Posted by: shirish October 28, 2005
Login in to Rate this Post:
0
?
मनै नहुंदो हो, नहुंदो नशाको रहर पनि !
कलेजो नै नहुंदो हो, नहराउदो हो असर पनि !
मूर्तिमा के छ के छ? मौन छ ईश्वर पनि !
भक्त झन् प्रष्ट छैन, के पाउला बर पनि ?
देख्नेले बहार देख्छ आर्काको पतझर पनि
आफूलाई भने कालै, भैसी पनि अक्षर पनि !
सम्भव हुने भए सपना साकार सजिलै,
किन जागा नै रहन्थें रात-रातभर पनि ?
केहि पाउन धेरै मिटाउन बाध्य सबै नै
अत्तर बन्न तुहाउनु पर्छ फूलले अधर पनि !
भ्रष्ट आचरणलाई आबरण खोज्दा खोज्दा,
हरायो मेरो, भएको अलि अलि कदर पनि !