Posted by: Birkhe_Maila January 15, 2007
Login in to Rate this Post:
0 
? 
?
अब मेरो एउटा गन्थन राख्दै छु!
कोहि त होला-
मिर्मिरेमा शीतल हावा चल्दा
म खुसि त हुन्छु ;
तर केहि बेहोश पनि हुन्छु!
मेरो त्यो बेहोशी,
मेरो त्यो बिहानी मदहोशी
बुझिदिने कोहि त होला?!!
मध्यान्नमा संसार जाग्दा;
म केहि तन्द्रामा, केहि निँद्रामा
हिजो छरिएका व्यथाहरु,
हिजो भरिएका आँखाका पानीहरु,
यन्त्रवत् संगाल्दै जाँदा,
खोक्रो प्रयासको अर्थहिनता बुझाउँदै,
नया दिनको जगमग् जगमग्
प्रकाश चिनाउने कोहि त होला?!!!
साँझको पँहेलो आकाश हेर्दे,
म मेरो डुब्दै गरेको सुर्य नियाल्छु!
टाढा कतै बास खोज्दै उड्ने,
चराको एकोहोरो उडान संगै
म हराउउँदै जाँदा;
बिचमा नअडिए अवश्य गुँड भेटिने
वास्तविकता बताउने कोहि त होला?!!!
रातको निसपट्ट अन्धकारमा,
म; मेरो थाकेको खुट्टाहरु बिस्तारै चलाउँदै,
स्वभावत: लड्खडाउँदै,
विश्रामको बस् एउटा छत खोज्दै
यताउता भौँतारिँदा-
मिठो निँदको बाचाका साथ,
न्यानो ओछ्यान देखाइदिएर
मेरो यात्राको गन्तव्य, मेरो बास;
बुझिदिने कोहि त होला?!!!