[Show all top banners]

ktmpost

More by ktmpost
What people are reading
Subscribers
:: Subscribe
Back to: Kurakani General Discussion Refresh page to view new replies
 San Franciscoमा २७ बर्षिया नेपाली युवतीले आत्महत्या गरेको दुखद समाचार
[VIEWED 1802 TIMES]
SAVE! for ease of future access.
Posted on 08-22-19 8:42 PM     Reply [Subscribe]
Login in to Rate this Post:     0       ?        
 

 बद्री गौतम /शिव नेपाल –

 सानफ्रानसिस्को ।

  नेपालीहरूको घनावस्ति रहेको सानफ्रानसिस्को बे एरियामा आत्महत्याको अर्को दुखद खबर थपिएको छ । २७ वर्षीय नेपाली युवतीले अगस्ट २१ तारिख बुधवार आफ्नै कोठामा आत्महत्या गरेकी छन् । सानफ्रानसिस्को डाउनटाउनमा रहेको घटनास्थलमा पुगेका उत्तम कार्की र विश्व भट्टका अनुसार आफ्नै कोठाको पंख्खामा झुण्डिएर उनले आत्महत्या गरेकी हुन् । बुधवार दिउसो नै प्रहरी घटनास्थलमा आएर मुचुल्का उठाई पोष्टमार्टमका लागि शव अस्पतालमा लगेको छ ।

२७ वर्षीय सुनिता लिम्बुले आत्महत्या गर्नु अगाडि सुसाइड नोट पनि लेखेकी छन् । सुसाइड नोट प्रहरीले अनुसन्धानका लागि राखेको छ । सुसाइड नोटमा के लेखिएको छ भन्ने बारे घटनास्थलमा पुगेका नेपाली समाजका अगुवाहरूलाई थाहा भए पनि पत्रकारलाई बताउन चाहेनन् ।

परिबार स्रोतका अनुसार सुनिता लिम्बु आत्महत्या गर्नु केही बेर अगाडिसम्म घरमा रहेका परिवारका सदस्यहरूसँग राम्रैसँग कुराकानी गरिरहेकी थिइन । बुवा, आमा र परिवारका अरू सदस्यसँगै उनी सानफ्रानसिस्को डाउनटाउन नजिकै वस्तै आएकी थिइन । सबै जना घरबाट बाहिर निस्किएको केही बेरमा नै उनले आत्महत्या गरेकी हुन् । आत्महत्याको कारण सुसाइड नोटमा लेखिएको भए पनि अनुसन्धान नसकिएसम्म खुलासा नगर्न आफन्त र प्रहरीले अनुरोध गरेका छन् । उनका श्रीमान् बेलायतमा वस्तै आएका छन् । उनको एउटा बच्चा पनि छ । सुनिता सानफ्रानसिस्को मै एक जना नेपालीको रेष्टुरन्टमा काम गर्दै आएकी थिइन ।

अमेरिकामा नेपालीहरूको आत्महत्याको दर बढ्दो छ । दुई वर्ष यता सानफ्रानसिस्को बे एरियामा मात्र ५ जना नेपाली युवा युवतीले आत्महत्या गरिसकेका छन् । न्यान्सका पूर्व अध्यक्ष उत्तम कार्की आत्महत्याको बढ्दो घटनाले सानफ्रानसिस्को बे एरियामा वस्तै आएका नेपालीहरू त्रसित र आक्रान्त भएको बताउँछन् । सानफ्रानसिस्कोमा मात्र होइन अमेरिकाका अरू सहरमा पनि नेपालीहरूको आत्महत्याको दर बढ्दो छ । दुई वर्षको अवधिमा अमेरिका भित्र आत्महत्या गर्ने नेपालीको सङ्ख्या ३० नाघिसकेको छ । आत्महत्याको सम्बन्धमा सबै समुदाय माथि गरिएका अध्ययनहरूले अमेरिकामा यो समस्या भयावह बन्दै गएको देखाएको छ ।

दैनिक १२९ जनाले गर्छन आत्महत्या 

अमेरिकन फाउण्डेसन फर सुसाईड प्रिभेन्सनले गरेको खोज अनुसन्धान अनुसार सुनिता लिम्बुले जस्तै अमेरिकामा बर्षमा झण्डै ५० हजारले आत्महत्या गर्ने गरेको देखिएको छ ।

फाउण्डेसनले सन २०१८ मा गरेको एक सर्भे अनुसार सन २०१७ मा अमेरिकामा ४७ हजार एक सय ७३ जना अमेरिकीहरुको मृत्यु आत्महत्याबाट भएको पाइएको छ । सन २०१७ मै १४ लाख अमेरिकीहरुले आत्महत्याको प्रयास गरेको रिपोर्ट सार्वजनिक भएको थियो ।

अर्बौ रकम आत्महत्याकै कारण खर्च

फाउण्डेसनको रिपोर्ट अनुसार आत्महत्या तथा यस्तो दुर्घटनाबाट राज्यलाईपनि निकै ठुलो नोक्सानी हुने गरेको देखिएको छ । जब कुनै व्यक्तिले आत्महत्या गर्छ भने त्यसको छानविन गर्नु पर्यो । यदि कोही आत्महत्याको प्रयास गर्यो तर बच्यो भने उसको उपचार त गर्नै पर्यो । यसमा अमेरिकामा ६९ बिलियन डलर खर्च हुने गरेको तथ्यांकले देखाउंछ ।

मृत्युको दशौं कारण आत्महत्या, दैनिक १२९ जना मारिन्छन

अमेरिकामा मास सुटिङबाट मात्रै झण्डै ४० हजार भन्दा मानिसको बर्षेनी मृत्यु हुने गरेको छ । मृत्युका अन्य कारणहरुपनि छन । तर अमेरिकामा मृत्युको दशौं कारण हो आत्महत्या । यदि कुनै व्यक्तिले आफुले आफैलाई मार्ने कार्यपनि मृत्यु हुनुको टप टेन कारणभित्र पर्छ भने यसलाई भयावह नै मान्नु पर्छ । अमेरिकन फाउण्डेसन फर सुसाइड प्रिभेन्सनको अनुसन्धानले यहि कुरालाई देखाउंछ । यो तथ्यांक यति डरलाग्दो छ कि यसलाई दैनिक औषतमा निकाल्ने हो भने दिनमा एक सय २९ जनाले आत्महत्या गर्दछन ।

आत्महत्या गर्नेमा बयस्क र बृद्धहरु धेरै

फाउण्डेसनको तथ्यांकले सन २०१७ मा आत्महत्या गर्नेमा धेरै स्वेत नागरिहरु रहेको प्रतिवेदन सार्वजनिक गरेको थियो । आत्महत्या गर्नेहरुमा वयस्क उमेरका धेरै भएको देखिएको छ । अझ भन्दा ४५ देखि ५४ बर्ष उमेरका व्यक्तिहरुले धेरै आत्महत्या गरेको देखिन्छ ।

अनुसन्धान अनुसार आत्महत्या गर्ने २० दशमलव दुई प्रतिशत व्यक्तिहरु सोही उमेर समुहका छन । त्यसपछि धेरै आत्महत्या गर्नेहरु ८५ बर्ष भन्दा माथीका उमेरका छन । त्यस्ता व्यक्तिहरुको प्रतिशत २० दशमलव एक रहेको छ । वयस्क र बृद्धहरुभन्दा युवाहरुमा आत्महत्याको दर कम देखिन्छ । १४ दशमलव ४६ प्रतिशत आत्महत्या १५ देखि २४ बर्ष उमेर समुहका व्यक्तिले गरेको अनुसन्धानले देखाएको छ । जुन अन्यको तुलनामा कम हो ।

आत्महत्या गर्नेमा स्वेत अमेरिकन धेरै

सन २०१७ को पतिवेदन अनुसार आत्महत्या गर्नेहरुमा स्वेत नागरिकको संख्या धेरै छ । रिपोर्टका अनुसार आत्महत्या गर्नेमा १५ दशमलव ८५ प्रतिशत स्वेत नागरिक छन । त्यसपछि अलास्का नेटिभ र अमेरिकन इण्डियनहरु धेरै रहेका छन । उनीहरुको प्रतिशत १३ दशमलव ४२ रहेको छ । अफ्रिकन अमेरिकन एसियनहरुको आत्महत्याको दर कम रहेको छ । फाउण्डेसनका अनुसार ६ दशमलव ६१ प्रतिशत अफ्रिकन अमेरिकन र ६ दशमलव ५९ प्रतिशत एसियन अमेरिकन रहेको अनुसन्धानमा देखिएको छ ।

५० प्रतिशत भन्दा धेरै आत्महत्या आफैले गोली हानेर

रिसर्चले अधिकांश आत्महत्या आफैले आफुलाई बन्दुक हानेर गरेको देखिएको छ । आत्महत्या गर्ने ५० दशमलव ५७ प्रतिशतले आफुले आफैलाई गोली हानेका छन । त्यस्तै झुण्डिएर २७ दशमलव ७२ प्रतिशतले आत्महत्या गरेका छन भने विष खानेहरु १३ दशमलव ८९ प्रतिशत छन ।

आत्महत्या प्रयासको सम्बन्धमा

अमेरिकामा लाखौंले आत्महत्याको प्रयास गर्ने गरेको पाइन्छ । तर स्पष्ट तथ्यांक भने बाहिर आउन सकेको छैन । अस्पतालमा उपचारको लागि आउनेहरुको रेकर्डको आधारमा अमेरिकामा १४ लाख जतिले आत्महत्याको प्रयास गरेको अनुमान गरिएको छ ।

आत्महत्याको प्रयास गर्नेहरु १८ बर्षभन्दा कम उमेर समुहका व्यत्तिहरु अधिकांश रहेको देखिन्छ । त्यस्तै स्कुले विद्यार्थीहरुमा आत्महत्या प्रयास धेरै पाइएको छ । विशेषगरी कक्षा नौ र दशमा पढ्दै गरेका किशोर किशोरीहरुले धेरै आत्महत्याको प्रयास गरेको पाइन्छ ।

लागु औषध, चरम निराशा तथा मानसिक रोगका कारणपन युवा उमेरका मानिसहरुले आत्महत्या रोज्ने गरेको पाइन्छ । त्यस्तै वयस्कहरुले आफ्नो घर व्यवहार तथा पारिवारिक विखण्डनका कारण वितृष्णा बढेर आत्महत्या गरेको अनुमान लगाइन्छ ।

बृद्धहरुले भने जिवनदेखि नै निराशा तथा आफु अरुलाई भार बन्न नपरोस भन्ने सोचाइका कारण आत्महत्यालाई अंगालेको विष्लेषण गरिएको छ । संसारको सबैभन्दा वैभवशाली र शक्तिशाली मुलक अमेरिका, जहां संसारभरीबाट मानिसहरु आउन चाहन्छन । तर जिवनमा सोचे जस्तो नभएपछि मानिस निराशामा जान्छ र चरम निराशाले मानिसलाई आत्महत्यातर्फ धकेल्दछ ।

http://www.durbinnepal.com/archives/45893


 


Please Log in! to be able to reply! If you don't have a login, please register here.

YOU CAN ALSO



IN ORDER TO POST!




Within last 60 days
Recommended Popular Threads Controvertial Threads
TRUMP 2016!!! Here is why?
~चौतारी १९९~
हामीहरुले २० जना केटिहरुसंग सेक्स गर्नै पर्छ रे नी !
TPS to GC (PERM-I140-I485) TimeLine
TPS FEDERAL NOTICE
नफर्किने गरि नेपाल जाने सोच
रवि लामिछानेले येसोरी हत्या गर्यो शालिकराम पुडासैनीको ( with video )
ICE RAID
TPS to change of status denied ..Need help
Stock ma lagani
थुक्क प्रियंका कार्कीजी …
US upcoming recession --- is it good time to buy house when rates are low or is it good time to wait recession?
Excellent Deal on Chase Sapphire Preferred Credit Card - Don;t miss out
Momo and Pizza at Villa House of Pizza, Arlington MA
2020 : Why No Trump !
अमेरिकामा एक नेपाली युवक आफ्नै ओछ्यानमा मृत भेटिए
TPS EAD rejected: Help
filing H1b as gas station attendant
Salary offer aako cha
लामिछानेको येस्पलीको दसैँ मामाघरमा
Former U.S. President Bill Clinton in Nepal
~चौतारी १९९~
TRUMP 2016!!! Here is why?
NOTE: The opinions here represent the opinions of the individual posters, and not of Sajha.com. It is not possible for sajha.com to monitor all the postings, since sajha.com merely seeks to provide a cyber location for discussing ideas and concerns related to Nepal and the Nepalis. Please send an email to admin@sajha.com using a valid email address if you want any posting to be considered for deletion. Your request will be handled on a one to one basis. Sajha.com is a service please don't abuse it. - Thanks.

Sajha.com Privacy Policy

Like us in Facebook!

↑ Back to Top
free counters