तिम्रो खेल

Posts 5 · Viewed 7280 · Likes 8 · Go to Last Post

· Snapshot 0

Like · Likedby · 4

आफ्नै बाजी जित्ने दाउ चाल्यौ तिमीले
प्रेमको आगो झोसी झोसी गाल्यौ तिमीले

सपना सारा मिठा थिए बुनिएका सजिएका
इच्छा माथी वासनाको दिप बाल्यौ तिमीले

एकोहोरो नाइँ नास्ती, हुन्न भनिरहँदा म
अस्मिताको मेरो घर त्यो ढाल्यौ तिमीले

आँखा रसिलो मेरो कहिले हुनदिन्न भन्थ्यौ
मेरो इज्ज़त आफ्नो वचन फाल्यौ तिमीले |

डरायौ हो? तिमी विरुद्ध लड्छु कि कतै म
समाजको डर देखाई मुख टाल्यौ तिमीले ||

KaliKoPoi

· Snapshot 25

Like · Liked by · 1

पिडा छ हजुर पिडा ..
अंग प्रत्यंगको नाप लिई शल्यक्रिया गरेपछि
मुटु चिरा चिरा पारि नुन छर्क्यौ तिमीले

Altijdgoede

· Snapshot 58

Like · Liked by · 1

देख्नासाथ तिमीलाई मनमा फ़क्रन्थे कोपिलाहरु
तर अनायाशै मन भरि बिष बृक्ष्य पाल्यौ तिमीले

ThahaChaena

· Snapshot 153

Like · Liked by · 1

मृगतृष्णा ज्यू,

तपाईको गजलहरु खारिदै आईरहेको छ . एउटा गजलकारको उदय देख्दै छु म . हरेक गजलमा एउटा पूर्ण कथा पस्किने गर्नु भएको छ जुन साह्रै सुन्दर लाग्छन् मलाइ .

धन्यवाद यति मिठो गजलको लागि

- थाहा छैन

Mrigtrishna

· Snapshot 316

Like · Liked by · 1

धन्यवाद KALIKOPOI, ALTIJDGOEDE JEE. हजुरहरु थपिदिनु हुन्छ र त अझै लेख्ने हौसला मिल्छ.|

NAS जी जबर्जस्ति को अनुमान एकदम मिल्यो :) | बिश्वास गरेको मान्छेबाट नै घात हुनु अनि चिन्दै नाचिनेको मानिस बाट लुटिनु दुई भिन्न पाटाहरु हुन् सायद| बितृष्णा पैदा हुन्छ भन्या कहिले काही त वियोगान्त लेख्दा |

thahachaena जी धन्यवाद फ़ुर्काइदिनु भएकोमा | हजुरहरु मन पराइदिनुहुञ्छ, कमि कमजोरी औल्याई दिनुहुन्छ त्यसैले प्रेरित गर्छ |

Please log in to reply to this post

You can also log in using your Facebook