SAJHA MOBILE
नम्रता श्रेष्ठको नयॉ रूप
Posts 1 · Viewed 2354 · Go to Last Post
ktmpost
· Snapshot 0
Like · Likedby · 0
नायिका नम्रता श्रेष्ठले मिक्स मार्शल आर्ट खेलाडीको भूमिकामा अभिनय गरेको नेपाली चलचित्र ‘जाईरा’ आगामी भदौ ६ गते रिलिज हुने भएको छ ।

 

श्रीकृष्ण जन्माष्टमीको अवसर पारेर २०७६ को भदौ ६ गते यो चलचित्र रिलिज हुन लागेको हो ।

 

एक महिलाले लिने प्रतिशोधको कथामा बनेको चलचित्रमा नम्रतासँगै अनुप बिक्रम शाही, प्रमोद अग्रहरी, रेमनदास श्रेष्ठसहित नवकलाकारहरु श्रृजना रेग्मी, सुजता श्रेष्ठ र सम्राट मगरको प्रमुख अभिनय छ ।

 

नवअभिनेत्री रेग्मी पनि चलचित्रमा खेलाडीको रुपमा रहेकी छिन् । नव अभिनेता मगर नम्रताको कोचको भूमिकामा छन् ।

 

नम्रताले यस चलचित्रका लागि आफ्नो लोभलाग्दो कपाल छोट्याउनुका साथै आफ्नो तौल ५१ किलोग्रामबाट घटाएर ४३ किलोग्राम बनाएकी थिइन् ।

 

चलचित्रको बिषयमा बोल्दै नम्रताले भनेकी छन्, ‘सबै कुरा नेचुरल देखियोस् भनेर तौल घटाएँ, कपाल काटे, ६ महिना एक्सन सिकेँ । अब मैले कति मेहनत गरेको छु त्यसको मुल्यांकन गर्ने काम दर्शकको हो ।’

 

एक्शन प्रधान ‘जाईरा’लाई आँशुतोष राज श्रेष्ठले निर्देशन गरेका छन् । पटकथाकार निर्देशक श्रेष्ठ र निरोज महर्जन हुन् ।

 

चलचित्र कटामरी फिल्म्सको सहकार्यमा नम्रता श्रेष्ठ प्रोडक्शन र ट्रेन्डसेटर्स प्रालिको प्रस्तुतीमा बनेको हो ।

 

प्रशन्न गोपाली कार्यकारी निर्माता रहेको ‘जाईरा’लाई लोकेश बज्राचार्यले सम्पादन गरेका छन् ।

 

कल्याण सिंह, डिजे राजु र टम्ब्लीविडको संगीत रहेको यो फिल्ममा सम्राट बस्नेतको द्वन्द्व निर्देशन रहेको छ भने द्वन्द कोरियोग्राफी राउल मोक्तान र मेघवार चेम्जोङको छ । यसमा केशव थापाको नृत्य निर्देशन छ भने डिओपी बाबु श्रेष्ठको रहेको छ ।

 

 

namra-stha-1

 

 

 


 
Last edited: 22-Mar-19 08:51 AM
Please log in to reply to this post

You can also log in using your Facebook
View in Desktop
What people are reading
You might like these other discussions...
· Posts 20 · Viewed 20430 · Likes 15
· Posts 2 · Viewed 1132
· Posts 76 · Viewed 57508 · Likes 34
· Posts 75 · Viewed 78022 · Likes 15
· Posts 21 · Viewed 5172
· Posts 5 · Viewed 2174
· Posts 3 · Viewed 5680 · Likes 3
· Posts 16 · Viewed 7415 · Likes 14
· Posts 19 · Viewed 19989 · Likes 25
· Posts 64 · Viewed 20955 · Likes 1



Travel Partners
Travel House Nepal
Aero Nepal
Himalayan Treasures & Travels
Travel Solution USA
Nepas Travel Tours
CheapAirFaresToNepal
Zen Travels
Air Zone