[Show all top banners]

Deep
Replies to this thread:

More by Deep
What people are reading
Subscribers
:: Subscribe
Back to: Stories / Essays / Literature Refresh page to view new replies
 आमन्त्रण

[Please view other pages to see the rest of the postings. Total posts: 275]
PAGE: <<  1 2 3 4 5 6 7 8 9 10 11 12 13 14 NEXT PAGE
[VIEWED 113092 TIMES]
SAVE! for ease of future access.
The postings in this thread span 14 pages, View Last 20 replies.
Posted on 10-24-07 11:04 AM     Reply [Subscribe]
Login in to Rate this Post:     0       ?    
 

आमन्त्रण

 

कुरा ति दिनहरुका हुन जति बेला म १० कक्षाको बिट मार्दै थिएँ।

दिउँसो तिर ट्वाक आयो घरमा। छुट्टीको दिन थ्यो भात गोदेर ओछ्यानमा एक राउन्ड सुत्दीम कि भन्दै ढल्कीरा थेँ उ आईपुग्यो।

"दीप्, ल हिन" भन्यो आउना साथ। हातमा एक चाङ्ग निम्ता देखेर थाहै जस्तो थ्यो तैपनि "काँ?" भन्या त्यै चाङ्ग बोकेको उस्को दाइने हात अलिकति उठाउँदै भन्यो "निम्ता बाँडन"।

ट्वाकको दिदीको ब्या आउँदै थ्यो। त्यो निम्ता बाँडने काम झर्को चै झर्को लाग्दै हो तर त्यति निरस पनि थिएन। निरस र सरस गन्तब्यले टुङ्गो लाउथ्यो। त्यसैले एउटा आश नजानिदो किसिमले धडकन सँगै मिसिएर प्रतिपल चम्किन्थ्यो।

म हिँने उ सँग। धेरै तिर बरालिइयो--निम्ता बाँडियो-- धेरै निम्ता बाँड्नुथ्यो एउटा घर बाट अर्को घर पुग्दा समय निकै खर्च हुने। त्यसो समय खर्च गरेर पुग्यो ट्वाकको त काम हुने मेरो नहुने। पुग्या घराँ तरुनीहरु नभए पछि मेरो के काम भो? अघि धडकन सँगै चम्किने भन्या आशले धेरै निरासाको चडकन् भेट्यो त्यो दिउँसो।

ट्वाकलाई "तेरो जुन जुन नातेदारहरु कहाँ छन सुन्दरताको सिहासनमा बिराजमान केटीहरु उतै उतै हिन न -- रक्सी नभाको भट्टीमा कति जानु? दिक्कै लाग्ने" भन्न पनि भएन तर मन मनमा त भनी रहेँ। के को आस गरेर हिन्या के आइलाग्यो भन्दै घर घर ट्वाक सँग सँगै नमस्ते गर्दै धेरै हिनियो। पछि त थकाई पनि लाग्यो, भोक जस्तो पनि अनि तरुनीको आश प्यास नै भए पछी मैले ट्वाकलाई भनें "ल अब डाईट ख्वा त --"

हामी जय बागेस्वरीबाट लामपोखरी हुँदै चाबेल तिर आउँदै थिम। उस्ले "ल हुन्छ म ख्वाउँछु भन्यो"। राम्रै लाग्यो।

"अब कति ठाम बाँकि छ तेरो?" भन्या "छन त छ अझै तर अब आज यै एउटा फुपुका जानी अनि पुग्यो" भन्यो।

"तेरो फुपुको नी घर ह्याँ हो र? तेरो फुपुहरु त उता थापाथली-कुरियागाउँ तिर र डिल्लिबजारमा हैन र?" मैले सोधें। म गाको छु उस्का ती फुपुहरु कहाँ।

"ह्याँ चै मेरो बाउको फुपु के -- बाउले फुपु भन्या हाम्ले पनि फुपु अब" भन्यो।

डाईट खाएर जाने होला फुपुकाँ भन्या  त गणेशथान आउनु अघि नै देब्रे पट्टीको एउटा घराँ लाग्यो ट्वाक।

"ए, डाईट भन्या खै त?" मैले फेरी भास भुस पार्ला भनेर सम्झाएँ।

"ख्वाउँछु भन्या अहिले -- पैले हिन्न ह्याँ काम सक्काउँ --" भन्छ ट्वाक चै।

"बोरै भै सक्यो लरखरिदा लर्खरिदा" मैले मेरो दिक्क सुनाएँ।

"ह्याँ बोर हुन्न तँलाई-- ल हिन" भन्यो।

"यो लास्ट स्ट्प हो?" मैले सोधें उस्ले "हो हो" भन्यो।

गैयो भित्र। ठोकियो नमस्ते। बसियो बैठक कोठामा। थकित ज्यानलाई केही राहत भो।

"खै त फुपु?" ट्वाकले सोध्यो त्याँ हामी सँगै बैठकमा बस्या आन्टीलाई--फुपुकी बुहारी हुन क्यारे।

"उता नरेन्द्रदाई काँ -- आउने बेला पनि भयो होला अब त" सुनाईन आन्टीले। अंकल भनाउँदा पनि आए। ट्वाक सँग भलाकुसारी भो। ब्याको कुरा गर्न थाले। आफुलाई चै भोक लागी रा बेलाँ झर्को लाग्न थाल्यो।

ट्वाकको दिदीको ब्याको कुरा त नातेदाराहरुलाई था नभाको हैन--निम्ता त एउटा औपचारीकता मात्रै थ्यो।

"ए, महेन्द्रदाई" घर बाहीर बाट कुन चै ले बोलायो यसो झ्याल तिर बाट बाहीर हेर्दै अंकल चै "एकै छिन है म आईहाल्छु" भनेर हिने।

मैले ट्वाकलाई "ल हिन, अब" भन्ने संकेत स्वरुप कुहिनाले ठ्याक्क हानें।

उस्ले तत्काल आन्टी तिर हेरेर भन्यो  "आन्टी, भोक लाग्यो -- खाजा खाम न"।

अघोरी ट्वाकले त्याँ पो ख्वाउने भो डाईट। झन हुटेलाँ म:म: तिर डल्याम्ला भन्या त -- म:म: सम्झिने बित्तिकै मुखमा पानी आयो --त्यै म:म: पानी निलेर बस्नु पर्यो। ट्वाक मेरो वाकयुद्ध्मा पर्ने निश्चित थ्यो त्याँ बाट निस्के पछी।

"लछ्मी --लछ्मी" भन्दै आन्टी कराईन। एकै छिनमा घुर्मैलो धोती लाकि एउटी अँधबैसे आईमाई फुङग उड्या अनुहार लिएर ढोका नेर आईन।

"जाउ त खाजा बनाएर ल्याउ" आन्टीको आदेश गुन्जियो। लछ्मी तर चटपटाईनन्।

यत्तिकैमा एउटी सुन्दरताको पन्चाङ्ग अग्नीमा जाज्वल्य हुँदी एउटी तरुनी मन्द मुस्कान साथ कोठा भित्र छीरी।

ट्वाकलाई मुलत: शब्दले, अनि मलाई आँखाले अभिबादन गरे जस्तो लाग्यो। ट्वाकले अघि ह्याँ बोर हुन्न भन्या झट्ट सम्झें हो रे छ भन्ने लाग्यो। ट्वाक प्रतिको द्वेस हरायो। बरु आभारी भएँ। म:म को तल तल पनि हरायो।

उ ट्वाक सँग भलाकुसारी गर्दै थिई -- लछ्मी चटनपटाको देखेर आन्टी आफैं उठीन र बाहीरीइन, लछ्मी पछी लागिन। उनीहरु जानु के थियो मैले मेरा आँखाहरुलाई ट्वाक सँग कुरा गर्दी त्यो ठीटीका अमृतरसले भरीएका झै लाग्ने र रस टप्केलान कि झै देखीने अधरहरुमा डुबुल्की मार्न निर्बाध छोडी दिएँ।

उस्ले म तिर हरेक पल्ट हेर्दा मेरा नयनले उस्कालाई अभिनन्दन गरेकै हुन्थें। ति आँखाहरुमा कौतुहलता म पढ्न सक्थें। 

ट्वाकले न त मलाई उ चिनायो न नै उस्लाई म। तर त्यै आन्टीकी छोरी भाको मैले बुझिसकेको थिएँ।

एकै छिनमा चाउचाउ, चिया, र पानी आयो किस्तीमा। लछ्मीले बोकेर ल्याईन -- आन्टी पनि पछी लागेर छिरिन कोठामा। बाताबरण फेरीयो। लछ्मीले हामी अघिको टेबलमा खानेकुरा राखेर फर्किन। "ए कत्ति छेउमा राखेको" त भन्दै थिईन आन्टी लछ्मी सुरु सुरु निस्किन कोठाबाट। लछ्मी रीसाकि हुन कि कान नसुन्ने मैले बुझिन।

नवतरुनी चै ले किस्ती मिलाउने भै। तातो चाउचाउको कचौरामा के गरेर हात लाई कुन्नी उस्ले, तातोले चिलेछ उस्को त्यो कोमल हात। चिल्नु के थ्यो उस्को हात बिच्की हाल्यो-- बिच्केको हातले चियामा दनक दिएछ अनि पानीको गीलासमा पनि -- घोप्टी हाले कप र गिलास --पानी र तातो च्या ज्यानमा आईलाग्यो -- पानीको त केई भएन च्याले  त डामी हाल्यो। जर्याक जुरुक  उठियो। आत्था आत्था भन्दै कराउन पनि भएन पोल्न छोडेको पनि छैन।

"ए, पोल्यो कि के हो?" भन्छीन आन्टी चै। नपोलेर अन्त के भयो त?

"के गरेर, घोप्ट्याई यस्ले -- एउटा काम ठिक सँग गर्नु छैन" आन्टी छोरी तिर लागिन।

केटी पनि एक छिन त स्त्बध भाकि थिई पछि त उल्टो हाँस्न थालि। आन्टी कराउँदै थिईन। मेरै जत्तिको बिजोग थिएन ट्वाकको -- उस्लाई पानीले धेर च्याले कम भेटेछ।

लछ्मी लछ्मी तिन चार चोटी भने पछी लछ्मी आईन।  सबै घोप्ट्या देखेर हिनीन। एक छिन पछी रुमाल बोकेर फर्केको देखें।

केटी चैं म तिर मुस्कान साथ हेरेर "सरी ---म फेरी ल्याउछु च्या र चाउचाउ" भन्छे बा।

मैले कोठामा को को छन बिचारै नगरी भनें तर नरिसाईकन "फेरी ल्याउँछु रे? किन? फेरी घोप्टयाउन? भैगो पुग्यो आजलाई।"

आन्टी हाँसीन, उ हाँसी, ट्वाकको अनुहारमा पनि हलुका हाँसो थ्यो। लछ्मी ढलेका भाँडा उठाई होरी रुमालले पोखीएको सोस्तै, उठाउँदै थिइन। उनलाई हाँसोले छोएको थिएन।

पछी हिन्ने बेलामा ठीटी बाहीर सम्म पुर्याउन आई -- फेरी "सरी" भनी अनि निस्किदा निस्किदै ट्वाक भएको मतलबै नगरी म तिर उही घातक नजरमा "उफ"को सकस, अनि उही मादक अधरमा मुस्कानको बकस सार्दै भनी "पर्सी मङ्गलबार गणेशथान आउने त होला नी?" ----

 


 
Posted on 10-30-07 10:44 AM     Reply [Subscribe]
Login in to Rate this Post:     0       ?    
 


दीप ज्यु के हो एकै चोटि २ केटीहरु सँग देतिङ गेर्ने बिचार  गर्न लाग्नु भा जस्तो चनी। प्ले बोइ।


 
Posted on 10-30-07 10:45 AM     Reply [Subscribe]
Login in to Rate this Post:     0       ?    
 

"त्यो मोरो त म फुट्या आँखाले पनि देख्न सक्दिन -- जाँ जैले देखे पनि खाउँला जसरी हेर्छ -- कत्ति नी मन पर्दैन मलाई त्यो बाङ्गे टिङ्गे मोरो"

के कुरो गर्नु दीप, यसो कुरो बुझ्दा त " म नि मन पर्छ?" भनेर सोधेको उत्तरमा " मन पर्छ" भन्या भए नि त्यो बाङ्गेलाई गालि गर्या जति खुसि त लाग्दैनथ्यो होला नि!

पेलम पर्भु पेलम!


 
Posted on 10-30-07 11:11 AM     Reply [Subscribe]
Login in to Rate this Post:     0       ?    
 

लभ त्रिकोन हुने भयो है यो चाँही। दीप ब्रो लाई चाँही दुबै हातमा लडडुहुन्छ जस्तो छ।
भन्छनी, उपर वाला देता है तो छपर फाद्के देता है भने झै भयो।

 नपौने बेला मा कोइ छैन, पाको बेला दुई दुई ता।
कस्तो धर्म संकट पर्ने वाला छ दीप द्रो लाई। आहा।
गजब।


 
Posted on 10-30-07 11:25 AM     Reply [Subscribe]
Login in to Rate this Post:     0       ?    
 

 'अझ बिद्यानस रे -- फेल हुन्छ एस यल सीमा अनि ठिक्क पर्छ"

 


 
Posted on 10-30-07 12:09 PM     Reply [Subscribe]
Login in to Rate this Post:     0       ?    
 


deepjee ko masti chha la. kun chahin gharwali hune ho la la herum

 
Posted on 10-30-07 12:14 PM     Reply [Subscribe]
Login in to Rate this Post:     0       ?    
 

लङुर-बुर्जाको गोटी घोप्ट्याउँदै गर्दा बुर्जा डबल देखी सके पछी किन पानमा राख्ने पैसा? कबिता बुर्जा अब ट्वाक्या बैनी पान।

Malai chai yo line ati man paryo...Ma लङुर-बुर्जाको big fan ke... Jahile pani harthe tara. Yesari बुर्जा डबल dekhna pa bhaye ta harek tihar ma kya mooj hunthiyo ni. By the way mero Fav. chahi Jhandi thiyo..Jahile pani Jhandi ma ek suka thapthe...Deep jee lai pahile bheteko bhaye ta gajab hune rahichha ni...Deep jee le ta jahnda-burja saab thaha paidine..

 

 


 
Posted on 10-30-07 12:50 PM     Reply [Subscribe]
Login in to Rate this Post:     0       ?    
 

अप टाओन गल, आज्कल्को जमनामा एक दुई वटा  बिकल्प त राख्नै पर्‍योनी। क् गर्ने एुती पोहिले गाई भने। अब कती बेला भुइचालो आउछ थाहा हुन्न, एुती चिलिम भाई भने अर्की चैयोनी।
के गर्ने चितवने कान्छी ले कुरै भुझिन र पो मर्यो।

 
Posted on 10-30-07 12:54 PM     Reply [Subscribe]
Login in to Rate this Post:     0       ?    
 


Narayangarh Suburb केही गरी आँफै उ भन्दा पहिले चिलिम भो भने नि। के सबै केटाहरु यस्तै हुन्छ र?

 
Posted on 10-30-07 1:06 PM     Reply [Subscribe]
Login in to Rate this Post:     0       ?    
 

.

अगर बाङ्गे इधर होता
सबकि ग्रामर ठीक करता!

:D

Last edited: 01-Nov-07 10:18 AM

 
Posted on 10-30-07 3:08 PM     Reply [Subscribe]
Login in to Rate this Post:     0       ?    
 

अप टओन गल, एक बार को जिन्दगी पर्‍यो जती सक्यो धेरैलाई माया दिन्द के बिग्रिन्छ र? स्वछ मन्ले माया गर्नु पर्‍यो जती सँग गरे पनि कुरो एउटै हो?
के छ त बिचार ? हामी त फेरी एकै थौन्को पारीयो।


 
Posted on 10-30-07 3:15 PM     Reply [Subscribe]
Login in to Rate this Post:     0       ?    
 


हामी त फेरी एकै थौन्को पारीयो what do u mean? i m not from Narayangarh. i m from ktm.

 
Posted on 10-30-07 3:23 PM     Reply [Subscribe]
Login in to Rate this Post:     0       ?    
 

am also from chitwan :P ( How many of your are from chitwan?)/Uptown gal

पी भनेको चै पर्सा काठमाडौं हो कि?

 
Posted on 10-30-07 3:27 PM     Reply [Subscribe]
Login in to Rate this Post:     0       ?    
 


chitwanko thread maa aaune haru ke sabai chitwan kai hunchan ra. ani ke maile tyo thread ma i m from chitwan bhaneko chu. pls go back to that thread n read carefully.

i m from Kathmandu.

 
Posted on 10-30-07 6:07 PM     Reply [Subscribe]
Login in to Rate this Post:     0       ?    
 

अप ताउन गल ले पि भन्न खोजेको , पि के  कलेज भनेको हो क्या !! मैले कस्तो लाइनमार्थे। झन्डै हाम्रो लभ परेको नेपाल मा। अमेरिका आएर झुर भयो नि ।।


 
Posted on 10-30-07 6:12 PM     Reply [Subscribe]
Login in to Rate this Post:     0       ?    
 

chi ma ta nepal ma collage ni gako chaina. ko ko ke ke bhancha. hya risai utthne.:(
 
Posted on 10-30-07 6:49 PM     Reply [Subscribe]
Login in to Rate this Post:     0       ?    
 

Narisau ho uptowngal, sadhai khusi hune prayash garna parcha. aah  Always smile, who knows some1 may fall in love at ur smile bhanthe kuni kalle po.

Ani getting trouble with these guys ha?


 
Posted on 10-30-07 6:57 PM     Reply [Subscribe]
Login in to Rate this Post:     0       ?    
 

Nepal Premi now u r also pulling my legs hummmmmmmmmmmmmmmmmmm.
 
Posted on 10-30-07 7:02 PM     Reply [Subscribe]
Login in to Rate this Post:     0       ?    
 

Nope, maile timro khutta kahile po taneko chu ra ho sathi? jhan support gareko ni aafnai manche lai. bhana  na k bhayo ma support ri halchu ni. Ani u r always the great haina?
 
Posted on 10-31-07 9:32 AM     Reply [Subscribe]
Login in to Rate this Post:     0       ?    
 

मनमा कुरा आको मात्रै के थ्यो ट्वाक अगाडी देखें।  ---


नबिराउनु नडराउनु भन्थे क्यारे -- गर्या सर्या त खास केही हैन त्यै पनि डर लाग्यो -- ब्यान गर्देला ट्वाकले घर आउनि भनेर। धन्न देखेनछ क्यारे गफ गरीरा तेस्को बैनी सँग (अब कति तेस्को बैनी तेस्को बैनी भन्नी हैन? नामै भन्दीम न -- चेतना ल तेस्को नाम)-- ट्वाकले सोध्यो "के गर्न ला?"

"गर्न ला त थ्यो केई तर तै भिलेन पल्टीस नी" भन्नु पर्ने थ्यो तर "केई न केई तैंलाई कुरीरा" भन्दें।

"किन?" भन्यो उस्ले।

"बे को लागी केही काम गर्नु छ कि भनेर" सुनाएँ।

"उस्ले म तिर पुलुक्क हेर्यो मात्रै अनि घर तिर अघि बढ्दै भन्यो "अहिले त खास केही छैन अलि अलि सामान किन्न जानु छ -- पछि किनेनी हुन्छ -- हिन माथि।"

उस्ले "माथि हिन" भने पछी पक्का भो ट्वाकले देखेनछ चेतना सँग शब्द साटासाट गर्या। माथि ट्वाकको कोठामा पुग्दा पुग्दै भान्छा तिर हेरेर उ करायो "आमा च्या पठाईदिनु न -- दीप पनि छ"। अनि म तिर हेरेर भन्यो "क्या चिसो यार बाहीर त"।

चिया त चेतनाले पो ल्याई -- धेरै जसो एउटा केटोले ल्याउँथ्यो। बैनी चैंले च्या ल्याको देखेर ट्वाकले त्यो केटो खै? भनेर सोध्यो। उस्ले तरकारी तेल किन्न गा छ भनी -- म तिर एक चोटी पनि हेरीन। केटी पोख्त रै छे भन्ने लाग्यो। चिया राखेर उ गै हाली।

चिसोमा चिया र चुरोटको मिश्रण गज्जब हुन्थ्यो। घरमा तान्न भएन। चिया सकेर मैले यसो चुरोट देखाए पछी ट्वाकले "हिन" भन्यो। बेखालालको घर पछाडी बारीमा गएर तानियो चुरोस अनि अलि ढुक्क भो।

ट्वाक त अहिले मेरो लागि दुइटै हातमा लड्डु लिएर बस्या थ्यो -- हुन त जुन भए पनि हुने तेसमा पनि दुईटै भए झन राम्रो। आशै त हो। गर्दैमा के बिग्रिन्छ र?

घर तिर आउँदै गर्दा बाङ्गे कहाँ छिरें। सोचें चेतनाको कुरा चै भन्छु यस्लाई। आखिर यसै मन पराउन्न रैछे उसै। बाङ्गेले केही गर्न खोजे चेतना झन भडकिने छनक मैले पाको थें। ट्वाकलाई बैनी चाई ले बाङ्गेलाई उस्ले कस्तो मन पराउन्न भन्या भे त ट्वाकले बाङ्गेलाई घर आउन अप्र्त्यक्ष रुपमै भए पनि निरुत्साहित गर्थ्यो होला तर तेस्तो अचेल गरेको थिएन। किन होला जस्तो लाग्यो। सोचें या त चेतनाले ट्वाकलाई बाङ्गेको बारेमा केही भनेकै थिएन -- भनेकै भए पनि ट्वाकको लागि खुसीको कुरो थ्यो क्यारे। " म त बाङ्गे भनेसी हुरुक्कै हुन्छु" भनेर बैनी चै ले भन्या भए पो खतरा महसुस गरेर ट्वाक साबधान हुन्थ्यो होला "मनै पर्दैन मुर्दार" भने पछी ट्वाकलाई के को पिर?

यस्तै कुराका लहर मनमा उठ्दै हराउँदै थे म पुगें बाङ्गे कहाँ।

उ त अझै ओछ्यानमा गुटुमुटु गुडुल्की रा रे छ। "काँ बाट तँ यति ब्यान ब्यानै?" उस्ले सोध्यो-- अनि थप्यो "चिया खाने?"

"चिया त म खाईहोरी आको ट्वाककाँ अनि ल्याको कल्ले भन्न च्या? चेतना ले -- क्या मुस्कान दि यार सेन्टीफ्लाट हुने गरी"

"नाम चै चेतना रे तेस्को है होसमा भाका एउटा एउटालाई बेहोस पार्छे भन्या" बाङ्गेको अनुहार उज्यालो भयो उस्को कुरा उठनासाथ।

"अघि बुझिनस -- ट्वाक काँ गा त्यो रैन्छ है अनि फर्किन ला थें चेतना आई रा भन्या कुरा गर्न --" भन्दा भन्दै मेरो अनुहारमा पनि घाम उदाएझै रनक आयो जस्तो लाग्यो।

बाङ्गेले तिखो घुर्यो र भन्यो "काम पाईनस ब्यान ब्यान?"

"हो भन्या मरीजाम" मैले भनें।

"तैले सपनाको कुरा गर्या की बिपनाको?" उस्ले अझै पत्याएन।

"नपत्याए नपत्या -- हुन त तँलाई त सपनाकै कुरा भए ठिक्क छ" भनें।
"किन?" उ अलि चिन्तित भो।

"तँलाई त देख्न पनि सक्दिन भन्थी" मैले सुनाई दिएँ। ----


 
Posted on 10-31-07 9:42 AM     Reply [Subscribe]
Login in to Rate this Post:     0       ?    
 


ट्वाक त अहिले मेरो लागि दुइटै हातमा लड्डु लिएर बस्या थ्यो -- हुन त जुन भए पनि हुने तेसमा पनि दुईटै भए झन राम्रो।

 

 



PAGE: <<  1 2 3 4 5 6 7 8 9 10 11 12 13 14 NEXT PAGE
Please Log in! to be able to reply! If you don't have a login, please register here.

YOU CAN ALSO



IN ORDER TO POST!




Within last 60 days
Recommended Popular Threads Controvertial Threads
What are your first memories of when Nepal Television Began?
निगुरो थाहा छ ??
Basnet or Basnyat ??
Sajha has turned into MAGATs nest
NRN card pros and cons?
Will MAGA really start shooting people?
मन भित्र को पत्रै पत्र!
Top 10 Anti-vaxxers Who Got Owned by COVID
TPS Work Permit/How long your took?
काेराेना सङ्क्रमणबाट बच्न Immunity बढाउन के के खाने ?How to increase immunity against COVID - 19?
Breathe in. Breathe out.
3 most corrupt politicians in the world
चितवनको होस्टलमा १३ वर्षीया शालिन पोखरेल झुण्डिएको अवस्था - बलात्कार पछि हत्याको शंका - होस्टेलहरु असुरक्षित
शीर्षक जे पनि हुन सक्छ।
Disinformation for profit - scammers cash in on conspiracy theories
someone please tell me TPS is here to stay :(
Nepali doctors future black or white usa ?
Doctors dying suddenly or unexpectedly since the rollout of COVID-19 vaccines
BREAKING: THE LEFT HAS LOST THE SUPREME COURT!
Another Song Playing In My Mind
Nas and The Bokas: Coming to a Night Club near you
NOTE: The opinions here represent the opinions of the individual posters, and not of Sajha.com. It is not possible for sajha.com to monitor all the postings, since sajha.com merely seeks to provide a cyber location for discussing ideas and concerns related to Nepal and the Nepalis. Please send an email to admin@sajha.com using a valid email address if you want any posting to be considered for deletion. Your request will be handled on a one to one basis. Sajha.com is a service please don't abuse it. - Thanks.

Sajha.com Privacy Policy

Like us in Facebook!

↑ Back to Top
free counters