Posted by: copycat September 12, 2007
Login in to Rate this Post:
0
?
![](/wysiwyg/editor/images/smiley/msn/thumbs_up.gif)
![10 more flags than likes deactivates post.](/wysiwyg/editor/images/smiley/msn/thumbs_down.gif)
सर्वप्रथम, मेरो हाटा ।
यो हीरक अंशमा सबैले केहि न केहि त राखे, मैले भने केहि लेख्न सकिन । यसो सोचेको, एकताका एउटी साथिलाइ मैले लेखेको इ-पत्र सुरक्षित रहेछ । anonymity ko lagi उनले यो यहाँ नदेखुन् भन्ने भन्ने प्रार्थनाका साथ प्रस्तुत छ।
यो मन ।
केहि लेखुँ जस्तो
केहि भनुँ जस्तो
अनि लेख्न बस्यो
यो लेखुँ कि त्यो लेखुँ
केहि कुरा असान्दर्भिक लाग्ने
केहि कुरा अति गहन
केहि पनि नलेखुँ त रिसानिको डर
द्विविधामा झुण्डिएको यो बेला
नानाथरि कुराहरु
विखण्डित धारमा निस्किन्छन् ।
प्रश्न संक्षिप्त छ
के सञ्चो विसञ्चो मात्र हो हाम्रो सरोकार?
ज्यानै नरहे के को सञ्चो के को विसञ्चो ।
तिमी छौ र नै त सोध्ने मौका आइरहेछ।
दिर्घायुको कामना ।
ए साथि,
मौनतामा भाषा हुन्छ ?
म त देखिरहेछु मौनता केहि भनि रहेछ
आशा छ गला देखि मुनि सिमित भएको मन
सन्तुष्टिको डकार गर्दै होस्
न कि तुसले अन्मनिएको ।
पुलकित मन खुसुक्क कहिले काहिँ यतातिर पोखिए त ......
रेलगाडि जस्तो रे
खै कस्ले भनेको
एक तिमि छौ र एक म
र बाँकि अरु ।
देखादेख कहिले
चिनजान अहिले
गजब छ बा !
अझै अचम्म त मलाइ अर्कै कुरामा लाग्छ
के भनेर सोध्छ्यौ?
एउटाले जाँड खायो, नानाभाँति फलाक्यो
पिडित पक्ष चैँ तिमी ।
माने बा तिम्रो सहनसिलता ।
र नै त सम्झिरहन्छु बेलाबखत
फगत बेकारका भए पनि
दुइ चार शब्द कोरेर ।
कुनै कविले लेख्या थिए रे,
नारि सहनशिलताको प्रतिक हो भनेर
जान्ने भए मै पनि अर्को कविता रच्दिने थिएँ।
विद्ध्या धनम् सर्व धनम् प्रधानम्
परिक्षाको लागि हार्दिक शुभकामना ।
सुनेको मैले प्रसंसा तिम्रो सबैको मुखबाट
तिख्खर दिमाग, चोर्छ्यौ रे फुल कागको गुडबाट
यसै नै ज्ञानि, त्यसैमा मिहिनेत गर्छ्यौ रे बेसरि
कामना मेरो आकाश सोझै नचुम्ल्यौ कसरि ।
भएन बा यसरि त, मै पनि कविता रच्दिने ?
त्यो चार लाइन मैले लेखेको हैन है, ।।। रे क्या !!!!!!!!!!!
भो भयो,
अति भयो,
घण्टौँ भयो,
यति जाबो पत्र लेख्न लागेको
मैले भन्न चाहेको ?
केहि बिषेश?
निमेष सरह
भन्दिउँ?
भो ।
यसरि सारांसमा भन्दा मजा हुँदैन
नत्र यति लामो पत्र किन लेख्नु पर्यो?
भो , मुख फोरिदिन्छु
एकै सासमा
एकै शब्दमा
निर्धक्क भएर
लौ जा :-
"सञ्चै?"
मात्र यत्ति नै ।
भुलचुक लिनेदिने ।
उहि साथी,
copycat