Posted by: Birkhe_Maila September 15, 2006
Login in to Rate this Post:
0 
? 
?
एउटा गाउँ थप्दैछु!
सम्बन्धविच्छेद (?)-
घोप्टिएको कलशलाई अपलक,
केवल हेरिदिन्छु,
छिटा छिटा पोखिएको जलमा
कुनै रसिलो बिगत खोज्दै।
संघारमा अल्झिएका
कयौँ बाटोका धुलोहरु,
तुवाँलो तुवाँलो बनिदिन्छन्
भित्र र बाहिर बिच!
तिमीलाई याद होला,
कयौँ भुतहरुमा हामि थियौँ
औँशिमा चन्द्रमा उदाउँदै,
अहोरात्र भविश्य खेति गरिरहेका!!
आज-
दोभानका दुई दैत्य नदीहरु,
मध्य भदौमा सिँगौरी खेल्दैछन
आफ्नो बर्चस्वको!!
उफ!
एउटा पग्लिएको हिमाल!
अर्को चुहुँदो झरि!!