Posted by: Gautam B. August 7, 2006
Login in to Rate this Post:
0 
? 
?
फेरि मिसिँदैछु यो यात्रामा।
"आर्या"
कुहिरो भित्रको सानो बस्ती-
बिहानीको कलिलो घाममा
खुल्दै खुल्दै आएजस्तो,
सफा दिनको निलो आकाशमा-
हिमाल नाघेर एक हूल डाँफेहरु
उड्दै उड्दै आएजस्तो,
मैले पर्खेर बसेका सपनाहरु-
विस्मृतिको एक युग पछि
डुल्दै डुल्दै आएजस्तो,
यस्तो लाग्छ तिमीसंगको हरेक दिन-
कुनै मीराको नाचले
मेरो आँगन भरेर,
कुनै आदिम-अनवरत खुशी
मेरो मनको कोठा-कोठामा छरेर,
एक जोडी निर्मल निश्चल आँखाहरु मेरो काखमा
झुल्दै झुल्दै निदाएजस्तो ।