[Show all top banners]

khadge
Replies to this thread:

More by khadge
What people are reading
Subscribers
:: Subscribe
Back to: Kurakani General Refresh page to view new replies
 "निर्दोश मेरो पछ्यौरीमा....."

[Please view other pages to see the rest of the postings. Total posts: 83]
PAGE: <<  1 2 3 4 5 NEXT PAGE
[VIEWED 30999 TIMES]
SAVE! for ease of future access.
The postings in this thread span 5 pages, View Last 20 replies.
Posted on 12-09-06 5:54 AM     Reply [Subscribe]
Login in to Rate this Post:     0       ?    
 

लौ साथी हो मैले पनि यहाँ केहि लेख्ने प्रयास गरेको छु,
मेरो पहिलो लेखाई भएकोले असंख्य त्रुटिहरुलाई माफ गरिदिनुहोला।
----------------------------------------------------------------------------------------------------------
----------------------------------------------------------------------------------------------------------
"ए सुन् त", कल्पनामा काठमाण्डौ पुगेको मेरो मन, एकाएक बुवा तर्फ पुग्यो। "तँ भोली काठमाण्डौ जाने बेलाँ यो २५,००० पनि घर लगिदे है", २५,००० दिदै बुवाले भन्नुभयो। आज महिनाको अन्तिम दिन यानी तलब बुझ्ने दिन, १२,५०० मेरो बुवाको मासिक तलब । १२,५०० को सट्टा २५००० कसरी भयो यो बुझ्ने मेरो फुर्सद थिएन वा भनौ कुनै कारण पनि थिएन मेरो लागी। ह्या पैसा पाए पुगी हाल्यो नी। बुढाले जसरी ल्याए नि ल्याए।

मेरो बुबा अहिले धनुषा जिल्लाको स्था. बि. अ. यानी स्थानिय बिकास अधिकारी हुनुहुन्छ। हाम्रो ७ आना जग्गामा बनेको एकतल्ले घर काठमाण्डौमा ठडिएको छ। उहिले २०३० सालमा जग्गा किनेको रे अनि २०४० - २०४१ सालमा १ लाख दाम हालेर घर पनि बनाएको रे। मेरो प्रारम्भिक शिक्षा बुवा संग बिभिन्न जील्लाहरुमा सरुवा हुने क्रममा अनगिन्ती पठशालाहरुबाट भयो। मुगुको श्री भिमेश्वर महादेव उच्च मा बी देखी संखुवासभाको सदरमुकाम खाँदबारीको चैनपुर हाईएर सेकेण्डरी स्कूल सम्म मेरो पढाई भएको छ। साथीभाईहरुका साथ शत्रुहरुपनि कती जन्माईयो जन्माईयो। अब आफू हाकिमको छोरा, को संग डर, सिधै डि. एस. पी. अंकललाई भनिदिम भनेपछि त सव थर्कमान नी। यस्तै कुराहरु मनमा खेल्दै थिए, फेरी "किन बोल्दैन यो" भन्दै बुवाले घचघच्याउन लाग्नु भो। "हुन्छ नि म लगेर मामी लाई दिऊँला" भनी बुवालाई आश्वासन दिएँ।

अव भोली काठमाण्डौ जान त जाने, तर गएर के गर्ने? सवै साथिहरु आ-आफ्नो घर गएका छन्। त्यहाँ गएर त झन् केहि काम नै हुन्न झन मामीको यो गर कि त्यो गर भन्ने किच किच मात्र सुन्नु पर्छ। खै मेरो मात्र मामी त्यस्तो होकी? खाली बसेको त देख्नै हुन्न भन्या। बरु अन्त कतै जानु पर्यो। हो अव आईडिया आयो, बरु फुपाजुको मा कृष्णनगर जानु पर्ला। मेरो कान्छा फुपाजु, नपढेको भएपनि आफ्नो मिजास र श्रमले त्यहाँ डाक्टर साहेब भएका छन्। जम्मा ४ कक्षा सम्म पढेर पनि। अचम्म छ संसार पनि, अब मेरो कान्छि फुपु अहेब भएर खोलेको त्यो औषधी पसलमा, फुपाजु डाक्टर भएका छन। अव कसैले खोकिको दबाई भन्यो भने कुनै कफ सिरप, पेट दुखे यो, यस्तो रोग हो भने यो दबाई भनेर फुपाजुलाई सबै थाहा छ। नेपाली पनि यस्सो आँखा उघारेर पढि पनि हाल्थे, कसैले दबाईको खोस्टा लिएर आयो भने ठ्याक्कै चिन्ने। तर कसैले अंग्रेजीमा दबाईको नाम लेखेर ल्यायो भने चाहीँ बरबाद हुन्थो, तैपनि घरमा छोरीहरु वा अरु कोही, जस्तै म छु भने, एकछिन है भनेर सुटुक्क भित्र आई ऐ यो के लेखेको हेर त हेर भनी बहिर गइ दवाई बेचि छाड्थे। अव कोहि पनि छैन र केहि सिप लागेन भने यो दवाई छैन भनि ग्राहकलाई फर्काइदिन्थे। एक दिन त झन्डै फसेका बुढा। कुरा के भएछ भने, एउटा मान्छे दबाई किन्न आएछ डाक्टरको पुर्जी लिएर, कोहि नभएको बेलाले गर्दा उहाले छैन यो दबाई त भन्नु भएछ, तर त्यो बज्याले त दवाई ठयाक्कै चिनेछ, त्यो पनि अगाडिनै राखेको रहेछ। "डाक्टर साहेब पनि, यहि अगाडि राखेर छैन भन्ने" भन्दापो बुढा खंरङ्ग भएछन। जसो तसो गरि संझाई बुझाई त्यो ग्राहकलाई बिदा गरेछन। जे होस उहाँ निकै रमाईला छन्। जे भएपनि कृष्णनगर जाने अनी त्यहाँबाट आफ्नै तालमा काठमाण्डौ जाने अठोट गर्दै बुवालाई त्यो कुरा सुनाए। पहिला त मलाईनै खाऊला जस्तो गरी हेर्नुभयो तर मेरो अठोटको अगाडी केहि नलाग्ने देखेर स्विकृती दिनु पनि भयो। "जे होस् १-२ दिनका दिन काठमाण्डौ जाने नी" भन्दै अन्तिममा चेतावनी पनि पाईयो। लौ जे भएपनि जान त पाईयो भन्दै म जनकपुर बजार तर्फ लागे।

अव फर्कने बेलाँ एक पटक जानकी मन्दिर नी जान पर्यो भन्दै म त्यतै लागेँ। मन्दिरमा आफ्नो श्रद्धाभाव चढाई म धनुष सागर तर्फ लागें। मानिसहरुको घुईचो त्यत्तीकौ थियो त्यहाँ, स-साना बच्चाहरुले पोखरीमा डुबुल्कीमारेको देखेर मलाई पनि जाम जाम लाग्यो तर झलाँस्य सम्झे, मलाई त पौडन आउन्नी। आफ्नो त्यो विवशताको अगाडि हार मानेर म थचक्क तटमै बसे। ओहो हेर्दा हेर्दै रातीको ८ बजेछ, अव बुढाले लठ्ठी लिएर मलाई खोज्न आउने भए भन्दै म क्वाटर फर्कने जमर्को गरे। हेर म त्यो ११ बर्षको हुँदा म्याग्दी जिल्लाको बेनी बजारनिर म्याग्दी खोलामा‍ पौडी खेल्ने हुँदा नडुबेको भए आज म पनि यो धनुष सागरमा पौडदै हुन्थे होला। झण्डै खुस्केको नी त्यो दिन, सञ्जिव नभा भए त बेनीमा मेरो कृयाक्रम हुने। त्यसको ४-५ बर्ष सम्म त नुहाउन पनि नसक्ने भन्या। खै के हाईड्रोफोविया हो कि के भन्थे भा रे मलाई। अहिलेनी नुहाउँदा टाउकोबाट पानी खन्याउन सक्दिन म। सोच्दै थिएँ पछाडिबाट कसलेमेरो काँधमा हात राख्यो, यसो हेर्छु त बुढा। ओहो नाम लिया सैतान हाजिर (सैतान त भन्न मिलेन, अब बुढा हाजिर) भन्या यहिहो। कतै बुढाले लठ्ठित ल्याएनन् भनि हात हेरेको त धन्न रित्तै रहेछ। आज त बचियो। "घर जानु पर्दैन तलाई, त्यहाँ गंगेले खाना कुरि राछ, ल छिटो जा", जहिले पनि ढिलो भयो भने आगो हुने मान्छे आज किन रिसाएनन् भनेको त संगै सि डि यो अंकल, ए सि डि यो को अगाडि छोरालाई गाली गर्न त भएन नि, बल्ल बुझे।
"नमस्ते है अंकल, आन्टि खै त?" भन्दै सि डि यो अंकललाई सोधें,
"ह्या कहाँ यस्तो बेलाँ, तेल्लाई सम्झि रा, संगै लिएर हिड्न मिल्छ र? हिड्यो कि किच किच मात्रै",
"त्यसैले त्यो पूजामा बसेकी बेला यसो एल डि ओ साब संग भलाकुसारी गरौं भनेर नी"
आन्टि धर्ममा निकै आश्था राख्नुहुन्थ्यो र दिनहुँ २ पटक पूजा आजा गर्नुहुन्थ्यो। एकादशी, पूर्णिमा र सोमबारको ब्रत बस्न थालेको २० बर्ष भयो रे। बिहे हुने बित्तीकै शुरु गरेको रे ब्रत बस्न। अंकल चाहि नास्तिकै नभएपनि त्यस्तो पूजा आजामा चाख लिएको मैले कैले नि मानिन। ४ बर्ष अघि बाजुरामा बुवा एल डि ओ हुँदा अंकल त्यहि सि डि यो हुनुहन्थ्यो अनि त्यहि भेटभा मेरो नि अंकल र आन्टि संग। नेपालगंजबाट सा ने बा नि को त्यो ट्विनअर्टर चढेर बाजुरा जाँदा आन्टि मेरो संगैको सिटमा पर्नुभएछ। उडेपछि त डराएर छुट्टी, प्लेन रोक भनेर चिच्याउन थाल्नु भो, लौ भएन भनेर म उहाँ संग कुरा गर्दै मन बहलाईदिन लागे। एकछिनमा बल्ल ठिक हुनु भयो। कोल्टि बिमानश्थलमा उत्रदा अंकल र बुवा संगै लिन अउनुभा रै छ। त्यहाबाट धोडा चढि मार्तडि गैया थियो। उनिहरुको कुनै सन्तान नभएकाले मलाई आफ्नै छोरा जस्तै माया गर्नुहुन्छ। सि डि यो लाई अंकल भन्न पाएपछि त पुलिसहरु नि थर्कमान नी।
"लौ अंकल म भोली फर्कन्छु, आन्टिसंग भेट्न पाईन, सुनाईदिनुस है" भन्दै म क्वाटर तिर लागें।

"ट्वार्र, ट्वार्र", गर्दै बिहान ५ बजे मैले राखेको घडिको अलार्म बज्यो। म हेत्तेरी किन बिहानै जाने भने हुँला भन्दै उठे र नित्य कर्म सकाएर निस्कदाँ पौने ६ भै सक्या रहेछ। छिटो छिटो गर्दै बुवालाई गए भन्दै बसपार्क तिर कुदेर गए। गएर हेर्छु त नेपालगंज जाने बस छैन। अव जनकपुरबाट सिधै कृष्णनगर जाने बस थिएन, त्यसैले जनकपुरबाट नेपालगंज जाने बस लिएर हेटौंडा, नारायणगढ, बुटवल, गोरुसिंगे हुदै चनौटा भन्ने ठाऊमा झरेर त्यहाँबाट लोकल बस, ट्याक्सी, रिक्सा, ट्याम्पो आदि जे चढेर पनि कृष्णनगर पुग्नपर्ने। तर यहाँ त नेपालगंज जाने बस नै छुटिसकेको, कास्टिङ्गनै झुर भयो भन्दै थिए, पोखरा जान लागेको बस हिड्नैला रहेछ। यसो सोंचे, पोखरा जाने बसमा नारायणगढ सम्म जाने, अनि त्यहाँबाट सकेसम्म काठमाण्डौबाट आएको नेपालगंजको बस भेटिएला, नभए बुटवल सम्मनै गएर त्यहाँबाट कृष्णनगर जाने बस पनि त पाईन्छ। हो न हो यहि पोखराकैमा जाने पर्यो भन्ने ठानेर बसतिर गएं। खलासी चै मच्ची मच्ची "ल आउनुहोस, जनकपुर, हेटौंडा, नारायणगढ, मुंगलिगं हुँदै पोखरा पोखरा" भन्दै रहेछ। बस भित्र छिरेको त पछाडिको लहरे सिट र त्यसको अगाडिकोमात्रै बाँकि। हेत्तेरी उफारेर खत्तम भईने भैयो भन्दै, लहरेभन्दा अगाडिकोमा झ्यालतिर हैन कि बाटोतिरको मा बसें। मलाई कहिलेपनि झ्याल तिर भने बस्ने बानी थिएन। बस हिड्यो, लौ बल्ल ठिक भयो भनेकोत के हुन्थ्यो, २ पाईलामै घिचिक्क गर्दै फेरि रोक्छ बा। लौ यस्तै तालले त आज कृष्णनगर पुग्या पुग्यै हो भन्दै यसो अगाडी तिर हेर्दै थिए। ठ्याक्कै तेतिबेला आकासे रंगको कुर्ता सुरुवाल लगाएकी परि को आगमन भयो। बसका सबै मान्छैले खाऊलाझै गरि उसैलाई हेर्न पुगे, म पनि के कम, म त अझ "हे जानकी माता यि कन्यालाई मेरै सिटमा पठाउनुहोस्" भन्दै प्राथाना गर्न लागें। श्वेत वर्ण, मृगको जस्तो चालले उनी मेरै तर्फ आउन लागिन। हुन पनि मेरोमा एउटा सिट खाली पनि थियो, कि मेरो संगैको सिट नभए लहरे सिट। अव लहरे त के रोज्लिन र यिनीले भन्दै म फेरी "हे कमलबिनायक, यिनी यदि मेरै सिटमा बसिन भने यहाँलाई १०८ वटा लड्डु चढाउला" भन्दै उनै लम्बोदरलाई भाकल गर्न पुगें।

-------------------------------------------------------------------------------------------------
-------------------------------------------------------------------------------------------------
क्रमश:
 
Posted on 12-14-06 11:46 AM     Reply [Subscribe]
Login in to Rate this Post:     0       ?    
 

~
ओहो कती सललल बगेको यहाको कथा । मलाइ त जति चोटी पढे पनि नया नै लाग्यो । तर अफिस मा येक्लै मुस्कुराउदा भने कतै साथी हरुले पागल त भन्ने होइनन् भन्ने डर ।

Balla bhane sajha visit gareko majaa aayo !

Cheers,
 
Posted on 12-14-06 4:50 PM     Reply [Subscribe]
Login in to Rate this Post:     0       ?    
 

Khadge ji,
feri kramasha, gantabya samma pugla bhaneko ta kahaan baidehi... hetteri... lala katha ramro chha. Chandai saknu paro...

tat...
 
Posted on 12-14-06 5:44 PM     Reply [Subscribe]
Login in to Rate this Post:     0       ?    
 

khage ji,
chadai padhna pau are bhag,nikai mitho prastuti tapaiko
 
Posted on 12-14-06 7:06 PM     Reply [Subscribe]
Login in to Rate this Post:     0       ?    
 

khadge jee tapai ko doshro prem kahani suru hola jasto chha ni aba!!!
mero guess hai !!
nikkai ramailo chha..
 
Posted on 12-14-06 8:12 PM     Reply [Subscribe]
Login in to Rate this Post:     0       ?    
 

Khadge ji,
A new Nepali writer is born! You are artistic . I am sure the way you write is not a new writer. I hope you will post few of your creation simulteniously. Alas! I could could type Nepali so that I could spent few praiseworthy words in Nepali, too.Yeta na uta ko pariyo- Pathak pani ta chahiyo, kaso?
 
Posted on 12-14-06 8:23 PM     Reply [Subscribe]
Login in to Rate this Post:     0       ?    
 

रमण् जि
USE ROMAN TO UNICODE AVAILABLE IN SAJHA POSTINGS।

खड्गे जि, A new Nepali writer is born! You are artistic . I am sure the way you write is not a new writer. I hope you will post few of your creation simulteniously. Alas! I could could type Nepali so that I could spent few praiseworthy words in Nepali, too.येता न उता को परियो- पाठक् पनि त चाहियो, कसो?

खड्गे जि,
माने ! तपाइ को लेखाइ, काउकुति लगाउन मात्र होइन नि:शब्द् बनाउन नि पछि पर्दैन।
तपाइ को धेरै पन्खा मध्ये एक्

उहि दुखि पुर्पुरो फुटेर america आको Nepal मा बस्या भए कति night bus चढिन्थ्यो होला!

राम प्रसाद न्यौपाने
नेपाली पुरोहित्
१-८००-पुरोहित्
बिवाह, बर्तबन्ध्, पास्नी, पुजा-आजा को निम्ति
 
Posted on 12-14-06 10:49 PM     Reply [Subscribe]
Login in to Rate this Post:     0       ?    
 

अघि आधा घन्टा अगाडि "अब चाँहि सुत्छु,दिउँसो निकै काम गरिएको थियो" भनेर म्यासेन्जर साइन आउट गरेर यसो साझा सर्फ गर्या त ठ्याक्क आँखा यो थ्रेडमा पर्यो। पढि हालुम न त भनेर शुरु गर्या त ओहो!! कस्तो राम्रो लेख्या यि खड्गे जी ले! एक एक वाक्य उत्तिकै इन्टेरेस्टिङ्ग छ।

यात्राको बयान, प्लेनमा आन्टीले "रोक रोक" भनेको, कासा प्याको ब्याग मेड इन् थाइल्यान्ड, रिगल होटल, बिस्लेरी पानीको बोतल रु २० मात्र, भेरी यातायात, श्री डिस्टिलरी, हा हा हा.... मैले भने नि हरेक शब्दले पढ्ने मान्छेलाई तानेर राख्ने।

अझ आइन्स्टाइनको Theory of Relativity, गानाहरुको प्रशङ्ग!!!


प्रभु!!! मैले नमस्ते गरेँ है यहाँलाई, कता हुनुहुन्थ्यो यत्तिका दिन? ल ल लेखम, पढ्नलाई हामी लाइन लागेर बसेका छौँ।

:-)
 
Posted on 12-15-06 5:56 AM     Reply [Subscribe]
Login in to Rate this Post:     0       ?    
 
 
Posted on 12-15-06 6:00 AM     Reply [Subscribe]
Login in to Rate this Post:     0       ?    
 

khadge jee

yo kura kahile ko ho kunni? yeso, kun sal kun mahina ko ho, prasta parou na hai.
 
Posted on 12-15-06 1:25 PM     Reply [Subscribe]
Login in to Rate this Post:     0       ?    
 

ओ खड्गेजी, कता हराएको यहाँ मान्छेलाई कुराएर।
 
Posted on 12-15-06 1:32 PM     Reply [Subscribe]
Login in to Rate this Post:     0       ?    
 

खड्गेजी, उत्कृष्ट वर्णम शैली! नेपालका विभिन्न भागहरूको राम्रो वर्णन, गीत संगीत, विज्ञानका कुरा आदिले कथालाई सिंगारिदिएको छ।लेखम लेखम् अझै!
 
Posted on 12-15-06 2:08 PM     Reply [Subscribe]
Login in to Rate this Post:     0       ?    
 

:) ekdamai raamro chha ...लेखम लेखम् अझै!
 
Posted on 12-15-06 2:09 PM     Reply [Subscribe]
Login in to Rate this Post:     0       ?    
 

:) ekdamai raamro chha ...लेखम लेखम् अझै!


--------------------------------------------------------------------------------
 
Posted on 12-15-06 5:42 PM     Reply [Subscribe]
Login in to Rate this Post:     0       ?    
 

Lekh KhaDage!Lekh!! nachod khaDge! nachod!! JhaTTai lekha hai!
 
Posted on 12-15-06 5:42 PM     Reply [Subscribe]
Login in to Rate this Post:     0       ?    
 

लेख खडगे!लेख्!! नछोड खड्गे! नछोड्!! झट्टै लेख है!
 
Posted on 12-16-06 8:58 AM     Reply [Subscribe]
Login in to Rate this Post:     0       ?    
 

ma ni herna paryo ...निर्दोश मेरो पछ्यौरीमा...
 
Posted on 12-18-06 9:53 AM     Reply [Subscribe]
Login in to Rate this Post:     0       ?    
 

आदरणीय साझाबासीहरु,
तपाईहरुको यो असिम मायाले म निकै प्रभावित भएँ। मेरो यो आत्मकथा यतिविघ्न मन पराईदिनु हुन्छ भन्ने त मैले सोचेकै थिईन। अव झन प्रेसर बढ्यो मलाई त, फेरी राम्रो भएन भने जस्तो लागेर लेख्न लाग्दा त हात कामेर कस्तो हैरान भन्या।

प्रिटी जी,
के गर्ने क्रमश त राख्नै पर के रे।

पवन जी,
के गर्ने मासु खाँदा हड्डी, फूल टिप्दा काँडा त भै न हाल्छन नी हैन। राम्रो र नराम्रो भनेको त जीन्दगी को यीन यांग हुन, एक आर्काका परिपूरक। चिन्ता नगर्नुस, छिट्टै नै आर्को भाग लिएर प्रसतुत हुने नै छु।

हे्तेरिका जी,
आउँछ छिट्टै आऊँछ।

माईला दाजु,
ठेल्छु, छिट्टै ठेल्छु।

स्ल्याकेडेमिक ज्यू,
तपाई मुसुमुसु हासेको सम्झी म नि मुसुमुसु हाँस्दै छु।

पुन्ट दाजै,
खड्गे हैन के, कमल हो कमल मालामाल हुने त, मैले त केवल कमलका डायरीका केहि पन्ना मात्र पस्केको हुँ। मेरो नी त्यस्तो भाग्य कहाँ।

मिराकल ज्यू,
हासौ मज्जाले हासौ, कसैले पागल भन्दैनन्।

तात तातो चिया ज्यू,
पुगिन्छ गन्तव्य सम्म मज्जाले पुगिन्छ।

मोरानहरुको राजा ज्यू,
आउँछ छिट्टै आऊँछ।

कुश,
पहिलो प्रेम कहानी कहाँ सुन्नु भो र? दोश्रोको कुरा गर्नु भो।

रमन जी,
याहाँको तारिफको धन्यवादको लागी म नि:शव्द भए। धन्यवाद।

राम प्रसाद सर,
काउकिती नै लाग्यो र? कि कोहि संगै छन काउकुती लगाइदिने। जे होस अम्रिका आउनुभाछ, परिश्रम गरौं, फल मिल्ला नी।

केमोफ्लाग्ड ज्यू,
प्रेरणाको लागी मुरी का मुरी धनयवाद। अरु पनि डिटेल ल्याउने प्रयत्न गर्ने नै छु।

जग्गू दादा,
:)

निकुञ्ज जी,
कमलले डायरी लेख्ने बेलाँ मिती नै हाल्न बिर्सेछ, क्या बोर भन्या।

दादा गीरी जी,
हैन के गर्ने मुखाँ माड पनि त हाल्न परो नी, कथा मात्रै लेखेर हुन्न रहेछ, यसो कमाउन मूग्लान पस्या नी।

अनि अन्त्यमा world_map, Tyra, Foe_4_mysty, Brain Malfunction, miss_ me तथा सबै मेरो कथा पढिदिनु हुने महानुभावलाई म मुरी का मुरि धन्यवाद टक्राउदै भोली कथाको चौथो प्रस्तुती लिएर आउने कुरो अवगत गराउन चाहन्छु।
 
Posted on 12-18-06 10:42 AM     Reply [Subscribe]
Login in to Rate this Post:     0       ?    
 

la khadge aatma katha ramro chha. adhi bhanda badi katha ta sunisakeko rayechu, baki sunda ramailo lagyo, la aru pani jaos.
 
Posted on 12-18-06 12:13 PM     Reply [Subscribe]
Login in to Rate this Post:     0       ?    
 

hya, yetro padheko, sunisakya katha parechha
haha just kidding, enjoyed it
 
Posted on 12-18-06 5:28 PM     Reply [Subscribe]
Login in to Rate this Post:     0       ?    
 

khadge ji, jaawosh na launa.
 



PAGE: <<  1 2 3 4 5 NEXT PAGE
Please Log in! to be able to reply! If you don't have a login, please register here.

YOU CAN ALSO



IN ORDER TO POST!




Within last 365 days
Recommended Popular Threads Controvertial Threads
श्राद्द
TPS Re-registration
सेक्सी कविता - पार्ट २
What are your first memories of when Nepal Television Began?
पाप न साप घोप्टो पारि थाप !!
पुलिसनी संग - आज शनिवार - अन्तिम भाग
निगुरो थाहा छ ??
ChatSansar.com Naya Nepal Chat
Lets play Antakshari...........
What Happened to Dual Citizenship Bill
Basnet or Basnyat ??
Sajha has turned into MAGATs nest
NRN card pros and cons?
is Rato Bangala school cheating?
मेरो अम्रिका यात्रा -२
Do nepalese really need TPS?
कता जादै छ नेपाली समाज ??
susta manasthiti lai ke bhanchan english ma?
कृष्ण नै अन्तिम सत्य
Nas and The Bokas: Coming to a Night Club near you
Nas and The Bokas: Coming to a Night Club near you
राजदरबार हत्या काण्ड बारे....
Mr. Dipak Gyawali-ji Talk is Cheap. US sends $ 200 million to Nepal every year.
Harvard Nepali Students Association Blame Israel for hamas terrorist attacks
TPS Update : Jajarkot earthquake
is Rato Bangala school cheating?
NOTE: The opinions here represent the opinions of the individual posters, and not of Sajha.com. It is not possible for sajha.com to monitor all the postings, since sajha.com merely seeks to provide a cyber location for discussing ideas and concerns related to Nepal and the Nepalis. Please send an email to admin@sajha.com using a valid email address if you want any posting to be considered for deletion. Your request will be handled on a one to one basis. Sajha.com is a service please don't abuse it. - Thanks.

Sajha.com Privacy Policy

Like us in Facebook!

↑ Back to Top
free counters