Posted by: urfrenrites February 16, 2008
Login in to Rate this Post:
0
?
सबैलाइ नमस्ते, तारेमाम, अस्लाम वालेकुम।
चौतारी १०० भागको उपलक्ष्यमा मेरो एउटा कबिता टाँस्दैछु।
"अनुरोध"।
एक हुल तुवाँलो मेरो माया बोकी तिमीलाइ भेट्न आँउदैछन्,
मेरो मुटुको गहिराइबाट न्यानो स्पर्श ल्याँउदैछन्,
कसैले नदेख्ने गरि तिमी मेरो मनलाइ लुकाउनु,
भोलि बिहानको सूर्य सङै एउटा सन्देश पठाउनु।
एक लहर हावा तिमीलाइ खोज्न आँउदैछन्,
मैले पठाको "शुभकामना" कोशेली तिमीलाइ दिनेछन्,
मायाले मेरो भावनालाइ तिमी भित्रै सजाउनु,
सूर्यको पहिलो किरणसङै मिठो चुम्बन पठाउनु।
एक बथान चरीहरु तिमीलाइ हेर्न आँउदैछन्,
मेरो मायाको चिट्ठी तिमीलाइ हातैमा दिनेछन्,
मैले लेखेका शब्दहरुलाइ तिमीले प्रेमले अङाल्नु,
बिहानको पहिलो घामसङै तिम्रो माया पठाउनु।
Last edited: 16-Feb-08 10:23 AM