Posted by: shirish April 28, 2008
Login in to Rate this Post:
0
?
एकथरि फुटेको बिजोगमा आत्तियो !
अर्काको ताकत तोड फोडमा नापियो !
गुंरास भएर लटरम्म फुल्न सक्थ्यो
नश्ल सुधार्न बांसको बोटमा सारियो !
बिरोध गर्ने छिमेकीका ओठ टालियो
हिंस्रक जनावरलाई गोठमा पालियो !
शिखरमा राख्नकोलागि बोकेको झण्डा
तेरो पालीको झगडाले खोचमा गाडियो !
लखेट्ने तर नसमाउने शर्त थियो
त्यसैले लगानी जति चोरमा हालियो !
बिडम्बना, बिशेषता वा हो बिबिधता ?
बाघ र बाख्रा एउटै खोरमा राखियो !
नाङ्गो खुट्टामा जान मनले नै मानेन
भएको बिजोडा जुत्ता भोजमा लाईयो !
Last edited: 28-Apr-08 09:32 PM
Last edited: 30-Apr-08 10:15 PM