नोट- प्याज नहाल्ने
बिधि-
१)मासुका मध्यम टुक्राहरु बनाउने (पखाल्ने हो भने काट्नु भन्दा पहिले नै पखाल्ने)
२)गहिरो तथा बाक्लो भाँडो हुनै पर्छ, पातलो हुन हुँदैन। त्यसमा मासु राख्ने,चाहे जति तोरीको हरहरी बास्ना आउने तेल मासुमा हाल्ने।
३) नुन र बेसार पनि मासुमा हाल्ने र मजाले पन्यौले चलाउने जसले गर्दा तेल,नुन र बेसार मासुमा मिल्छ। त्यसलाई २-३ घन्टा त्यत्तिकै छाड्ने छोपेर।
४) जिरा,धनिया र मरिचको दाना (पाउडर हैन) र रातो सुकेको खुर्सानि सिलौटो भए सिलौटोमा नभए ग्राइन्डरमा सके सम्म कम पानी हालेर पिन्ने।
५) अदुवा र लसुन सकेसम्म सिलौटोमा नभए चपिङ बोर्डमा एउटा लोहोरो जस्तो ढुङ्गाले पिस्ने पानी भने नहाल्ने।
६) अगिनै राखेको मासुले भएको भाँडोलाई चुल्होमा मध्यम आँचमा(कडा बाल्नु हुँदै हुदैन)राख्ने।
७)मुसुक्क हाँस्ने र हातमा पन्यौ समातेर भाँडोबाट आउने हल्का आवाज सुन्ने।
८) मासु तातेपछि चलाउने।
९) फेरि मुसुक्क हाँस्ने
१०)चलाइरहने, अलि अलि पानी निस्कन थाल्छ (आगो ठुलो गर्नु हुँदैन नत्र तलको डढ्छ माथि केहि हुँदैन)
११) पानि अलि निस्किएपछि तयो भाँडोलाई आलुमुनियमको थाल वा कचौरा जे ले राम्रो संग छोप्न मिल्छ त्यसैले उत्तानो पारेर छोप्ने र त्यो ढकनिमा पानि राख्ने।
१२) मुसुक्क हाँस्ने र कबाब पाक्दै गरेको मधुरो साउन्डमा छोपेको ढकनिको पानी तातेर साना साना फोका उठेको हेर्ने।
१३)केहि समय पछि बिर्को झिक्ने।
१४) चलाउने र मासुमा पानी धेरै नै सुकेको जस्तो लागे ढकनिमा तातेको पानि अलिकता हाल्ने र फेरि चलाऊने, अनि ढकनिमा फेरि पानी थपेर छोप्ने।
१५) करिब २-३ पटक ढकनि खोल्दै अलिकता पानी थप्दै गरेपछि मासु पाक्न थाल्छ।
१६) लसुन र अदुवाको पेस्ट हाल्ने र पहिलेकै तरिकाले छोप्ने।
१७) एकछिन पछि फेरि ढकनि झिक्ने र मसलाको पेस्ट हाल्ने ढकनिको पानी थोरै हाल्ने र फेरि छोप्ने।
१८) पुरा अपार्टमेन्ट मासुको बास्नाले छाएकोमा गदगद हुँदै मुसुक्क हाँस्ने।
१९) चलाउने र पाके नपाकेको अन्दाज गर्ने।
२०) पाकेपछि पानी सुकेपछि कबाब तयार भयो।
समाप्त