Your Banner Here

   [Show all top banners]

rahulvai
Replies to this thread:

More by rahulvai
What people are reading
Subscribers
[Total Subscribers 19] :: VIEW ALL

popeye

lolitalover

ThahaChaena

santoshgiri

o@$!$....

liberty gal

hundari

o ho

abc_n_xyz
:: Subscribe
Back to: Stories / Essays / Literature Refresh page to view new replies
 कथामाण्डौ (भाग ३)
[VIEWED 1962 TIMES]
SAVE! for ease of future access.
Posted on 01-05-17 12:51 PM     Reply [Subscribe]
Login in to Rate this Post:     5       ?         Liked by
 

कथामाण्डौ (भाग ३)

कथामाण्डौ (भाग २)
http://sajha.com/sajha/html/index.cfm?threadid=120754&noofposts=2
........म:म:को आस मारिन, मखन तारिणी बहाल बाहिरको बोसो रहित ५ स्टार म:म: सेकेन्ड च्वाइस थियो | एक प्लेट बिना अचार खाइयो, ढ्याउ गरियो| अचार किन नखाएको भनेर चाहि नसोध्नु होला | सोधी हाल्नु भए अर्को भागमा भन्नेछु |........

कथामाण्डौ (भाग ३)

अँ म:म: संग अचार नखानुको २ कारणहरु छन्।

१) म:म:को असली स्वाद भनेको सिङ्गो म:म: क्वाप्प मुखमा हुलेर खानुमा हुन्छ| अचार सँग लत्पतिएको म:म: खाँदा जिब्रोले अचारको स्वाद पहिले चाख्छ र म:म:को स्वाद पछी | झूर फट्यास म:म: पनि मीठो अचारको कारण झूर भएको थाहा नै हुँदैन| अब देखि म:म:, बिना अचार खाने बारे बिचार गर्नु होला |

२) अचारमा मिसाइएको पानी सबैभन्दा शंकास्पद हुन्छ | पानी खराब पर्ने सम्भावना ज्यादा हुन्छ र “रेस्ट रुम इज बेस्ट रुम “ हुने सम्भावना प्रबल हुन्छ |

यो त भयो म:म:को कुरा | अब कथामाण्डौको बजार भाउ र खाना कै बारे केही कहन्छु |

अम्रिकामा सबथोक भए पनि धेरै थोक छैनन् | उही जाम पाउरोटी छोडेर कता जाम भने जस्तै ब्रेकफास्टमा | बिहानको परम्परागत ब्रेकफास्ट ग्वारामारी, सेल मार्पा (मालपुवा), जेरी स्वारी, पुरी तरकारी सबैभन्दा “मिस” गरेको कुराहरु हुन् परदेशमा | दोस्रो दिन ग्वारमरी खोजी खोजी खाइयो | मरुको विख्यात ग्वारामरी पसल भूकम्प पछी पुनर्निमार्ण गरेको घरमा अटेन | बेमिशाल स्वादको त्यो गवारामरिको युग सकिएकै हो कि, शंका भयो |
खास भन्ने हो भने यसपालीको यात्राको कुनै घोषित एजेण्डा नै थिएन | बिशुद्ध आफन्त माझ जीवन अनुभूत गर्न र ‘मिस” भएको परिकारहरुले जिब्रोलाई याद पुनर्ताजगी गर्नलाई नै थियो |

त्:खा, सन्या खुना, घरमै बनाउने योजना भो | सो अनुसार बनाइयो | स:पु म्हिचा, खागो किनेर ल्याइयो | स:पु म्हिचा मुखमा हाल्ने बितिक्कैको निस्कने स्यो (bone marrow)को झोलले मुखले स्वर्गीय आनन्दको अनुभूति गर्दो हो |

अर्को दिन मरुमा इन्द्र दाइको भट्टी गुल्जार भो, मित्रहरुको आत्मीय निम्तोमा| के के मात्र खाइएन| छोयला, भुटन, खाग्वो, जिब्रो फ्राई, न्ह्यपू फ्राई, पाँग्रा फ्राई, सुकुटी, कयगु क्वा ( ठुलो केराउको परिकार ), मी: क्वा ( मेठी टुसाईएको परिकार ), सानो माछा (झोल सहित), जं: ला ( काँचो नरम छाला सहितको परिकार ), लास्टमा धौ अनि सिसाफुसा|

नेवारी परम्परागत भोजमा, विभिन्न चरणमा निश्चित परिकारहरु पस्किने गरिन्छ | चिल्लो मासुको परिकारहरु पछी दोस्रो चरणमा छ्याल्ला र पाउँ क्वा ( अमिलो ) र अन्तिम चरणमा धौ र सिसाफुसा | सिसाफुसा अन्तर्गत भिजाइएको सानो केराउ, नून र फलफूलमा खासगरी मुला | पाचनक्रियामा चिल्लो पीरो अमिलोले पेट भित्र उत्पादन गर्ने अम्लिय ग्यासलाई न्युट्रीलीकरण गर्नका खातिर क्षारको पूर्ति सिसाफुसाले गर्ने गर्दछ|

अँ , व: ( बारा ) र चतांमरिको उल्लेख गर्न बिर्सेको | पश्चिमे समाजले हाम्रो चतांमरीलाई नै परिस्कृत बनाएर पिज्जा बनाएको हुनु पर्छ | अण्डा र चुँ:लाको टपिंग सहित |

सहर पुरै एकाइसौं शताब्दीको महानगर भैसकेको रहेछ | टोलै पिच्छे बर्गर कर्नर, कफि शप, पिज्जा कर्नर | बसन्तपुर दरबार वरिपरिको सबै घरको छाना रुफ टप रेस्टुराँ | ठेलामा म:म: भन्दा बढि सेकुवा र बर्गर | पानी पुरी र चटपटेमा पनि कम्ता भीड थिएन |

बिशाल बजारमा जीन्स पाइण्टलाई छोट्याउन गएको मौकामा एक कप कफि सुर्कयाउन मन लाग्यो | बजारको बिचमा कफि पिउनेहरुको भीड नै थियो, सीट खाली थिएन | मेनु हेरें- एस्प्रेसोको २७५, रेगुलर कफिको २५० | “का म्हाल:” भन्दै घर तिर लागियो | अम्रिकाको स्टार बक्स कफि भन्दा महंगो भाउमा पिउनेहरुको लामले देशले आर्थिक क्रान्ति नि गरिनै सकेको भान हुन्छ | अण्डा एकगोटाको पन्ध्र रुपैया ( अम्रिकामा ७-१० सेन्ट मै पाइन्छ )| सगरमाथाको देश भएर होला बजार भाउले आकाश छोइसकेछ | माग्नेले समेत पाँच रुपैया घटी लिदैन| हजार लिएर बजार जानु भनेको इजार न बाँधिकन निस्कनु जस्तै हो | तै पनि देश चलेकै छ, जताततै ट्राफिक जामका बाबजूद |

रु. अट्ठाइस सयमा केन्टुकी फ्राई चिकेनमा बिग मिल खानेको लाइन त्यतिकै लामो छ | एउटा बियरको ६५० तिरेर झुम्मिएकै छन् | एकप्लेट म:म: को ४०० तिरेर डकारेकै छन् | मुस्ताङ्ग मनाङ्ग पानी पँधेरो भएको छ | सौराह केटाकेटीलाई हाति गैडा देखाउन लैजाने चिडियाखाना भएकोछ |

उहिले बौद्ध तीर्थ यात्रा भनेर लुम्बिनी, गया, सारनाथ र कुशी नगर जान्थे हुनेखानेहरु, साइत जुराएर | अहिले हुलका हुल थाईल्याण्ड, कम्बोडिया , श्रीलंका र बर्माको चार धामे प्याकेजमा जान्छन् | तलब उही हो, आम्दानी उही हो| कसैको आम्दानी छैन रे , काम छैन रे, सब गरीब छन् रे| ठमेल र झमेलका बार र रेस्टुराँमा नेपाली बाहेक भेट्न मुश्किल छ | देश गरीब छ |

सबैको मुखमा एउटै कुरा छ “यार बाच्न साह्रै गाह्रो भयो अम्रिका आउनु पर्यो” | म हाँसु कि रोउं हुन्छु | र भन्छु – उसो भए डिभी भर, परेको लाल बाबुले व्यहोर्छ |
क्रमश:


 
Posted on 01-05-17 2:40 PM     [Snapshot: 95]     Reply [Subscribe]
Login in to Rate this Post:     1       ?         Liked by
 


"डिभी भर, परेको लाल बाबुले व्यहोर्छ"
खान पिन को कुरा सुनेर मुख रसायो | यो छुट्टीको बेला जेन तेन ( अनूप ब्रो को यूट्यूब अनुसार) चटामारी बनाएर खाइयो |

 
Posted on 01-05-17 7:55 PM     [Snapshot: 229]     Reply [Subscribe]
Login in to Rate this Post:     1       ?         Liked by
 

हरेक परिकारको नाम पढ्दै गर्दा पुराना स्वाद सम्झिदै मुख पूरा रसाये अनि नेपालको सम्झनाले मन।
कथामान्डौको कथा आफ्नै अनुभुती भैरहेछ। तपाइँको ठाउँमा आफुलाइ उभ्याएर यी सम्पुर्ण स्वाद र साथ्को अनुभुती कल्पना गर्दैछु। लाग्छ म आफ्नो घर फर्कदा मेरा कथा नि करिब करिब येस्तै होलान्, केबल स्थान र ब्यक्ति अलि फरक पर्लान् तर स्वाद, सम्बाद अनि अनुभुति उस्तै।
रसायेका मुख र कल्पनामा रमायेका मनका तर्फबाट कथामान्डुलाई यक्कु यक्कु सुभाय्:!
 
Posted on 01-06-17 11:13 AM     [Snapshot: 391]     Reply [Subscribe]
Login in to Rate this Post:     1       ?         Liked by
 

I can totally relate to this. Thoroughly enjoyed !!
 


Please Log in! to be able to reply! If you don't have a login, please register here.

YOU CAN ALSO



IN ORDER TO POST!




Within last 90 days
Recommended Popular Threads Controvertial Threads
Gemstones in Nepal
टेक्सासका नेपाली रापर स्वामी-डीले रीमा बिस्वकर्मालाई हेलिकप्टरमा घुमाएर दिनर लाग्ने प्रस्ताब - के रीमाले स्वीकार्छिन होली?
Origin root history of Shah Dynasty of Nepal
MONEY TRANSFER (HUNDI)
lau maryo Gotra eutai paryo. K garne hola?
Replacement of Nagrita Card
NEPALI CHARLES SHOBRAJ ZUBIN SHARMA URF PRAKASH PAUDYAL!
Things to Bring from Nepal - Please Suggest
Nepal EB3 priority date..
US Citizen getting married in Nepal
Paisa kasari kamaune?
BITCOIN and other Cryptocurrencies
Best Tv Series !!!
Federal job
IT ले सम्बन्ध नै धराप मा पार्ला जस्तो भो
Win Free Recharge of NTC/NCELL of Rs 100
TPS TO BE EXTENDED UNTIL DECEMBER 24, 2019
very Imp for Nepalese who are on TPS...But help from every nepalese would be great.great..Please Nepali daju ra didi and uncle auntie haru help garnu hola
TPS Extension petition 2018 sign and share
Planning to go back to Nepal for good. Please advise.
अर्चना पनेरुले बिहे पश्चात एस्तो अस्लिल भिडियो सार्वजनिक गरे
राई कान्छा र धोति
मुजी चोर धोतिहरु
Nidda Devkota?
NOTE: The opinions here represent the opinions of the individual posters, and not of Sajha.com. It is not possible for sajha.com to monitor all the postings, since sajha.com merely seeks to provide a cyber location for discussing ideas and concerns related to Nepal and the Nepalis. Please send an email to admin@sajha.com using a valid email address if you want any posting to be considered for deletion. Your request will be handled on a one to one basis. Sajha.com is a service please don't abuse it. - Thanks.

Sajha.com Privacy Policy

Like us in Facebook!

↑ Back to Top
free counters