Posted by: Gautam B. March 6, 2006
Login in to Rate this Post:
0 
? 
?
"सप्ताह"
अब सप्ताह लाग्छ त्यहाँ
'वाचक', 'उपवाचक' र 'गणेश' बस्छन्
लोभी, पापी र पाखण्डीहरु,
जीवनभर पाप गर्नेहरु 'नियम' सुन्छन्
र उँघिरहन्छन्
अनि प्रत्येक झस्काईमा-
चिसो डकार झिक्छन्
अमिलो खकार निल्छन;
दान हुन्छ अलिकति तस्करी
अलिकति लूट
धेरै ढोंग र
धेरै नोट,
यसरी साटिन्छ पाखण्डी पंडित्याईँ
रगत लटपटिएको नोटसंग
दंग पर्छ-
ठूलो भुँडीको चिल्लो अनुहार
'वरत्र' 'परत्र' दुबै सुध्रियो अब!
कथा सुन्छन्-
ग्याष्ट्रिक र दमका रोगीहरु
र भित्रभित्रै रुन्छन्-
सप्रन नसकेको आफ्नो 'वरत्र' माथि
(छोड्देऊ 'परत्र' का कुरा!)
अनि त्यहि सालको माघमा खुस्कन्छन्;
अब सप्ताह लाग्छ त्यहाँ
हो, अब सप्ताह लाग्छ त्यहाँ।