नयाँ जन्मकुण्डली बनाउनु परेपछि पुरानो कहाँ राख्ने भनेर ठूलो बहस चलेछ।
मलाई त लाग्यो—यो कुरा त कान्छी श्रीमती ल्याएपछि जेठीलाई कहाँ सुताउने भन्ने जस्तै भयो।

एउटा भाग्यले काम गरेन भने अर्को छापिन्छ,
जस्तो मोबाइलको अपडेट—पुरानो बग, नयाँ पनि उस्तै।

घरमा दुई वटा कुण्डली राखे युद्ध हुन्छ रे,
तर एउटै दिमागमा सय वटा डर राख्दा केही हुँदैन।

पुजारीले भने—यो अशुद्ध, त्यो शुद्ध,
तर पसल एउटै, दाम फरक, कथा फरक।

हामीले प्रश्न सोध्यो भने अधर्म हुन्छ,
तर उनीहरूले जे भने पनि धर्म नै हुन्छ।

काम छैन भने बुहारीलाई ज्योतिष कहाँ पठाऊ,
थोरै बाँकी रहेको सोच्ने शक्ति पनि दान गराऊ।

अन्त्यमा कुरा उही—
भाग्य होइन, भ्रम अपडेट हुँदैछ।