"भउते र पुन्टे बुडाले त बथानाटि छुट्टया भेडो कर्याप्प पारेर समातेर बुइँगलाँ थुतुनो बाँधेर लुकाम्थे "

अर्छम त। हाम्रो त उमेर छ, जे अरे नि पाप लाउदैन। अनि तिउँले आफ्नो कर्तुत बिर्सेउ पापी बुढा?

नमेको दशैँलाई भनेर पालेर राखेको सेतो खसी फुकेर हिँनेछ। अनि कुन सड्को कुन सड्को बुढाले डिलमुनि को रायोबारीमा भेट्टाएछन् के रे त्यो खसी त। अन्खेरी चिरिप्प पारेर बाँधेर ल्यार भस्मार सँअ बेटरीको कालो दलेर अनि गोठाँ बाँधेर राखेछन्। एकछिनाँ नै "हाउँरो सेतो खशी देख्नु भो जिम्माल?" भन्दै नमे आएछ। एउटो खसी त कराउँदै बाटैबाट उ तेता सालघरी तिर छिरेको थ्यो त" भनेर गैह्रीको सालघारीतिर देखाइदिएछन्।  अझ " दुर्गा सुरु भैसको, बनाँ बाघ मच्या'छ, छिटो जाउ, नत्र तिम्रो खसी सिध्देला" पनि भनेका अरे।

एउछिन मै नमे निराश भएर तातो खोले घोप्टेको जस्तो अनुहार बनाउँदै फर्केछ। बुढाको गोठाँ झक्कले खशी देखेर "काँ'टी ल्यायौ यस्तो मजाओ खसी" भनेर सोधेको रे। "छोरी-ज्वाईँले खाजा ल्या'का हुन, पोहोर त हो नि सिन्कौलीलाई बिहे अरेर पठाको। यो पाली त पैलो दशैँ। खशी चैँ'नी गजबको लाएछन् ज्वाईँले। कति जति छ होला नमे यो? २ धार्नी जति त तिम्ले उठाउन पर्छ होला। यत्रो खशी कसरी एक्लै सक्छु र !" भनेछन् बुढाले। खशी हरा'को रनाहामा भएनि दशैँ चैँ गुन्द्रुकको झोलाँ नजानी भो भनेर नमे नि चित्त बुझाएछ के रे। अनि खशी जुरुक्क उचालेर "१२ धर्नी बिसौली छ" भन्न नपाउँदै खसीले त नमेको मुखाँ ल्याप्प चाट्दे'छ। बिचरो खसीले त चिन्यो होला नि आफ्नो मालिक। नमे त मुन्छे भेँडै हो के। त्यति अर्दा नि आफ्नो खसी नचिन्नी।

अनि अस्टमीओ दिन खसी काटियो के रे। म त एक्लो ज्यान, कता सिङ्गो खसी खोजम र, भनेर बुढा सअँ २ धार्नी मासु भनेको थेँ के रे। उता पुन्टेदाई फेरि घराँ खसी ठूलै ढाले पनि जिम्माल सअँ नि ३ धार्नी भनेका रे'छन। बाटुली भाउजुले थाह नपाउनी अरी त्यै धोबिनी पोस्नलाई चाहिएको होला नि। भुत्ल्याउने भाग पुन्टेदाइको र मेरो परो के रे। अन्खेरी तातोपानी खन्याएर बोराले ढाकीवरी अनि यसो बोरा झिकेर हेरेओ त खशी त सेतो पो भएछ गाँठे। पुन्टेदाईलाई त भननन्न रिँगटै लागेर ढल्लान जस्तो भो केरे। मैले समाएर थामेँ। कालो खसी मा तातो पानी हालेर बोराले छोपेर झिक्दा कसरी एकैचोटी सेतो भओ भनेर आत्तेछन के बुढा त। बैँश हुँदा नानाथरी पाप अर्दै हिनेका के रे बुढा। अझै पनि बाटुली भाउजुको आँखा छल्न पाए भने मिलिक्क गरेर त्यै धोबिनीकाँ नै हो बास। त्यै भे'र दुर्गा रिसाएर कालो खसी सेतो बनाइदिइन कि भनेर भाउन्न भएछ के तिनलाई त।

तर मैले चैँ कुरो बुझिहाले। अनि सुटुक्क पुन्टेदाइलाई मेरो पिलान सुनाएँ। अनि त जिम्माल सँग हाम्ले बिलाकमेल अरेम नि। मलाई २ धार्नी अनि पुन्टेदाइलाई ३ धार्नी मासु सित्तैमा। जय होस दुर्गे माता। नमेले चैँ आफ्नै खसीको मासु धार्नीको ५२० तिरेर २ धार्नी लगे'छ।