Posted by: shirish November 8, 2007
Login in to Rate this Post:
0
?
हे राजनीति गर्नेहरु यो निमुखाहरुको कुरा पढ्नु अनि जबाफ दिनु -
गजल
? सुन्दर भट्ट
भोट माग्न आ'का थिए, डोको देखाइ दिएँ
दुई दिनदेखि न'खाको पेट, भोको देखाइ दिएँ
तिम्रो घरमा अन्नपानी पठाइदिन्छौ भन्दै थिए
मागी ल्याको मकै पिठो पोको देखाइ दिएँ
गाउँ-गाउँमा स्वास्थ्य चौकी बनाइ दिन्छौँ भने अनि
जीउ भरि घाउ-खटिरा फोको देखाइ दिएँ
तिम्रो गाउँ स्वर्गजस्तै बनाइदिन्छौ भने तिन्ले
खान नपाई बालबच्चा रो'को देखाइ दिएँ
यो लास्टामाचाहि अलि फितलो खाले शेर परेछ -
नबुझिने अरू पनि धेरै थरी कुरा गर्थे
घाँस काट्न हिँडेको म, बोको देखाइ दिएँ।
- साहित्य सरीताबाट साभार