Posted by: world_map February 23, 2007
Login in to Rate this Post:
0
?
प्यारो प्यारो मेरो लोभ
- मोहन कोईराला
छुटेको साथीलाई जसले पहिले मया जोर्यो,
हिंडेको पशुलाई जसले पहिले गोठालो लाग्यो,
निगाला खिप्दै खिप्दै घूम, देश र डोको बनायो,
कठबाँस झीरले खोप्दै उडेका वरलाई बाँसुरीमा थिच्यो-
भत्केकालाई लय र ननिस्केका स्वरलाई ओठले फुक्यो,
ए प्रशस्त छातीले सुसेल्ने ए ताजा हावाको ताजा डाक्टर
त्यो पहिला दिनको पहिला आविष्कारलाई म लोभ गर्दछु, प्यार गर्दछु,
सम्झन्छु तिमीले पहिला दिन सिस्नु उसिन्दा मलाई डाकेनौ-
म कति रिसाएको छु।
जसले आफ्नो कहानी एक विराट् गुफाबाट शुरू गरेथ्यो,
तँ कति सोझो नरम पाठो जस्तो जङ्गलमा उफ्रेको,
ए प्यारो प्यारो मेरो लोभ, मेरो कलाकार
आइज, म तँलाई छातीमा टाँसेर हेर्न चाहन्छु,
"मुखमा खरो सूर्ती चुसेर एक पल्ट अब सुसेलेकोl"
स्रोत: नेपालीकविता डट कम
http://nepalikavita.com/udhghatan-kavita/MohanKoirala.pdf