सम्पूर्ण साझावासी मित्रहरुमा नया बर्षको हार्दिक मंगलमय सुभकामना !! यस अवसरमा मेरो एउटा नया (उनीमा समर्पित) कविता  टाँस्ने जमर्को गरेको छु । धन्वाद ॥

            प्रेम-आलाप !!

नजर चार  हुँदा  हाय  पलक  ती झुकेर
अधर    फक्री     गर्छन्‌    इशारा   लुकेर
जवानीको     मादक     मदहोस    चाल
बजे   तार  मनमा,  बढ्यो  प्रेम – छाल  ॥२॥

त्यो    चन्दन    सरीको    सुकुमार   देह
ती    सुन्दर   परेलीमा    मायाको   गेह
ती  सागर  झैं  आँखा; घना कालो केश
त्यो धड्कन् दिलैको, त्यो मायालु  भेष ॥

जुनेली    यो     रातमा   छ    ताराको    साथ
यो   मादक    हवा  घोल्छ   उल्लास  वास
ती कुन्तल उडी दिन्छन् ‌ नव शुर – ताल   
बजे   तार   मनमा   बढ्यो   प्रेम  –  छाल   ॥२॥

त्यो गालाको लाली अधरको त्यो मुस्कान्‌
यो  मौसम,  प्यालाको  मधु,  तिम्रो यौवन्‌
जवानीको        झिल्मिल       मदहोस     ताल
बजे   तार   मनमा     बढ्यो     प्रेम    छाल ॥२॥

 अस्तु ॥