सुभाय् शिरिष, राजमति म्ये टाइप याना थन न्ह्यब्वउलिं । छगु निगु टाइप मिस्टेकं याना हलुवाय् फिग: लू थें जू लिं जि हाकनं सुचुकुचु याना न्ह्यब्वया । ------------------------- राजमति कुमति, जिके व:सा पिरति, हाय् बाबा राजमतिचा राजमति मबिल धा:सा काशी वने त्यल बुबा, हयाब्यु राजमतिचा ! सँ धा:सा कुलिकुलि मिखा धा:सा बाला बाला सँक्वमिया म्ह्यायेमचा ला ख्वा: धा:सा तुयू ख्वा: ख्वालय् निग: ती दु त:ननिया राजमतिचा ! खेँय् ख्वला ध्याक्वय् दं, पस: बजि धू दं, राजमति भुलुसुलु दं राजमति गन दु ? इतुम्बा:लय् छम्ह दु, हयाब्यु राजमतिचा ! न्हापा व:म्ह त:रिथकुं, लिपा व:म्ह चीरिथकुं, वया लिपा राजमतिचा त:रिथकुं मय: जित चीरिथकुं मिलय् मजू, राजमति ब्याहा याना ब्यु त:रिथकुंया ताय: दु, चीरिथकुंया पाय: दु, राजमतिया बिजंकनि दु बिजंकनि मदुम्ह कला: जित मय: बुबा, हयाब्यु राजमतिचा ! थ:नेया थंहिति, क्वंनेया क्वहिति, बिचय् लाक्क मरुहिति मरुहितिइ ल: का: वना तग्व: ल्वँहतय् लुफिं हाना राजमति थसपाल न्हां तिसा नं तियेका: गुजराति पुयेका: राजमति ब्याहा याना ब्यु राजमति बिल धा:सा काशी वने मखु बुबा हयाब्यु राजमतिचा ! चण्डालम्ह लमिं यानां म्हां म्हां धायेक बिया: छ्वत लात मखुला सँझ्या: मदुगु छेँय् धिक्कार जनम, राजमतिया करम बैसय् भा:त मदुम्ह ! च्वमी: दूर्गालाल श्रेष्ठ