श्रीमती चिनेनन् उदितले !
पत्नीको हक पाउन भौतारिँदैछिन् रञ्जना झा
जितेन्द्र खड्गा/राजविराज
जेठी पत्नी रञ्जना झालाई चिन्दिनँ भन्ने अभिव्यक्ति दिएपछि हिन्दी चलचित्रका प्रसिद्ध पाश्र्व गायक उदितनारायण झा पछिल्लोपटक चरम विवादमा तानिएका छन् । यसले उनको जन्मथलो सप्तरीलगायत नेपाल र भारतमा प्रशस्त चर्चा पाएको छ । नेपाल र भारतका विभिन्न शहरहरूमा उनले गाएको गीत र उनका गीतसम्मिलित फिल्म बहिष्कारका नारा घन्किन थालेका छन् ।
भारतको मुम्बईमा इन्डियन एयरलायन्सकी एयर होस्टेज दीपा गहतराजसँग दोस्रो विवाह गरी उतै बस्दै आएका गायक झाको यस व्यवहारबाट पीडित रञ्जना झा, ४०, यतिखेर भारत र नेपालका विभिन्न प्रशासनिक निकाय र महिलाअधिकारवादी सङ्घ-संस्थाहरूमा आफ्नो हकप्राप्तिका लागि गुहार मागिरहेकी छन् ।
गत चैत २५ गते भारत, विहारको पटनामा भतिजी शोभाको विवाहमा सरकि हुन कान्छी श्रीमती दीपासहित आएका उनले रञ्जनालाई चिन्दिनँ भनी भारतीय न्यूज च्यानल आज तक लाई सार्वजनिक अभिव्यक्ति दिएका थिए । अचानक त्यहाँ रञ्जनालाई देख्दा उनलाई छक्याउँदै उदित विहार प्रहरीको सहयोगमा पछाडिको ढोकाबाट भाग्न खोजेका थिए । तर, त्यहाँ उपस्थित पत्रकारहरूले घेर्दा उदितले 'मजस्तो सफल गायकलाई कुनै बजारु महिलाले ब्ल्याकमेल गर्न आएको' भनेर रञ्जनालाई आरोपसमेत लगाए ।
विहारका मुख्यमन्त्री नीतिषकुमारलाई यसबारेमा जानकारी गराएको रञ्जनाले यस संवाददातालाई बताइन् । "मुख्यमन्त्रीले मलाई न्याय दिलाउने वचन दिनुभएको छ," रञ्जनाने भनिन्, "म भारतकी छोरी र नेपालकी बुहारी हुँ, अब म दुवै देशका अदालतमा आफ्नो अस्तित्वको कानुनी लडाइँ लड्नेछु ।"
यस लडाइँमा रञ्जना एक्ली छैनन्, उनलाई सहयोग गर्न भारदहका हजाराँै युवा तथा सिङ्गो मैथिली समाज सक्रिय भएका छन् । स्थानीय युवाहरूले त्यस क्षेत्रमा उदितले गाएको गीत र सो सम्मिलित सिनेमा बहिष्कारको आह्वान गरेका छन् । यस अभियानलाई साथ दिँदै मैथिली साहित्य परष्िाद् सप्तरी, सिरहा, धनुषालगायतका शाखाले पनि उनका गीत र सिनेमा बहिष्कार गरेका छन् । वैशाख १२ गते मैथिली महिला परष्िाद्, सप्तरीले उदितविरुद्ध र्यालीको आयोजना गरी उनको पुत्ला तथा गीति क्यासेट र सीडीसमेत जलाए । परष्िाद्की सचिव साधना झाले रञ्जनालाई पत्नी नस्वीकारेसम्म उदितविरुद्धको अभियान जारी राख्ने प्रतिबद्धता व्यक्त गरेकी छन् । उनले यसका लागि महिला आयोगमै न्याय माग्न जानेसमेत बताइन् ।
विहार विधानसभा सदस्य नीरजकुमार सिंह 'बबलु' ले रञ्जना भारतकी छोरी र नेपालकी बुहारी भएको उल्लेख गर्दै उनको अधिकार दिलाउन भारत सरकारसँग पहल गर्ने बताएका छन् ।
भारत, सुपौलको अरहानिर्मली गाउँकी रञ्जनासँग १९ वर्षअघि विवाह गरेका उदितले त्यसबखत रञ्जनाका बुबासँग एक लाख ५१ हजार रुपियाँ दहेजसमेत लिएका थिए । पछि काठमाडौँमा आएर रेडियो नेपाल मा केही गीत गाई उदित भारतको मुम्बईतर्फ हान्निए । लामो सङ्घर्षपछि सन् १९८८ मा कयामत से कयामत तक फिल्मको गीतको सफलतापछि उनलाई पनि सफलताले चुम्न थाल्यो ।
यसैबेला मुम्बईमा सङ्घर्षरत उदितको सम्बन्ध उनलाई त्यहाँ बस्न मद्दत गरेकी दीपासँग जोडिएको थियो । पछि त्यही सम्बन्ध विवाहमा परण्िात हुन पुग्यो ।
वर्षमा चारपटक भारदह आउने उदितको रञ्जनाका तर्फबाट एउटा छोरा पनि भएको थियो तर त्यस शिशुको महिना नबित्दै मृत्यु भयो । तत्पश्चात् तीनपटक रहेको गर्भ दीपा र डाक्टरको मिलेमतोमा तुहाइदिएको आरोप रञ्जनाको छ । उनले पाँच वर्षअघि दीपाले मोटो रकम खर्च गरेर पटक-पटक बच्चा तुहाउन लगाएको कुरा उदितलाई बताएपछि उनी फन्किएर दोस्रो दिनै मुम्बई हिँडेको रञ्जनाले बताइन् । त्यसपछि उदित भारदह आउनै छाडेपछि जीवन धान्न झन्झन् कष्टकर बन्दै गएको रञ्जनाको गुनासो छ । यस घटनाले बाक्लै चर्चा पाउन थालेपछि रञ्जनाबाहेक परविारकालाई उदितले दिल्लीमा घर किनेर उतै बसाइँ सरेको रञ्जनाले बताइन् ।
उदितका काका तथा रञ्जनासँग विवाह हुँदाका पण्डितसमेत रहेका भारदहका पण्डित जनार्दन झा, ८८, उदितको रञ्जनालाई चिन्दिनँ भन्ने कथनले स् तब्ध भएको बताउँछन् । मैथिली रीतिरविाजअनुसार आफूले उदित र रञ्जनाको विवाह गराएको उनी बताउँछन् ।
उदितका काकाका छोरा भागीरथ झाले बताए, "यस विवादलाई मिलाउन गाउँमा निकै प्रयास गरएिको तर उदितको असहमतिका कारण सफल हुन सकेन ।" उदितका काकाका अर्का छोरा प्रमोद झाले उदित र रञ्जनाको विवाहमा आफूसमेत ५१ जना आफन्त र परविारका सदस्यहरू जन्ती गएको र रञ्जनाको माइत विहार, सुपौल्ा जिल्लाको अरहानिर्मलीस्थित घरमा केके खाना र के नास्ता खाएकोसमेत आफूलाई सम्झना भएको बताए । उदितकी बहिनी सुधा झा र काकी सावित्रीदेवी झासमेतले रञ्जनालाई पत्नी स्वीकार नगर्नु उदितको महागल्ती भएको बताउँदै अब उदितलाई आफ्नो परविारबाटै बहिष्कार गरिने बताए ।
उदितकी पत्नीका नाताले ०४७ चैत १५ गते सप्तरी जिल्ला प्रशासन कार्यालयबाट रञ्जनाले नागरकितासमेत पाएको सो कार्यालयले जनाएको छ । त्यहाँबाट प्राप्त जानकारीअनुसार रञ्जनाले प्राप्त गरेको नागरकिता प्रमाणपत्रको पतिको महलमा उदितनारायण झाको नाम उल्लेख छ भने त्यसमा स् वयम् झाले पतिको नाताले सनाखत गरेको रेकर्डबाट देखिन्छ ।
उदितका भतिजा पत्रकार महासङ्घ, सप्तरीका सभापति शम्भु झा उदित स्वार्थी भावनामा लिप्त रहेको बताउँछन् । उनका अनुसार, उदितले भारतको सर्वश्रेष्ठ 'राष्ट्रपति पुरस्कार' पाउने बेलामा सन् १९९९ मा 'म नेपाली होइन, भारतीय हुँ' भनेको र विसं ०५७ मा गोरखादक्षिणबाहु पाउँदा 'भारदह नेपालमा पर्छ र म त्यहीँ जन्मेको नेपाली हुँ' भनेका थिए ।
I am not gonna listen any of his music from today.
mampaka