Posted by: Birkhe_Maila April 5, 2006
Login in to Rate this Post:
0
?
एउटा गन्थन!
समय-
एक्लोपनाको लामो यात्रा
हिँड्दै जाँदा,
बिश्राममा कयौँ पटक म रोकिन्छु।
कुनै डाँडाले मोहित गर्दा,
समथर खोज्दै हिँड्छु,
कुनै समथरले मलाई बोलाउँदा,
म पहाड कुर्दै पर्खन्छु!
उजाड जमीनको यात्रामा,
म तिर्खाउँछु र छट्पटाउँछु
तर खोला भेट्ने बित्तिकै,
म पानी देखेर डराउँछु!
यस्तै यात्राको थकाईले,
म कतिबेला निदाउँछु थाहा पाउँदिन
र उठ्दा थाहा पाउँछु,
घाम त डाँडा माथि पुगिसकेछ!!