[Show all top banners]

huippa

More by huippa
What people are reading
Subscribers
:: Subscribe
Back to: Politics Refresh page to view new replies
 ट्रम्पसँग ओलीका दुई मिनेट
[VIEWED 5837 TIMES]
SAVE! for ease of future access.
Posted on 09-25-18 7:32 PM     Reply [Subscribe]
Login in to Rate this Post:     0       ?        
 

संयुक्त राष्ट्र सङ्घको महासभामा सहभागी हुन प्रधानमन्त्री केपी ओली संरा अमेरिकाका लागि शनिबार उडेका छन् । संरा अमेरिका बसाइको क्रममा संरा अमेरिकी राष्ट्रपति डोनाल्ड ट्रम्पसँग उनको दुई मिनेट भेट्ने कार्यक्रम बनेको छ । ट्रम्पसँग दुई मिनेट भेटेर हाम्रा प्रधानमन्त्रीले के भन्लान्, के सन्देश दिन भ्याउलान् ? संरा अमेरिका गएकाले ट्रम्पसामु देख्नैपर्ने र हात मिलाउनै पर्ने प्रधानमन्त्रीलाई के बाध्यता आइलाग्यो ? नेपाली जनताका यी जिज्ञासा विभिन्न माध्यमबाट अभिव्यक्त भएका छन् ।


कुनै पनि देश धनी र ठूलो हुँदैमा त्यसको सार्वभौमिकता ठूलो हुने र सानो तथा गरीब देशको सार्वभौमिकता सानो हुने कदापि होइन । संसारका सबै देशको स्वाभिमान समान रुपमा उँचो हुने गर्दछ । आपसको सार्वभौमिकता र स्वाभिमानप्रति सम्मान गर्ने संस्कृतिले नै संसारको सभ्यता अभिव्यक्त हुन सक्दछ । तर ओलीले दुई मिनेटका लागि ट्रम्प भेटेर नेपालको सार्वभौमिकता र स्वाभिमानलाई होचो बनाएका छन् ।


कूटनीतिक व्यवहारमा एउटा देशको नेताले अर्को देशको नेतासँग कुनै असामान्य अवस्थामा बाहेक भेटघाट गर्नु सामान्य प्रचलन हो । तर त्यो प्रचलन दुवै देशको समान उचाइमा आधारित हुनुपर्दछ । कुनै देशमाथि हेय र न्यूनाड्ढनमा आधारित भएर यस्तो अभ्यास गर्नु उपनिवेशवादी चिन्तनकै शिलशिला हो । ट्रम्पको व्यस्त तालिका भए उनीसँग हाम्रा प्रधानमन्त्रीले नभेट्दा आकाश खस्ने थिएन । अथवा भेट्नैपर्ने हो भने किन विशेष समयका साथ भेट्न सक्दैनन् ? के ट्रम्पको समय देशको आकारअनुसार प्राप्त हुने हो ?


मूलतः यो नेपालको कूटनीतिक क्षेत्रमा कार्यरत सरकारी अधिकारीहरूको असफलता पनि हो । देशको सरकार प्रमुखलाई कुन ठाउँमा कसरी सहभागी बनाउँदा देशको हित र प्रतिष्ठा हुन्छ भन्ने विषयको हिसाब परराष्ट्र मन्त्रालय र दूतावासबाट हुनुपर्दछ । विडम्बना हाम्रो कर्मचारीतन्त्र आफैं पश्चिमा र ठूला देश भनेपछि मरिच चाउरिएजस्तै चाउरिन्छन् र पो त समस्या छ !


सार्वभौमसत्ता सम्पन्न देशको कूटनीतिमा आत्मसम्मान र आत्मस्वाभिमानको ठूलो महत्व हुने गर्दछ । देशको नेतृत्वले देशकै प्रतिष्ठामा खेलाँची गर्नुले कालान्तरसम्म देशको भविष्यमा प्रभाव पार्ने गर्दछ । ट्रम्पसँग फोटो खिच्ने लालसाकै कारण ओलीले दुई मिनेट नै भए पनि भेट्न इच्छा गरेका भए त्यो देशको कूटनीतिक क्षेत्रमा अझै जरा गाडेर बसेको मानसिक दरिद्रताको परिणाम हो ।


निकारागुआका राष्ट्रपति डानिएल अर्टेगाले न्युयोर्क बसाइको क्रममा आफूले ट्रम्पसँग प्रत्यक्ष भेटेर आफ्नो देशमा राजनीतिक उपद्रव गर्नुको कारणबारे कुराकानी गर्ने घोषणा गरे । हाम्रा प्रधानमन्त्रीको ट्रम्पसँग के विषयमा भेट्न खोजेका हुन् ? उनले कुन विषयमा ट्रम्पको चित्त बुझाउन ‘दुई मिनेट’ भेट्न खोजेका हुन् ? भेट्नका लागि मात्र भेट्न खोजेका हुन् र त्यो पनि मुस्किलले दुई मिनेट भेट्ने हुन् भने त्यसले कुनै निचोड ननिकाल्ने मात्र होइन, बरु पश्चिमा भक्तिको मानसिकता बोकेका केही नेपाली शासक र सुकिलामुकिलालाई खुसी बनाउने बहानामात्र हो । यो संरा अमेरिकालाई संसारको केन्द्र र महाशक्ति मान्ने लघुताभाषी चिन्तनको परिणाम हो ।



 


Please Log in! to be able to reply! If you don't have a login, please register here.

YOU CAN ALSO



IN ORDER TO POST!




Within last 90 days
Recommended Popular Threads Controvertial Threads
What stocks to buy -- Any recommendation
Vintage Pictures of Kathmandu
Fox News: Wear the Damn Mask, it is not political issue but a public health issue.
Dr. Fauci न टोक्नु न बोक्नु भएको छ ट्रुम्पलाई
Ushering in new era of communism ...
Love Letters From The Past--SITARA
जोडि त भाग्यले जुराउँछ - हिरोइन स्वेताले यसरि दोश्रो पटक बिहे गर्न लागिन
ॐ श्री स्वस्थानी ब्रत कथा
प्रियंका कार्की फोटो अबलम भाग २ , ३ जून २०१६ copyright @पुन्टर
Conservative discussions
Visit Reeyas Kitchen for Nepali Food Recipes
Chances of getting TPS to GC is low?
लगातार २ छोरि हुदाको पिडा
मूजि नाटकै हो, नौटंकी नै हो !!!
उस्तै उस्तै हामी
नाज ब्रो को भाउजु को फोटो अल्बुम भाग १ , जून ३ २०१६
"लाटागाँडाका नि दिन आउछ भन्थे बाले "
Is Trump trying to overturn an election?
Nas and The Bokas: Coming to a Night Club near you
Fauci hiding science to promote vaccine business profits
Nas and The Bokas: Coming to a Night Club near you
विद्या तेरो सिन्दूर खोइ, केपी ओली तेरो पोइ ..
NOTE: The opinions here represent the opinions of the individual posters, and not of Sajha.com. It is not possible for sajha.com to monitor all the postings, since sajha.com merely seeks to provide a cyber location for discussing ideas and concerns related to Nepal and the Nepalis. Please send an email to admin@sajha.com using a valid email address if you want any posting to be considered for deletion. Your request will be handled on a one to one basis. Sajha.com is a service please don't abuse it. - Thanks.

Sajha.com Privacy Policy

Like us in Facebook!

↑ Back to Top
free counters