Posted by: gaalab April 20, 2007
Login in to Rate this Post:
0
?
म आफ्नै गाउँमा टुरिस्ट छु,
ताल परे लेख्ने, नपरे देख्ने झुरिस्ट छु,
म आफ्नै गाउँमा टुरिस्ट छु।
जिब्रोभरि रक्सीको तलतल
आँखाबरि बोक्सी नै झलझल
र आफ्नो गाउँमा बिरानो छु
सबै रुझ्दा नि ओभानो छु
म आफ्नो गाउँमा बिरानो छु।
दिनभरि यतै बन्धनमा हुन्छु,
साँझ परेपछि गन्थनमा हुन्छु
र आफ्नै सुरमा तल्लीन छु
सबै हाँस्दा नि मलिन छु
म आफ्नै सुरमा तल्लीन छु।
शुक्रबारे जदौ यो बिर्खे माइलाको।