June 23, 2006 दरबारले सेना भडकाउन थाल्यो, भागे पछि निगरानी गर्ने रे Filed under: News वैशाख ११ पछि मरेको सिनोजस्तो अभिनय गरेर भित्रभित्रै गम्भीर आत्मघाती योजनामा लागेको दरबारले सरकार-माओवादी आठबुँदे समझदारी तोडाउन अन्तिम रिहस्रल गरिरहेको समाचार प्राप्त भएको छ । स्रोतका अनुसार असारभित्रै माओवादीलाई जंगल फर्काएर संविधानसभाबाट आफू समाप्त हुने खतरा टार्ने नियोजित योजना दरबारले कार्यान्वयनमा ल्याउन लागेको छ । सो योजनाको कार्यान्वयन गर्न अतिवादी हिन्दुनेताहरु नेपाली सेना र सात दलका केही नेताहरुलाई प्रयोग गर्ने दरबारको रणनीति केही हदसम्म सफल हुँदै गएको समेत खुलासा भएको छ । सात दलबीच आठबुँदे सहमति विषयमा उत्पन्न विवाद र नेपाली सेनाको पछिल्लो वक्तव्यलाई समेत यसैको कडीका रुपमा हेरिएको छ । सात दलका केही शीर्ष र केही दोस्रो लेबलका नेता अहिले आठबुँदे ऐतिहासिक सहमतिविरुद्ध खुलेर लागेको घटनाबाट स्वयम् सात दलसमेत गम्भीर भएको हिजो सम्पन्न बैठकमा उठेका अभिव्यक्तिबाट समेत पुष्टि भएको छ । समाचारस्रोतका अनुसार दरबारले ुसंसद् पुनस्र्थापना गरिदिए राजतन्त्र जोगाउँछु भन्ने कांग्रेस सभापति गिरिजाप्रसाद कोइरालाको गोप्य सम्झौताले मात्र आफू नजोगिने विश्लेषण गरी संविधानसभा तुहाउन तीन तीर एकसाथ हान्न लागेको हो । एकातिर सात दलमा माओवादीविरोधी समूह तयार पारी आठबुँदे सहमति कार्यान्वयन गर्न नदिने अर्काेतिर सेना भड्काउने र ठाउँठाउँमा परिचालन गरी माओवादीलाई युद्धविराम भंग गर्न बाध्य पार्ने अर्काेतिर धर्मनिरपेक्षताको घोषणाविरुद्ध जेहाद नै छेड्न विश्वप्रसिद्ध हिन्दुनेता जगद्गुरु शंकराचार्यलाई राजधानी काठमाडौंमा ल्याई विश्व हिन्दु महासंघलगायत धार्मिक संगठनहरुलाई भड्काएर संसद् घोषणाविरुद्ध देशका मुख्य सहर तताउने अन्तिम तयारीसमेत दरबारले गरेको बुझिएको छ । सडकमा तुजुक देखाउँदा जनकारबाहीमा परी घाइते भएकाले सेनाको अस्पतालमा उपचार गराइरहेका विश्व हिन्दु महासंघका अध्यक्ष भरतकेशर िसंहको स्वास्थ्य स्थिति बुझ्ने नाममा शंकराचार्य असारभित्रै काठमाडौँ आउने करिब निश्चित भएको स्रोतको दाबी छ । भरतकेशरको निवासमा राजा स्वयम् गएर बनाएको जेहाद छेड्ने योजना कार्यान्वयन शंकराचार्य आउनासाथ हुने बुझिएको छ । भारतीय हिन्दु अतिवादी नेता अशोक िसंघलहरु यसअघि नै आएर दरबारमा सोसम्बन्धी योजनाको तयारी गरेको समेत स्रोतको दाबी छ । यता सेनाले एकसाथ राजालाई सघाउने नियतको वक्तव्य दिएको छ । वैशाख ११ जेठ ४ र असार २ का ऐतिहासिक घटनाबारे कुनै अफिसियल प्रतिकि्रया नदिएको सेनाले दरबारकै इशारामा हिजो एक वक्तव्य प्रकाशित गरेको छ । सो वक्तव्यमा प्रचण्डले असार २ मा प्रधानमन्त्री निवासमा बोलेका सेनासम्बन्धी कुरा आपत्तिजनक भन्दै.. more From - http://focus.blogsome.com/2006/06/23/p103/#more-103