Momo n Curry - Authentic Nepalese Cuisine
Your Banner Here

   [Show all top banners]

rahulvai
Replies to this thread:

More by rahulvai
What people are reading
Subscribers
[Total Subscribers 19] :: VIEW ALL

hundari

liberty gal

abc_n_xyz

*~Spring~*

santoshgiri

bad man

raju161

mysteryman2055

sabita bhabee
:: Subscribe
Back to: Stories / Essays / Literature Refresh page to view new replies
 कथामाण्डौ (भाग २ )
[VIEWED 1291 TIMES]
SAVE! for ease of future access.
Posted on 12-27-16 11:33 AM     Reply [Subscribe]
Login in to Rate this Post:     1       ?         Liked by
 


कथामाण्डौ (भाग १)
http://sajha.com/sajha/html/index.cfm?threadid=120715&noofposts=6

कथामाण्डौ (भाग २ )

भग्नावशेषमा अवशेष खोज्दै
राती ९ बजिसकेकोले होला शायद सडक व्यस्त थिएन| ट्राफिक ब्यबस्था अस्तव्यस्त र ध्वस्त थिएन | सजिलै घर पुगियो | तिहारको झिलिमिली बत्ती अझै रंगिन थियो | शहर उहिले जस्तो अँध्यारोमा लुकेको देखिएन|
घर पुग्ना साथ् तातोतातो भात, मासको दाल, पाछै (रायोको साग) तरकारी, सुक्या माछा र गोलभेडाको अचार अप्सनमा आमली(लब्सी)को अचार अनि ठुलो खसीको कवाफ ग्वामग्वाम स्वादका साथ् खाइयो | त्यो स्वादमा नेपाली माटोको सुगन्ध थियो | बिषादी मिसाइएको तरकारी हुन्छ भन्ने सुनिन्थ्यो, शायद स्वदेशी बिषादी पनि यति स्वादिष्ट हुँदो रहेछ|
यात्राको संक्षिप्त वृतान्त पछी थकानले मतान मै झ्याप्प भैहाल्यो| गोलार्धीय भिनताले होला मध्य रात फेरी जागा भए | शिरानीकी रानी मोबाइलमा फेसबुक हेर्दै चियो गर्दै फेरी झ्याप्प |
बिहान ६ नबज्दै चिया पकाउन आफै अघि सरें | नजिकै ग्वारामरी पसल थिएन | सेलरोटी मै चित्त बुझाउनु प्-यो | घरका सबै एकै ठाउँमा पलेटी कसेर चिया सेल रोटी खाँदाको स्वाद टेबलमा लेबल मिलाएर खानुमा कहाँ पाउनु|
चिया सेशन लामो नै रह्यो, बडेमानको स्टिलको दुइ गिलास रित्याइयो | ९ बज्दो हो, निद्रा देवीले साउती गर्न थाले|
“हैट, यो नेपाल हो, अम्रिका हैन” भनेर हकारे पछी डरायो बेइमान |
१० नबज्दै भात खाने ट्याम भैसक्यो| लन्च ट्याम पो १२ बजे, भात ट्याम त १० बजे नै हो नि, मखुला ? भन्दै फेरी तातो तातो भात, रहर चनाको हाइब्रिड दाल, काउलीको तरकारी संग एक थाल भात बजाइयो | आहा कति मीठो काउली, एक टन काउली प्याक गरी अम्रिका नै लगुं जस्तो |
मन थियो एक निद्रा सुतुं तर छिट्टै नै नेपाली ट्यामसंग आफुलाई समायोजन गर्नु जाति हुन्छ भनेर, आराम सारांमलाई मुल्तबीमा राखेर म निस्कें मेरो भत्किएको वस्ती भित्र अवशेष खोज्न | नरायण दाइको गीत गुनगुनाउदै-
“ कहिले काहिं बिर्सिएर आकाश खोज्दै हिड्छु,
भत्किएको मेरो पुरानो त्यो बास खोज्दै हिड्छु,
धेरै भयो अल्झेको, यहाँ भीड भित्र,
तिनै भीडमा जिन्दगीको आभास खोज्दै हिड्छु “
फोटोहरुमा धेरै पल्ट देख्दा दुखेको मनलाई सम्झाउदै काष्ठ्मंड़प, हनुमान ढोका तिर सित्तैमा पाएको धुलो रस्वासदन गर्दै लागें | जिन्दगीको सारा हिस्सा र किस्सा समेटिएको मरु सत: ( काष्ठामंड़प ) तार जाली भित्र इट्टाको थुप्रोमा परिणत भैसकेको नि बर्षौं भैसकेछ| त्यो मन्दिर रुपी सत: (पाटी )भित्र बाल्यकालका हजारौ स्मृति कोरिएका छन्, लाखौँ डोबहरू टाँसीएका छन् | खोज्दै थिएँ, आसपास ( लुकामारी ) खेल्दा लुक्ने चार बुर्जा मुनिका अँध्यारो कोठाहरु| उत्तर पश्चिम कुनाको बुर्जाको एक कोठा अझै शेष रहेछ | (संलग्न फोटो त्यही बुर्जाको हो) | बेलायतको डुरहम युनिभर्सिटिका अनुसन्धानकर्ताहरु केही खोज्दै थिए, मलाई लाग्यो म पनि मेरो बाल्यकालका स्वर्णिम युग खोजुं | तार भित्र जानु हुदैनथ्यो मलाई थाह थियो, तै पनि सुरक्षाकर्मीलाई सोधें | जान मिल्दैन भने |
यत्रो अजंगको मन्दिर (पाटी)को नामो निशान मेटिने गरी आएको भूकम्प, नेपाली जनले मनले कसरी सह्यो होला ? आङ्ग सिरिङ्ग भएर आयो | काका प्रेम बा, त्यसै काष्ठ्मंड़प संगै आफै ढलेका हैनन् रैछ | काष्ठ्मंड़प फेरी पुनर्निमाण होला, तर मेरो काका .....| आँखा सजल भयो|
माजु देग: (सेतो दर्बार अगाडीको सबै भन्दा अग्लो मन्दिर)को , पिरामिडको जग बाहेक केही छैन, गत सालको हिउँदमा जस्तै आउदो हिउँदमा कठैबरा दैबहरु पनि कठांग्रिने भयो नै | कुमारी घर संगैको दसअवतार देग:को पनि हाल उस्तै थियो | मरु सत: संगैको सानो हजाम देग: ( सस्तोमा कपाल दारी बनाउने परम्परागत नाइहरुको ब्यबसाय गर्ने मन्दिर) समेत धुलो भएको रहेछ|
सेतो दर्बार, गद्दी बैठक त्यति धेरै पुरानो थिएन | दरबारको जग पनि कच्चा नै हुँदो रहेछ, जनताको घर भन्दा पनि कमजोर | सेतो दरबार संगै जोडिएको नौतले दरबारको ५ तल्ला गायब छ| किम्बदन्ती अनुसार राजा महिन्द्र मल्लले त्यै दरबारको चौथो ( पाँचौ) तल्लाबाट हरेक साँझ जनता को घरमा चुलो बलेको नबलेको यकिन गरी मात्र आफु खाना खान्थे रे | त्यतिबेला ४ तले हो कि ५ तल्ले मात्र थियो, पछी पृथ्वी नारायण शाहले ( बहादुर शाह )ले थप तल्ला निर्माण गरेको इतिहासमा पढेको याद आयो | पुरै नभत्की पछी थपेको मात्र भत्किनु मात्र संयोग हो कि अरु नै केही, सोचमग्न भएँ|
हनुमान ढोकाको पुरानोखण्डमा जताततै टेको र खट बाँधिएकोले पुरै कुरूप देखिन्थे नै | हनुमान ढोका थाना अघिल्तिर बर्षमा एक दिन मात्र खुला हुने कागेश्वर महादेव मन्दिरमा न काग नै बाँकी रह्यो न महादेव नै | ठुलो दमाह संगैको कृष्ण मन्दिरको पनि जग बाहेक केही बाँकी रहेन |
टेकोको भरमा अझै जिउँदो ग्वाछी मुग्: गल्लीमा महेन्द्र बौ दाइको म:म: एक प्लेट नखाई निद्रा लाग्दैनथ्यो कुनै बखत | पछिल्लो पटक घर आउँदा नि मौका मिले सम्म म:म: छोडिन | अहिले त्यो पसल छैन, घर टेकोमा “पख” भने पनि बाङ्गिएको छ , चर्किएको छ , महेन्द्र बौ दाइ खोजी गर्दा कतै भेटिएन |
म:म:को आस मारिन, मखन तारिणी बहाल बाहिरको बोसो रहित ५ स्टार म:म: सेकेन्ड च्वाइस थियो | एक प्लेट बिना अचार खाइयो, ढ्याउ गरियो| अचार किन नखाएको भनेर चाहि नसोध्नु होला | सोधी हाल्नु भए अर्को भागमा भन्नेछु |
क्रमश:

 
Posted on 12-27-16 1:54 PM     [Snapshot: 107]     Reply [Subscribe]
Login in to Rate this Post:     0       ?        
 

फोटो हाल्न बिर्सेछु, माफी चाहन्छु ।
 
Posted on 01-05-17 7:41 PM     [Snapshot: 468]     Reply [Subscribe]
Login in to Rate this Post:     1       ?         Liked by
 

पढ्दा पढ्दै आफू स्वयम् तेहि पुगेर आफ्नै आँखाले देखेसरि अनुभुति भयो। धन्यवाद तपाईंको यो लेखको लागि। सुभाय्:
 


Please Log in! to be able to reply! If you don't have a login, please register here.

YOU CAN ALSO



IN ORDER TO POST!




Within last 60 days
Recommended Popular Threads Controvertial Threads
TRUMP 2016!!! Here is why?
नवमीको अवसरमा गाडीमा बोका बलि दिइराखेको अवस्थामा न्यु योर्कका नेपाली उबर ड्राइभर रंगे हात पक्राउ
Download Nepali Calendar With Date Converter For Desktop
How long does it take to get I485 approved?
Nepali Song Piano Notes
निक्की कार्की द्वारा नर्थ क्यारोलाइनामा कार्यक्रम आयोजकबाट आफूमाथि यौन दुराचार भएको आफ्नै फेसबुक लाइभ मार्फत खुलाशा
Udus killer spray
अमेरिकाको भर्खरै भएको लटरीको नतीजामा नेपालीले ७०० मिलियन अमेरिकी डलर जितेपछि नेपालका डनहरुले जित्नेको परिवार खोज्दै
Difference between forgetting and getting over!!!!!!
पिन्कुको नया काले हस्पि नाक चुचेय भाते भतुवा
Manav, Milk Tea, Minnesota, & Life!
Immigration Proceedings and Travel on TPS Advance Parole
बिजया दशमीको उपलक्ष्यमा अमेरिकी रास्ट्रपति द्वारा शुभकामना
प्रतिमा दिदी सित ह्याप्पी न्यु इयर
The Newar Community Network
Priyanka and Samragi. Who is hotter?
ओपन challenge फर गनाउने (underwear)
अमेरिकामा एक नेपालीले स्वास्नीलाई खुकुरी जस्तो धारिलो हतियारबाट हत्या र सासुलाई सिकिस्त आक्रमण
सुशील नेपाल : मेरो कथा, मेरो ब्यथा !
एक अमेरिकी युवकद्वार टेक्सास बस्ने नेपाली युवतीमाथी चरम यातना ( VIDEO)
Download Nepali Calendar With Date Converter For Desktop
TRUMP 2016!!! Here is why?
NOTE: The opinions here represent the opinions of the individual posters, and not of Sajha.com. It is not possible for sajha.com to monitor all the postings, since sajha.com merely seeks to provide a cyber location for discussing ideas and concerns related to Nepal and the Nepalis. Please send an email to [email protected] using a valid email address if you want any posting to be considered for deletion. Your request will be handled on a one to one basis. Sajha.com is a service please don't abuse it. - Thanks.

Sajha.com Privacy Policy

Like us in Facebook!

↑ Back to Top
free counters