[Show all top banners]

huippa

More by huippa
What people are reading
Subscribers
:: Subscribe
Back to: Kurakani General Refresh page to view new replies
 किन बढ्दै छन् मानसिक रोगी ?
[VIEWED 4509 TIMES]
SAVE! for ease of future access.
Posted on 10-12-18 12:05 AM     Reply [Subscribe]
Login in to Rate this Post:     0       ?    
 

समाजको बदलिंदो स्वरुपसँगै देशमा मानसिक रोगीको सङ्ख्या बढिरहेको सरकारी तथ्याङ्कले देखाएको छ । मानसिक रोगबाट सबभन्दा बढी १६ देखि ४० वर्ष उमेर समूहका व्यक्ति प्रभावित छन् । यो उमेर समूह भनेको आर्थिक रुपमा सबल जनशक्ति हुन् । नेपालको कूल जनसङ्ख्यामा यो उमेर समूहले ४० प्रतिशत ओगटेको छ । विश्व स्वास्थ्य सङ्गठनले नेपालमा झण्डै २२ लाख युवा मानसिक रोगबाट प्रभावित रहेको अनुमान गरेको छ । गत आर्थिक वर्षमा मात्र मानसिक रोगका कारण नेपालमा ५ हजार ३ सय ४६ जना व्यक्तिले आत्महत्या गरेका थिए । नसर्ने रोगभित्र मानसिक रोगको हिस्सा १८ प्रतिशत रहेको सरकारी तथ्याङ्कले देखाएको छ ।
मानसिक रोगको प्रमुख कारण समाजमा कुनै प्राकृतिक वा मानवीय कारणले निम्तिने भयावह अवस्था हुने गर्दछ । युद्ध, बाढी पहिरो, भूकम्प आदि पनि मानसिक रोगका स्रोत हुन् । २०७२ सालमा गएको भूकम्पको भयावह अवस्थाको प्रभाव अझै पनि नेपाली समाजमा कुनै न कुनै रुपमा बाँकी छ ।
मानसिक रोगको अर्को प्रमुख कारण भनेको एक्लोपना महसुस गर्नु हो । कसैले आफूलाई बेसहारा र एक्लो महसुस गर्दछ भने उसलाई मानसिक रोगले सताउने धेरै सम्भावना हुने गर्दछ । विशेषतः सहरी संस्कृतिले त्यो एक्लोपना जन्माउने गर्दछ । पुँजीवादी बन्दोबस्तले मानिसलाई समूह वा समुदायमा भन्दा पनि एक्लै बस्न परिस्थिति बनाइदिने गर्दछ । पुँजीवादी समाजले मानिसलाई अरू कसैका बारेमा चासो लिन नहुने अवस्थामा पु¥याउने गर्दछ । सामूहिक भावनाभन्दा व्यक्तिगत रुपमा मानिसलाई स्वार्थी बनाउने गर्दछ । मानिसलाई हरेक हिसाबले महत्वाकाङ्क्षी बनाउने गर्दछ तर त्यस्तो महत्वाकाङ्क्षा धेरैका लागि आकाशको फलमात्र हुने गर्दछ । यस्तो परिस्थितिले सिङ्गो समाजलाई स्वार्थी र निराशावादी बनाउने गर्दछ । पुँजीवादी समाजमा मानसिक रोगी धेरै हुनाको मूल कारण समाजको यही बन्दोबस्त हो ।
विश्वसँगको अन्तर्घुलनसँगै नेपाली युवाले पनि धेरै सपना देख्न थालेका छन् । पुँजीवादी विश्वको झिलिमिलीले उनीहरूमा धेरै थरी सपनाको बिजारोपण गरिदिएको छ । तर त्यो झिलिमिली र वास्तविकताबीच ठूलो अन्तर छ । त्यही अन्तरले नेपाली युवामा मानसिक रोगको डेरा जमाएको हो ।
विदेशमा श्रम बेच्न गएका धेरै नेपाली युवाले एक्लोपना र समाजसँगको घुलमेल हुनुका अप्ठ्याराका कारण आत्महत्या गर्ने गरेका छन् । विशेषतः दक्षिण कोरियामा गएका धेरै नेपाली युवाहरू मानसिक रुपमा रोगी भएको अध्ययनले देखाएको छ । धेरै नेपाली युवाले दक्षिण कोरियामा आत्महत्या गरेका समाचार पनि प्रकाशित भएका छन् ।
मानसिक रोगको सबभन्दा ठूलो निदान भनेको सामूहिक जीवन नै हो । मै खाऊँमै लाऊँ सुखसयल सबै मै गरुँ भन्ने स्वार्थी र महत्वाकाङ्क्षी भावनाले मानिसलाई एक्लो बनाउने गर्दछ । पछिल्लो समय नेपालमा मात्र होइन, सिङ्गो विश्वमै सामाजिक सञ्जाल नाम दिइएको विद्युत्तीय प्रविधिले मानिसलाई असामाजिक बनाउँदै गएको धेरै अध्ययनले देखाएको छ । त्यस्ता सञ्जाल मूलतः किशोरावस्था र युवा उमेरका मानिसले नै प्रयोग गर्ने गरेका छन् । समाजसँग घुलमिल हुनेभन्दा पनि भर्चिअज विश्वमा रमाउने हुँदा उनीहरूमध्ये धेरै असामाजिक बन्दै गएका छन् । त्यसकारण आज विद्युत्तीय सञ्जाल आफैं मानसिक रोगको कारण बनिरहेको छ ।
मानसिक रोगको मूल निदान औषधिमुलोमात्र पक्कै पनि होइन । मूलतः समाजसँग घुलमिल हुने वातावरण, जीवनप्रतिको आशावादी दर्शन, आफ्नो कामको कदर हुने अवस्थाले मानिसलाई मानसिक समस्याबाट टाढा राख्ने गर्दछ ।
विशेषतः देशलाई काँधमा बोक्ने जिम्मेवारी पाएका युवाहरूमा यस्तो समस्या देखिनु देशकै भविष्यको लागि शुभ सङ्केत होइन । युवा पुस्तामा यस्तो समस्या व्यक्ति समस्यामात्र होइन, त्यो सामाजिक समस्या हो । राज्यले यो समस्या समाधानको लागि पहलकदमी गर्न आवश्यक छ । किशोरावस्थादेखि नै नयाँ पुस्तालाई समाजसँग सँगै हुर्कने अवस्थाको विकासमा जोड दिइनुपर्दछ । सामाजिक सञ्जालबाट हुने असामाजिक परिणामप्रति सजग बन्दै समाधान गर्न ध्यान दिइनुपर्दछ । नत्र मानसिक रोगले समाजमा मन्दविषको काम गर्नेछ ।
Last edited: 12-Oct-18 12:06 AM

 


Please Log in! to be able to reply! If you don't have a login, please register here.

YOU CAN ALSO



IN ORDER TO POST!




Within last 7 days
Recommended Popular Threads Controvertial Threads
मन भित्र को पत्रै पत्र!
TPS Work Permit/How long your took?
Another Song Playing In My Mind
Does the 180 day auto extension apply for TPS?
Travelling to Nepal - TPS AP- PASSPORT
NOTE: The opinions here represent the opinions of the individual posters, and not of Sajha.com. It is not possible for sajha.com to monitor all the postings, since sajha.com merely seeks to provide a cyber location for discussing ideas and concerns related to Nepal and the Nepalis. Please send an email to admin@sajha.com using a valid email address if you want any posting to be considered for deletion. Your request will be handled on a one to one basis. Sajha.com is a service please don't abuse it. - Thanks.

Sajha.com Privacy Policy

Like us in Facebook!

↑ Back to Top
free counters