[Show all top banners]

arahat
Replies to this thread:

More by arahat
What people are reading
Subscribers
Subscribers
[Total Subscribers 2]

tenthfractal

kanchinani93
:: Subscribe
Back to: Kurakani General Refresh page to view new replies
 Nepali role model - पतिका नजरमा रेखा थापा
[VIEWED 16484 TIMES]
SAVE! for ease of future access.
Posted on 12-24-10 12:48 PM     Reply [Subscribe]
Login in to Rate this Post:     0       ?    
 

  • मैले उनलाई फिल्ममा हिँड्न सिकाएँ । कुन सही ? कुन गलत सिकाएँ र आज उनी एउटी परिपक्व नायिका बनेकी छिन् । 
  •  त्यसपछि मैले उनलाई नराम्रोसँग पिटेको थिएँ । उनी खुब रोएकी थिइन् । भोलिपल्ट उनको आँखामा गम्भीर चोट देखेँ । 
  •  रेखालाई वाइन पिउन र चुरोट पिउन मैले नै सिकाएको थिएँ 

http://www.nayapatrika.com/newsportal/middle_page/19974.html


पतिका नजरमा रेखा थापा

Font size: Decrease font Enlarge font
image

बोल्ड नायिका रेखा थापा न बोल्ड संवादसँग डराउँछिन्, न बोल्ड सिनसँग । उनी कुनै फिल्मको विज्ञापनमा रामनामीले शरीर ढाक्न तयार हुन्छिन्, आमहडतालमा माओवादी अध्यक्ष प्रचण्डसँग नाच्न तयार हुन्छिन्, कुनै टेलिभिजन सोमा अत्यन्त उत्ताउलो अन्तर्वार्ता दिन्छिन् । पतिका नजरमा यो 'बोल्डनेस' कति स्वीकार्य छ त ? रेखा थापाका पति छवि ओझाको आत्मस्वीकारोक्ति यस्तो छः

वि ओझा

फिल्म निर्माता

रेखा थापा जब कुनै भव्य समारोहमा उत्तेजक हाउभाउ देखाउँछिन्, मान्छे त्यति चञ्चले र फरासिली नायिका मजस्तो बुढ्यौलीतिर उन्मुख मान्छेकी श्रीमती हुन् भन्ने पत्याउन गाह्रो मान्छन् । उनी र मेरो वैवाहिक सम्बन्धबारे जानकारले पनि विश्वास गर्न गाह्रो मानेजस्तो देख्छु । हाम्रो सम्बन्धबारे रेखा हम्मेसी आफैँ खुल्न चाहँदिनन् । टेलिभिजन वा सिनेमाहलमा फिल्म हेरिरहेका दर्शकले जब बुझ्छन्, 'चञ्चले, चुलबुले र जङ्की नायिकाले त आफूभन्दा दोब्बर जेठो केटासँग पो बिहे गरेकी रहिछन् ।' उनीहरू पनि चित्त खान्छन् 

मैले २०४० सालमै 'युगदेखि युगसम्म' बनाएँ । ०५७ मा 'हिरो' फिल्मका लागि नयाँ नायिकाको खोजीमा थिएँ । त्यतिवेला नायिका खोज्दा सज्जा मैनालीले सागर ढुंगेलको फिल्म 'यस्तै हुन्छ पिरती'मा निकै राम्रो काम गरेको चर्चा थियो । मैले पनि यही हल्लालाई पछ्याउँदै नरेश पौडेलसँग सज्जालाई भेट्न सागरको अफिस पुगेँ । मेरो आँखा पुग्यो एउटी सुन्दरीको ब्लोअपमा । भर्खरै मिस कोसी भएकी ती मोडलको तस्बिर देखेर म रोमाञ्चित भएको थिएँ । उनै थिइन्- रेखा थापा । १० कक्षामा पढिरहेकी रेखालाई मोडलिङमा रुचि रहेछ । हामीले उनको घरमा फोन गरेर रेखालाई काठमान्डू बोलायौँ । रेखा मेरो अफिस आइन् । सेक्सी, ग्ल्यामरस र खुब चञ्चले थिइन् । छोटो लुगा लगाएकी । र, अरूलाई बालै नदिने एउटी टिनएजर केटी । उनको वर्षांदेखिको हिरोइन हुने सपना अब पूरा हुँदै थियो किनभने मैले उनलाई 'हिरो' फिल्ममा अनुबन्धित गर्ने भएको थिएँ 

पहिलो भेटमै मैले यो फैसला गरेको थिएँ । उनले मलाई अभिभावक ठानिन् । चञ्चले, चुलबुले रेखाको हाउभाउबाट उनी मसँग खुल्दै गएको स्पष्टै हुन्थ्यो । तर, मैले उनलाई 'यो फिल्म भन्ने दुनियाँ देख्दा मात्रै रंगीन हो, यहाँ धेरै बदनामी कमाइन्छ, तिमी फिल्म नखेल बरु राम्रो पढेर कुनै जमिनदारसँग बिहे गर,' भनेँ । एयर होस्टेसको अफर छाडेर हिरोइन बन्न आएकी उनले फिल्म नै खेल्छु भनिन् 

पहिलो भेटमै मलाई रेखा मनपरेकी हुन् । त्यसको केही समयपछि मैले रेखालाई फोन गरेर भनेँ, 'मसँग बिहे गर्छौ ?' उनी स्तब्ध बनिन् । केही जवाफ दिन सकिनन् । हुन पनि त्यो स्वाभाविक थियो किनभने म रेखाभन्दा दोब्बर जेठो थिएँ । तर, मैले उनको 'सुरक्षा'का लागि भनेको थिएँ । मेरी माइली श्रीमती गीताञ्जली सुनुवार मरेको एक वर्ष मात्र भएको थियो र मलाई जीवनसाथीको खाँचो महसुस भइरहेको थियो । उनले के सोचिछन् कुन्नि ? उनले केही दिनमै घरमा बुबालाई 'म छविसँग बिहे गर्न तयार छु' भनिछन् । पछि, मैले उनको बुबासँग पनि रेखाको हात मागेँ । त्यसवेला उनले हुन्छ भने, तर उनी निकै भावुक भएर रेखालाई अँगालो मारिरहेका थिए र आँसु झारिरहेका थिए । हामीलाई तामझामसाथ बिहे गर्न लाज लाग्यो । बिहेको घोषणा गर्‍यौँ र सँगै बस्न थाल्यौँ । त्यही वेला 'हिरो' फिल्मको सुटिङ पनि भइरहेको थियो । पहिलोपटक सुटिङका लागि मेकअप गरेपछि रेखालाई नराम्री देखेँ । सर्ट सुरु भयो । तनाब भयो । तर, उनी गानामा नाच्न थालेपछि भने म अचम्मित भएँ, किनभने त्यो बुलन्द नाच थियो । 'हिरो'का नायक राजेश हमालले त भनेका थिए, 'को हिरोइन हो ? कलिली छे त । ओठ निचोर्दा पनि दूध आउलाजस्तो ।' हुन पनि उनी बच्चै थिइन्, भर्खर १६ वर्षकी 

लाग्छ- त्यसवेला रेखालाई मेरो आँट मनपरेको हो । उनलाई पनि फिल्मकै मान्छेसँग काम गरेर फिल्म खेल्न पाए नानाथरिका अफवाहबाट बच्न सकिन्छ भन्ने लोभ पनि लागेको थियो कि ? उमेरको अन्तरले हाम्रो विचारमा केही फरक हुन सक्छ । मैले उनलाई फिल्ममा हिँड्न सिकाएँ । कुन सही ? कुन गलत सिकाएँ र आज उनी एउटी परिपक्व नायिका बनेकी छिन् । उनलाई मैले भनेको छु- तिमीलाई मभन्दा अर्को कोही मान्छे मन पर्‍यो र ऊसँग खुसी हुन सक्छु जस्तो लाग्यो भने मलाई पर्खेर बस्नु पर्दैन, गए हुन्छ । यो दस वर्षको अवधिमा रेखाले ९० बढी फिल्ममा अभिनय गरिसकेकी छिन् । हिरो, कस्तो साइनो, यस्तै रहेछ जिन्दगी, अजम्बरी नाता, हिम्मत, किस्मत, हिफाजत, कसले चोर्‍यो मेरो मन उनका केही चर्चित फिल्म हुन् 

मैले भेट्दा रेखा अरूलाई मान्छे नगन्ने, निकै घमन्डी स्वभावकी थिइन् । अहिले उनको स्वभाव निकै फेरिएको छ । उनलाई मैले निकै माया गरेर परिवर्तन गराएको हुँ । रेखा मलाई सधैँ 'मामु' भनेर सम्बोधन गर्छिन् । मचाहिँ रेखाजी भन्छु, रिस उठ्दा । अरू वेला नानु, बाबु भन्छु । हामीले बिहे गरेको यत्तिका वर्ष भयो । तर, हामी दुई मात्रै, कतै घुम्न गएका छैनौँ । सधैँको कामले होला, उनी प्रायः थकित हुन्छिन् । त्यसवेला उनको निर्दाष अनुहार देख्दा एकदम माया लाग्छ । उनी जति बोल्ड छिन् त्यत्तिकै भावुक पनि । यति भावुक कि मैले ठूलो आवाजमा झर्किएँ मात्र भने पनि एकान्तमा लुकेर रुन थाल्छिन् 

घमन्डी र छिटो रिसाउने स्वभावकी छिन् उनी । घरमा सानो काम पनि गर्दिनन् । बिहान उठ्छिन् र सिरक पनि नमिलाईकन बाहिर निस्कन्छिन् । बिहान उठेपछि मआफैं बेड मिलाउँछु । अहिलेसम्म उनले कहिल्यै पनि खाना पकाएकी छैनन् । काम गर्ने केटाले खाना पकाउँछ । बरु कहिलेकाहीँ म भाँडा माझ्छु 

रेखा फ्र्यांक, मिहिनेती र राम्रो अभिनय गर्ने केटी हुन् । कसैसँग डराउँदिनन् । मान्छे हेरेर ट्याकल गर्ने बानी छ । हाम्रो धेरै कुरामा मनमुटाव हुन्छ, झगडा पर्छ । र, हाम्रो झगडाको विषय फिल्म नै हुन्छ । झगडा परेको वेला हामीबीच दुई महिनासम्म पनि बोलचाल हुँदैन । निकै रिसाउने बानी छ रेखाको । एकपटक कस्तोसम्म भएको छ भने उनको जन्मदिन थियो । साँझ हामीले पार्टी दिएका थियौँ फिल्मकर्मीलाई । पार्टीमा आउन ढिला गरिन् रेखाले । ढिला आउँदा उनको हातमा एउटा घडी थियो । साथीले उपहार दिएको रहेछ । मैले पटक-पटक सोधेँ, 'घडी कसले दिएको ?' धेरैपटक सोध्दा पनि उनले बताइनन् । त्यसपछि मैले उनलाई नराम्रोसँग पिटेको थिएँ । उनी खुब रोएकी थिइन् । भोलिपल्ट उनको आँखामा गम्भीर चोट देखेँ । भोलिपल्टचाहिँ पिटेकोमा पछुतो लागेको थियो । त्यसपछि, हामीबीच महिनौँसम्म बोलचाल भएन । पछिल्लोपटक झगडा परेर बोलचाल पनि नभएकोचाहिँ गएको वैशाखमा हो । मलाई उनको संगत जोसुकैसँग भए पनि कुनै आपत्ति छैन, तर कुनै केटासँग आपत्तिजनक क्रियाकलापमा संलग्न भेटेँ भनेचाँहि म डिभोर्स गर्छु । पक्का !

सुटिङको वेला रेखा महिनौँसम्म बाहिर हुन्छिन् । त्यसवेला भने म उनलाई साह्रै मिस गर्छु । एक्लै हुँदा खुब दिक्क लागेर आउँछ । बेलुका कोठामा पुग्छु र त्यो रित्तोकोठा देख्दा भावुक बन्छु । हामी सँगै हिँड्यौँ भने मान्छेले अनेक कुरा गर्छन् । बढी त हाम्रो नमिल्दो उमेर देखेर छक्क पर्छन् । त्यसैले हामी पार्टीतिर जाँदा पनि एक्लै-एक्लै जान्छौँ 

मलाई गाडी चलाउन आउँदैन, रेखा चलाउँछिन् । कहिलेकाहीँ मेरो बाइकमा चढ्न उनी 'इन्जोय' गर्छिन् । झमझम पानी पर्दा बाइकको पछाडि बसेर घुम्न रमाउँछिन् । त्यसवेला लाग्छ, श्रीमतीभन्दा पनि उनी मेरो बच्चा हुन् । रेखालाई वाइन पिउन र चुरोट पिउन मैले नै सिकाएको थिएँ । पहिले खुब वाइन पिउँथिन् । अहिले पिउँदिनन्, तर चुरोटको बानी छुटेको छैन 

मेरी जेठी श्रीमतीबाट दुई छोरा र माइलीबाट एक छोरा छन् । छोरा र रेखाको उमेर-समूह एउटै हो । छोराहरूलाई निकै राम्रो व्यवहार गर्छिन् रेखा । मेरा छोराहरू उनका पि्रय साथी हुन् । उनले अहिलेसम्म छोरा-छोरी जन्माउने मन देखाएकी छैनन् । खै अब देखाउलिन् कि ? ३० वर्ष नपुगी जन्माउँदिनँ भन्छिन् 

रेखाको धेरै खर्च गर्ने र पैसा अलिकति पनि नजोगाउने बानी छ । हुन त उनैले कमाएको पैसा हो । उनलाई मैले अहिलेसम्म पैसा दिनुपरेको छैन । उनलाई पैसा जोगाउ भन्छु । मेरो कुरालाई हावामा उडाउँछिन् 

मलाई रेखाले छोटो लुगा लगाएको मन पर्छ । उनलाई मिनिस्र्कट सुहाउँछ पनि । स्कर्ट र जिन्स लगाएको बढी मन पर्छ । गुलाबी रंगको छोटो लुगा लगाउँदा उनलाई म संसारको सबभन्दा सेक्सी देख्छु । मैले फिल्ममै २५ वर्ष बिताएँ । रेखाजत्तिकै मलाई मनपर्ने हिरोइन करिश्मा मानन्धर पनि हो 

हुन त म फिल्ममा लागेको निकै वर्ष भयो । तर, मान्छे मलाईभन्दा पनि रेखालाई बढी चिन्छन् । म त्यसैमा दंग पर्छु । मलाई अरूले 'रेखाको श्रीमान्' भन्छन् । उनलाई चैत-वैशाख खुब मन पर्छ । उराठलाग्दो मौसम मन पर्छ भन्छिन् । उनलाई त्यो समय खुब सेक्सी लाग्छ रे । ग्ल्यामरस लाग्छ रे 

पहिले रेखा फिल्ममा स्क्रिप्ट पढ्दिनथिन् । पछि मात्र पढ्न थालेकी हुन् । पहिलेभन्दा उनको अभिनय निकै खारिएको छ । उनले धेरै फिल्म खेलिन् । अहिले 'अब संख्याभन्दा पनि गुणस्तरमा ध्याय देऊ,' भन्छु 

उनी एकचोटि एमाओवादीका अध्यक्ष प्रचण्डसँग नाचेर पनि चर्चामा आइन् । तर, माओवादीसँग उनको कुनै सम्बन्ध छैन, बरु मेरो छ । कहिलेकाहीँ उनी राजनीति गर्छु भन्छिन् । तर, मलाई विश्वास लाग्दैन 

प्रस्तुतिः दीपक सापकोटा
spkt.deepak@gmail.com



 
Posted on 12-24-10 1:20 PM     [Snapshot: 60]     Reply [Subscribe]
Login in to Rate this Post:     1       ?     Liked by
 



Only in this country a man can create a public article about beating his wife and be proud of influencing an underage girl to marry him.

What an ignorant looser to publish something like this.

 
Posted on 12-24-10 3:04 PM     [Snapshot: 257]     Reply [Subscribe]
Login in to Rate this Post:     1       ?     Liked by
 

चिकामारी खेल्ने साथीले दिएको उपाहार होला अनि किन भन्थी जाठो बुडोलाई....
 
Posted on 12-24-10 7:04 PM     [Snapshot: 520]     Reply [Subscribe]
Login in to Rate this Post:     0       ?    
 

America ma bhayeko bhaye sala lai kanoon lagthyo
 
Posted on 12-25-10 9:16 AM     [Snapshot: 857]     Reply [Subscribe]
Login in to Rate this Post:     0       ?    
 

Kasto gule raicha!
Huna ta rekha pani polda poldai uchitiyeki jasti che....
 


Please Log in! to be able to reply! If you don't have a login, please register here.

YOU CAN ALSO



IN ORDER TO POST!




Within last 30 days
Recommended Popular Threads Controvertial Threads
What are your first memories of when Nepal Television Began?
nrn citizenship
Send Parcels from USA to Nepal & Worldwide.
Why is every youths leaving Nepal? Why are not youths entering politics and serving the country, starting business etc?
TPS Work Permit/How long your took?
महँगो अण्डाको पिकल्प : कुखुरा र खोर भाडामा लिने
Travelling on TPS advance travel document to different country...
Informatica consultancy share
काेराेना सङ्क्रमणबाट बच्न Immunity बढाउन के के खाने ?How to increase immunity against COVID - 19?
TPS Renewal Reregistration
Nepali doctors future black or white usa ?
हेर अमेरिकामा नेपालीहरुको बेज्जत
Thank you for the sajha policy
Are you ready to know the truth?
मन भित्र को पत्रै पत्र!
चितवनको होस्टलमा १३ वर्षीया शालिन पोखरेल झुण्डिएको अवस्था - बलात्कार पछि हत्याको शंका - होस्टेलहरु असुरक्षित
Another Song Playing In My Mind
Does the 180 day auto extension apply for TPS?
Travelling to Nepal - TPS AP- PASSPORT
WHAT DO YOU GUYS THINK ABOUT THIS?
NOTE: The opinions here represent the opinions of the individual posters, and not of Sajha.com. It is not possible for sajha.com to monitor all the postings, since sajha.com merely seeks to provide a cyber location for discussing ideas and concerns related to Nepal and the Nepalis. Please send an email to admin@sajha.com using a valid email address if you want any posting to be considered for deletion. Your request will be handled on a one to one basis. Sajha.com is a service please don't abuse it. - Thanks.

Sajha.com Privacy Policy

Like us in Facebook!

↑ Back to Top
free counters