007-11-06,Tuesday, नयाँ पत्रिकाबाट साभार
आइतबार संसद्को मतदानको सन्देश के हो?
पहिलो, जनता गणतन्त्र र पूण समानुपातिक निर्वाचन प्रणालीमा छन् भन्ने
स्पष्ट भएको छ। दोस्रो, यी दुइ मुद्दालाई साकार हुन नदिन षड्यन्त्रकारीहरू
त्यत्तिकै तल्लीन छन् भन्ने पनि देखिएको छ। तेस्रो, कतिपय अन्तर्राष्ट्रिय
शक्तिहरू अझै राजतन्त्रलाई भरथेग गर्दै छन् भन्ने देखिएको छ।
षड्यन्त्रकारी भन्नाले?
त्यो त डेढवर्षो घटनाक्रमले नै पुष्टि गर्छ। १० वर्षे जनयुद्ध र १९ दिने
जनआन्दोलनको मूल एजेन्डा गणतन्त्र थियो तर त्यसलाई संस्थागत गर्ने पक्षमा
प्रस्ताव आउँदा कांग्रेसले किन मतदान गरेन?
किन गरेन ?
त्यो उसैले स्पष्ट गर्ने कुरा हो। तर, ऊ गणतन्त्रको पक्षमा हुन्थ्यो भने
मतदान गर्थ्यो। गणतन्त्र भन्ने तर गणतन्त्र नचाहने दोहोरो मापदण्ड देखियो।
कांग्रेस गणतन्त्र पनि चाहन्न, खुला रूपमा त्यसलाई अस्वीकार गरेर जनताबाट
अलग्गिन पनि चाहन्न।
गणतन्त्रमा मतैक्य भइरहेका बेला त्यो एजेन्डालाई मतदानको विषय बनाएर माओवादीले गणतन्त्र झन् अनिश्चित बनायो, होइन?
यो आरोप त गणतन्त्रको पक्षमा मतदान नगर्नेतिर फर्कन्छ। माओवादीले जनताको भावनालाई संसदमा लगेको मात्र हो।
अब सरकारसग तपाईंको अपेक्षा के हो तपाईंहरूको?
हामी के चाहन्छौं भने अन्तरिम सरकार- जो कांग्रेसको नेतृत्वमा छ- ले सदनको
आदेश पालना गरोस्। राजनीतिक दृष्टिले त्यो आदेश पालना गरेर गल्तीलाई
सुधार्ने अन्तिम मौका कांग्रेसले पाएको छ। कानुनी दृष्टिले पनि सदनको
बहुमतको कार्यान्वयन सरकारको वैधानिक दायित्व हो। नैतिकरूपमा त ऊ यसका
लागि वाध्य छदैछ। (Read on …www.palpaonline.com)