[Show all top banners]

huippa

More by huippa
What people are reading
Subscribers
:: Subscribe
Back to: Kurakani General Refresh page to view new replies
 गलत ईआईएमा आधारित वातावरण विनासी विमानस्थल
[VIEWED 3520 TIMES]
SAVE! for ease of future access.
Posted on 09-17-18 6:09 PM     Reply [Subscribe]
Login in to Rate this Post:     0       ?    
 

बाराको निजगढमा अन्तर्राष्ट्रिय विमानस्थलको लागि तयार गरिएको वातावरणीय प्रभाव अध्ययन (ईआईए) वैज्ञानिक तरिकाबाट नभएको विज्ञहरू बताइरहेका छन् । वातावरणीय प्रभाव अध्ययनसम्बन्धी विज्ञहरूले त्यहाँको प्रतिवेदन कुनै अरु परियोजनाको प्रतिवेदनबाट ‘कपी पेस्ट’ गरिएको बताइरहेका छन् । मूलतः त्यो कुनै विद्युत्गृह निर्माण परियोजनाको वातारणीय प्रभाव अध्ययनको ‘कपी पेस्ट’ गरिएको विज्ञहरूको भनाइ छ ।

कुनै पनि ठूलो आकारको परियोजना निर्माणपूर्व तयार गरिने ईआईए वास्तवमा उक्त योजनाको गुरुयोजना सरह हुने गर्दछ । त्यो योजना कार्यान्वयन गर्दा स्थानीयरुपमा पर्ने वातावरणीय, सामाजिक र सांस्कृतिक सकारात्मक वा नकारात्मक प्रभावबारे त्यसमा अध्ययन गरिएको हुन्छ । बहुमूल्य प्राकृतिक वा सांस्कृतिक सम्पदा नष्ट गरी भौतिक निर्माण गर्नुलाई मात्र विकास भन्नु समयले गलत प्रमाणित गरिसकेको छ । कुनै पनि भौतिक निर्माण गर्नुपूर्व ईआईए गर्नुपर्ने अवधारणा नै विकासको नयाँ परिभाषाको आधार पनि हो । ईआईए प्रतिवेदनअनुसार त्यहाँको सांस्कृतिक र प्राकृतिक सम्पदाको संरक्षण र व्यवस्थापनपछि कुनै पनि परियोजना निर्माण गर्नुपर्दछ ।

बारा जिल्लामा निर्माण गर्ने भनिएको निजगढ विमानस्थलको लागि तयार गरिएको ईआईए प्रतिवेदन आफैंमा गलत भएपछि सो विमानस्थल निर्माणको थप प्रक्रिया अघि बढाउनु नै गलत हुन्छ । खोटपूर्ण प्रतिवेदनले विमानस्थल निर्माणको वातावरणीय प्रभावबारे सही जानकारी दिन सक्दैन । फलतः भोलि विमानस्थल निर्माणपछि त्यसले पूर्वानुमान गरिएभन्दा धेरै दुष्प्रभाव पार्नेछ ।

विमानस्थल निर्माणको लागि आवश्यकताभन्दा बढी रुख कटानी गर्ने सरकारी निर्णयको पनि व्यापक आलोचना भइरहेको छ । आजभोलि संसारमा जुनसुकै निर्माण कार्य गर्दा पहिलो सावधानी नै वातावरणमा पार्ने प्रभावका बारेमा हुने गर्दछ । प्रदूषण, भूक्षय, बाढी पहिरो, विश्वको तापमान वृद्धि, डढेलोजस्ता समस्याका कारण आज कुनै एउटामात्र देश नभई संसारका सबै देश प्रभावित बनेका छन् । त्यस्तो प्राकृतिक प्रकोपको दुष्प्रभावबाट नेपालमात्र अछुटो रहनेछैन । नेपालका मुख्य मुख्य सहर आफैं प्रदूषणको समस्याबाट आक्रान्त छन् । त्यस्तो अवस्थामा विमानस्थल निर्माणको नाममा लाखौंको सङ्ख्यामा रुख कटानी गर्नु मूर्खता हो । नेपाल आफैं जलवायु परिवर्तनसम्बन्धी पेरिस सम्झौताको हस्ताक्षरकर्ता हो । सर्वोच्च शिखर सगरमाथाको देश हुनुको नाताले नेपाल जलवायु परिवर्तनको सन्दर्भमा संसारको नजरमा छ नै । त्यस अतिरिक्त नेपालका जङ्गल कैयौं जङ्गली जनावरको वासस्थान हो । ती जनावर हाम्रै देशका सम्पत्ति हुन् । जङ्गल पात्लिदै जाँदा कतिपय जङ्गली जनावर हामीले गुमाइसकेका छौं । अझ पनि जङ्गल सिध्याउने यस्तो योजनाले अन्ततः नेपाललाई मरुभूमीकरणतिर धकेल्ने प्रयास हो ।

आवश्यकताभन्दा बढी रुख कटानी गरी सरकारले काठ तस्करकै सेवा गर्न खोजेको भन्नेमा जनताको शङ्का छ । चुरे क्षेत्रका गिट्टी र ढुङ्गा भारततिर तस्करी गर्दा नेपालको पर्यावरणमा परेको प्रभावबारे विज्ञहरूको चिन्ता नयाँ होइन । अहिले फेरि तराईका जङ्गलको फँडानीले नेपालमा थप वातारणीय सङ्कट निम्त्याउने चालबाजी भइरहेको छ ।

सरकारले निजगढ विमानस्थलको खोटपूर्ण वातावरणीय प्रभाव अध्ययन अझ व्यवस्थित रुपमा विज्ञ टोलीको परिचालन गरी अहिलेको प्रतिवेदन सच्याउन आवश्यक छ । अनावश्यक रुपमा जङ्गल विनाश गर्ने निर्णय खारेज गर्नुपर्दछ । नेपालका लागि कतिवटा अन्तर्राष्ट्रिय विमानस्थलको आवश्यकता छ भन्ने कुराको सही मूल्याङ्कन नगरी हचुवाको भरमा जताततै अन्तर्राष्ट्रिय विमानस्थल बनाउनु कालान्तरमा पछुताउनुपर्ने हुनसक्छ ।
 


Please Log in! to be able to reply! If you don't have a login, please register here.

YOU CAN ALSO



IN ORDER TO POST!




Within last 7 days
Recommended Popular Threads Controvertial Threads
TPS Work Permit/How long your took?
मन भित्र को पत्रै पत्र!
Another Song Playing In My Mind
Does the 180 day auto extension apply for TPS?
Travelling to Nepal - TPS AP- PASSPORT
NOTE: The opinions here represent the opinions of the individual posters, and not of Sajha.com. It is not possible for sajha.com to monitor all the postings, since sajha.com merely seeks to provide a cyber location for discussing ideas and concerns related to Nepal and the Nepalis. Please send an email to admin@sajha.com using a valid email address if you want any posting to be considered for deletion. Your request will be handled on a one to one basis. Sajha.com is a service please don't abuse it. - Thanks.

Sajha.com Privacy Policy

Like us in Facebook!

↑ Back to Top
free counters