Posted by: samiksya January 14, 2007
Login in to Rate this Post:
0
?
![](/wysiwyg/editor/images/smiley/msn/thumbs_up.gif)
![10 more flags than likes deactivates post.](/wysiwyg/editor/images/smiley/msn/thumbs_down.gif)
तिम्रो कोठाको सामान र म
-------------------------------
तिम्रो कोठा भित्र हुने
करतुत लुकाउने
केबल पर्दा नबनाउ मलाई !
एकपल्ट सिरक बनाएर,
सम्पूर्ण न्यानो र सरगर्मीको
बिकरणले पगाल,
तिमी भित्रका आईसबर्गहरु !
चित्रमा पोतेर रङ्ग
खाली भित्तामा झुण्डाएर,
बसन्तको आनन्द लिन सक्छौ केहिबेर !
एकपल्ट मेरो रङ्ग
आफूमा लपेटेर हेर,
र महसुस गर सदाबहार !
टेबलको घडीको टिकटिकले
तिमीलाई बिहानै उठाउन सक्ला निन्द्राबाट !
एकपल्ट त्यो टेबलको प्लाटफर्ममा
मेरो ढुकढुकी राखेर सपना कोरेर बांच
र सुनाउ मलाई,
समय कति सार्थक भयो
सपना साकार पार्न कति उर्जा मिल्यो !