Posted by: Birkhe_Maila February 26, 2006
Login in to Rate this Post:
0
?
गुरुङ्गजी, राम्रो छ अरु पनि लेख्दै जानोस :)
ल मलाइ आजकल टाँसिरहन मन लाग्छ लेखेको कुराहरु, त्यसै क्रममा एउटा अर्को-
ऊफ!!
जब तिमी,
सुस्तरी मेरो यादमा आउँछौ,
सुकेका मेरा आँखामा
मुल फुट्छन्।
र मेरो अगाडि भएको
रक्सिको गिलाँसमा,
म त्यसलाई भर्न खोज्छु!
अचानक झस्किन्छु,
कतै यसले मेरो नशा त बिगार्दैन?
अनि बग्न दिन्छु त्यसलाई
त्यसको आफ्नै बहावमा।
जति मेरो आँशु बग्छ,
म त्यति रक्सि म भित्र हाल्छु।
र जति रक्सि म भित्र हाल्छु,
त्यति मेरो आँशु बग्छ!!
यसरि कयौँ रात म बिताउँछु,
केहि बगाउँदै, केहि पिउँदै!
किन तिमी अझै आउँछौ मेरो यादमा?
ऊफ!,
कति भन्नु तिमीलाई
जिन्दगी र याद फरक हुन्!!