्रयोग गरे, मेरो ब्रम्हास्त्र ले उल्ता मलाई हानी गर्छ कसरी भन्दा - मेरो ब्रम्हास्त्र भनेको उस्ले भनेको मान्ने हो। मैले सोधे ल तिमीले नै भन अब म के गरौ त। तुरुन्त जवाफ आइहाल्यो घर मा भन्ने हाम्रो बारेमा। हुन्छ ल त्यसइ गरौ भनेर भने, प्रोमिस मैले पनि प्रोमिस भने अनी बल्ल ढोका खोल्यो अनी रातो आँखा लिएर मुसुक्क हाँस्दै आसुँ पुछ्दै निस्की भन्ने है भन्दै, कम्ता नौटन्की छ। मलाई हग गरी अनी फेरी कहिले भन्ने भनेर सोधी, मैले नि भनौला नि एक दुई हप्ता पछी भनेर भने, हुँदैन आजै भन्ने भरे साँझ फोन गरेर हामी दुवैको घरमा भन्ने रे, हुन्छ भनेर टाउको हल्लाएँ अनी त के चाहियो उसलाई, आइ लभ यू हनी रे, त्यत्रो नौटन्की गरिसके पछी अहिले आएर आइ लोप यू रे, नसकिने बाssssssssss।
क्रमश: