Posted by: Nepe April 13, 2008
Login in to Rate this Post:
0
?
तिमी आउने हल्ला थियो म बाटो ढुकेर बसें
तिमी आयौ, तिमी गुज्रियौ, म लुकेर बसें
अलिकति बरालिएँ, अलिकति ओरालिएँ
तिमी नहुँदा, समय छँदा, चुकेर बसें
हाम्रो जम्काभेटमा के के हुन्थ्यो अनभिज्ञ छु
तिम्रो नजर पर्नु अगावै प्रायः झुकेर बसें
टोलको नामी गुण्डासँग तिमी देखियौ, म निरुपाय
हाम्रो पुरानो घागडान प्रेमको हल्ला फुकेर बसें
हतारमा मागेको एक फिलिङ्गो निभिसकेको रै छ
म चाहीं बाह्र वर्ष चुल्हो फु फु फुकेर बसें
एउटा विचित्रको शान्ति महसुस गर्दैछु आज
हिजोदेखि म आफ्नै इतिहासलाई थुकेर बसें
प्रकाशित: २५ जनवरी २००३ (नेपाली पोष्ट)