Posted by: Birkhe_Maila January 8, 2006
Login in to Rate this Post:
0 
? 
?
एउटा अर्को :)
साथ -
उजाड पतझड्हरु,
विरानो बसन्तहरु
शायद अब बिलाए!
किनकी,
म देख्छु
तिम्रो रुपको हरियाली
तिम्रो यौवनको आमन्त्रण!
कहिल्यै नटुङ्गेको कुराहरु,
कहिल्यै नपुगेको आशाहरु
शायद अब हराए
किनकी,
म पाउँछु
धड्कनमा तिम्रो सास
रगतमा तिम्रो बहाव!
चिसा चिसा रात हरु,
एक्लो बिहानीहरु
शायद अब ओइलाए
किनकी,
म भोग्छु
तिम्रो मधुर आलींगन
सामिप्यताको त्यो चुम्वन!
निराधार यात्राहरु
उराठ मनका खलबलहरु
शायद अब सकिए
किनकी,
म सुन्छु
चुराको खनखन् हरु
भविश्यको गन्थनहरु!
एक्लो वर्तमानहरु
कालो भविश्यहरु
शायद अब सेलाए
किनकी,
म हेर्छु
अनुरागको नजरहरु
साथको असरहरु!