सायमि जु, किपा: तस्कं तस्कं हे बांला जू । जिं ला दक्व किपा: ल्हेया कया ह्नां । थ्व किपा:त स्वयाबलय मन हे याउँसे च्वना वल । मल्ल जु बर्मूतयेत ब्व: बियां छु याये ? इमिसं देश ला स्यंकल तर झी नेवा:त नं कम दोषि मखु ह्नां । झीथाय् स्वनिगलय् खँय बर्मू, सँयत व मर्स्यातयेत छेँ, बुँ म्यूपिं दक्वं झी नेवा:त हे ख: । ०४४- ०४५ सालपाखे हे जिं थथे पिनेपि मनू त खुसिबा: व:थें वया नेवातयेत चुइका यनितिनि, झीसं थ:गु सम्पति मी मज्यू धका गुलिसित धया, सुनां हे व खँ मन्यं । झन जित: छेँ बुँ मिइपिं दलाल तयेस उ थू मदयेक ख्याच्व बिल । त्वालय् बुँ म्यू धिवां मोतरसाइकल गया ज्वीपिं व भतिइ थ्वँ त्वनिपिनि हे फुइफाइ त:च्व जुल । डिस एन्तेना, कलर तिभि, न्हि न्हिं बियर पार्ति, धुकू पार्ति, खाया खम्पा, म्यारीज खाल, ओ हो उलिमछि जग्गा दु, बापि जक म्यूसां छ्यालब्याल धां धां दक्वसिनं जग्गा मिल । बुँ ज्या याना सिबे बालं तया यक्व आम्दानी जू धा धां मा:सां म्वा:सा बुँ मिया छेँ दन, अले व छेँ न लिपा ऊ थू त्वह चिना धमाधम मिल । जु जुं जु जुं आ: वया नेवा तयेके बासुलि पुया जात्रा यायेत नं थाय मदया वये धुंकल, धिमे थाना प्याखं हुलेत न मनू मदया वये धुंकल । ल्य:सिँ थनेत व सालेत सिपाहिं हयेमाले धुंकल । आ वया कर्कियात ब्व: बियाँ छु याये ?