Posted by: shirish August 29, 2005
Login in to Rate this Post:
0
?
Hos aba tasdina bhanda ni manai manena ! Eklai ke barbar garnu ?
तिम्रो प्रेमीको बहार झर्दा, म ऊपहार हुनु पर्ने भो !
मुटु दुखाउँछ जब अरुले, म उपचार हुनु पर्ने भो!
तिम्रो प्रतिष्ठा बचाउन, गोली खाई शिकार हुनु पर्ने भो,
घाईतेलाई स्याहार्नु कता कता, ईन्कार हुनु पर्ने भो !
तिम्रा काला बिचार बिकाउन खुला बजार हुनु पर्ने भो,
मुकुण्डोका पाप अगाडि, मेरो सौम्य अनुहार हुनु पर्ने भो !
मेरो सामर्थ्य छ, उच्च शिखर भै आकाशलाई चुम्ने,
मेरा पाईला अधि बढ्दा, तिम्रै आभार हुनु पर्ने भो!
आफ्नोलागि, शान्तिसित वाँच्ने, फुर्सद कति खेर ?
सदैब, तिम्रा फाल्तु युध्दकोनिम्ति तैयार हुनु पर्ने भो!
टल्किन्छु, चम्किन्छु, अस्तित्व बनाउछु भनेर,
सानै तारिफकालागी तिम्रै जुहार हुनु पर्ने भो !
मेरा बिशेषता: तिम्रानिम्ति पानी सरह भए यता,
तिम्रो ईच्छाको आकार बन्न, निराकार हुनु पर्ने भो!
तिम्रो शासनको प्रतिकुल स्थिती, शक्ति थुनें हरेक
कैदबाट निस्कको सत्य सुनी, म फरार हुनु पर्ने भो!
(कैदीहरुको मूर्दाबाद सुनी, शिरिष फरार हुनु पर्ने भो!)