आज केही थपम्ला भन्ने थ्यो यो "आमन्त्रण"मा तर पत्रकार बिरेन्द्र साह्को निर्मम हत्याको खबरले मन यसै बिरक्तेको बेला केही लेख्न मन लागेन। आज पत्रकार साहको आत्मालाई चीर शान्ती मिलोस र उनको परीबारका आगामी दिनहरु यस्तो दु:खद स्थितीबाट टाढै रहुन भन्ने कामना गर्न चाहन्छु। पत्रिकाहरुमा देखेको स्वर्गीय बीरेन्द्र साहकी पत्नी र उनका निर्दोष नाबालकहरुको तस्बीर मन मस्तिष्कमा अझै टल्केकै छ। देशकै दुर्भाग्य हो यस्ता हत्या र आतंकका कार्यहरुलाई दण्डीत गर्नु कता हो कता बरु सुनेको नसुनेई, देखेको नदेखेई गर्ने चलन बिबसताको नाममा हुर्कीदो छ।

आज ती सम्पूर्ण जीबनहरु जुन कसैको निहीत स्वार्थ र अहमका कारण हिंसामा आहुती दिईए र जस्को असर बाँचेका निर्दोषहरुले जिबन पर्यन्त बाँच्नु छ प्रति मेरो आदर ससम्मान अर्पण गर्न चाहन्छु।

साथीहरु, आमन्त्रण भोली सायद अघि बढ्ला तर प्रोत्साहनको लागि आजै पनि सबै प्रति आभार।