Posted by: Nepe September 8, 2007
Login in to Rate this Post:
0
?
![](/wysiwyg/editor/images/smiley/msn/thumbs_up.gif)
![10 more flags than likes deactivates post.](/wysiwyg/editor/images/smiley/msn/thumbs_down.gif)
अन्तरेज्यू,
परम्परागत छन्द (बहर) लाई गजलको अनिवार्य तत्व मान्नेमा म छैन । गेयात्मक वा गायनमैत्री प्रारुप, शेरहरुको संप्रभुता (sovereignty ) र काफिया-रदिफको अनुशासन, बस यत्ति भए बन्यो गजल । यस अर्थमा तपाईको गजललाई गजल नभन्ने कुरै आउँदैन ।
प्राविधिक कुराहरुको छलफलका लागि संभवत: गजलका धागाहरु नै उपयुक्त स्थान हुन् । अत: त्यतापट्टि नजाम । तपाईको गजलको एउटा झ्वाट्ट अनुभूति हुने पक्ष यसको सकारात्मकता र सुखानुभुति हो ।
गजल विधा अलब्ध/अनुपलब्ध प्रेमको शोकशास्त्रको रुपमा बदनाम विधा हो भने तपाईको गजल लब्ध प्रेमको सुखद किर्तनमा समर्पित छ । ज्याद्रै सुखद, सकारात्मक र प्रेरक । बधाई अनि अनगिन्ती शुभकामनाहरु ।
*** *** *** *** *** *** *** ***
चित्रेज्यू,
मीठा शब्दहरुको लागि कृतज्ञता है । चौतारीको चहलपहल र उन्नतिको श्रेय यसका सक्रिय औतारीहरुलाई नै जान्छ । चौतारीलाई माया गर्ने यसका सबै सक्रिय सदस्यहरुलाई लाई मेरो अभिवादन र प्रशंसा छ ।
Nepe