Posted by: Birkhe_Maila February 13, 2008
Login in to Rate this Post:
0
?
मनको शंका हटाइदिउँ माया आखिर गरेकै हो
माया गर्छु भन्न खोज्दा आँखामा पानी भरेकै हो
गला सुख्खा हुने नै भयो पानी जति आँखामा छ
शब्द रुकिहाल्छ हजूर प्रभाव मायाको भाकामा छ
गला सुके मुस्काईदिनु शब्द रुके नि चल्छ अधर
गर्छु भन्नै पर्दैन हौ, दिए पुग्छ मिठो नजर
टाढा नजिक के भयो र छट्पटी त मायामा छ
सुत्दा, उठ्दा, बस्दा, खाँदा मन आफ्नै छायामा छ
छट्पटी नै भाव हो हजुर बुझ्नेलाई श्रिखन्ड
भन्दिहालौँ यसपाली मुस्कुराई मन्द मन्द
बुझ्नेले त बुझ्छन हजुर तर शब्द खोज्दारेछन
झरि पारे रुझिदिने जीवनसाथी रोज्दारेछन
डर, धाक, छटपटी सब हटाउँ यसपाली
आइ लभ यु भन्दिउँ हजुर डर लाग्या हो खालि
ह्याप्पि भ्यालेन्टाइन्स डे सबैलाई!