Posted by: shirish June 20, 2008
Login in to Rate this Post:
0
?
एकक्षण जागेथें फेरि सुताउन थाले !
सपना देखाउँछौ भन्दै भुलाउन थाले !
कुहेको काठमा बुट्टा कुढाउन थाले-
टुंडाल बनाई त्यहि उठाउन थाले !
कालु बिचरा पसीना चुहाउन थाले
मकै खान हुल भालु आउन थाले !
कैची र चक्कु जोडिएका औंलाहरु
फुक्न नसकेको गाँठो चुडाउन थाले !
पागलका बस्तीमा जस्तै यी मान्छेहरु
ऐनासित आफ्ना आंखा जुधाउन थाले !
महात्माले झै अर्ती चांहि दिए दिब्य
भनेकै नहुंदा चित्त दुखाउन थाले !
Last edited: 21-Jun-08 12:30 AM