Posted by: shree5 January 1, 2007
Login in to Rate this Post:
0
?
ए चित्रे पनि भेटियो, कस्तो दुब्लाएछ मोरो त । घराँ खान दिन्नन कि अरु अर्थोकै कुराको चिन्ता परो कुन्नि तिमीलाई, सुकेबाँसको लौरो जस्तै ख्याउटे जो भएछौ केरे ।
बरै, म त कहाँ जानु , कहा नजानु नि।
चईनी एक दिन साँझ जमुनि र म तेसै जो बसि राका थिएम केरे । जमुनिले मकै भुट्दै थिई, मैले आलु पोल्दै आगो फुक्दै अरि राको थे केरे ।
यसरी त भएन, हेर अलि धेरै जो पैसो कमाम्न परो भनि केरे जमुनिले । त्याँसी अब तिमी एक-दुई साललाई चईनी अराप (अरब, Gulf) जाउ, एकै सालमा जो चईनी जिम्माल बुढाको खेत सप्पै किन्न सकिनी पैसो कमिन्च अरे भनेर भनि ।
मैले कस्ले भनो तँलाई यस्तो कुरा, अरबाँ चईनी बुटाँ फल्नी हो र पैसाका नोठ, लच्छिमीले दिए यही नि पाईन्छ नत्र कही नि पाईन्न भनेर सम्झाउदै थिएँ, ठ्याक्क काका र लाले आईपुगे केरे । जमुनिले पुनि मकैको घान उतारी, अनि मकै र मोही खाँदै काका, म र लाले भएर बात मार्न थालियो केरे ।
काका अरु भन्दा अलि चल्तापुर्जा मुन्छे केरे, उनैलाई सोध्न परो भनेर सोधेँ ।
"हैन काका, जमुनिले त अरब जाउ, पैसाको त बिटा का बिटा पाईन्च अरे भन्छी, के हो, तपैलाई केही थाहा छ ?" भनेर सोधेँ ।
लाले ले पुनि कान ठाडो पार्यो ।
अब मकै चपाम्दा (चपाउँदा) त आफुले मकै टोकेको आबाज आएर अरु बोलेको नसुनि केरे, लाले ले नि के निहु पारम के निहु पारम भन्ठानेछ र मेरा दाँतले तेती सारो टोक्न मिल्दैन मकै, बरु म मोही मात्रै खान्चु, तिमेरुको कुरो नि सुन्न हुनी भनेर ङिच्च हाँसो केरे ।
जमुनि अधबेस्रीले फेरि कुरो बुझिन र लाले दाईलाई अलि डढाएर झुरा पारिदिम त भन्दै थिई, अनि लालेले मुखै फोरेर भनो केरे, "हैन, मैले नि यिनेरुको कुरो सुन्चु भनेर हो के, मकै चपाम्दा सप्पै सुनिदैन के" ।
काका मुन्छे त बेसरी देस देखेकै जो हुन केरे, उनलाई किन थाहा हुन्थेन तेस्तो अराप को कुरो, सप्पै थाहा रईच । त्याँसी काकाले बेलि बिस्तार लाए केरे यसरी ।
काका - अब हेर सिरे, हाम्रा देसाँ भन्दा तेहाँ कति हो कति धेरै पैसा कमिन्छ । महिनाको २० हजार रुप्याँ त खाएर बसेर फिलिम हेरेर नि बँच्छ । तर तेहाँ जान जो प्रलय छ। अब काठमान्डुमा अरब पठाउनी भनेर आपिस खोलेर बसेका "दलाल" भन्नी मुन्छे हुन्चन् । हो ति दलाल हुरलाई चईनी पुग-नपुग लाख रुप्याँ दिन पर्च । तेसमा हवईजहाज चढेर जाने भाडा पनि समेटेर हो है ।
हवईजहाज चढ्नी भनेसि त लाले ले "म पुनि जान पर्च कि क्या हो, सिरेलाई सँगी (साथी, mate) म हुनी, मलाई सँगी सिरे हुनी" भनि हालो ।