बाल्टिमोरमा एक नेपाली युवकद्वारा आत्महत्या - REST IN PEACE

Posts 5 · Viewed 4930 · Go to Last Post

· Snapshot 0

Like · Likedby · 0

बाल्टिमोर । अमेरिकाको बाल्टिमोरमा एक नेपाली युवकले आत्महत्या गरेका छन् । कैलालीको धनगढी नगरपालिका-१, का २७ वर्षीय हेमन्त घिमिरेले शनिवार साँझ आफ्नै कोठामा झुन्डिएर आत्महत्या गरेका हुन् । घिमिरे बाल्टिमोरको ड्रमक्यासल भन्ने ठाउँमा बस्दै आएका थिए ।

सन् २०११ मा अध्ययनका लागि ओक्लोहोमा आएका हेमन्त त्यहाँबाट टेक्सास सरेर डेढ वर्ष अघि बाल्टिमोर आएका थिए । विगत चार महिनादेखि बाल्टिमोरको युनिभर्सिटी अफ मेरिल्याण्ड अस्पतालमा उपचाररत घिमिरे जुलाई पाँच तारिख शुक्रवार मात्र अस्पतालबाट डिस्चार्ज भएका थिए । केही दिन आफुसंग बसेपछि अब आफु पूर्ण स्वस्थ भएको भन्दै हेमन्त गत विहीवार मात्र साथीभाइसंग मिलेर बस्ने भन्दै ड्रमक्यासलमा गएको वताइएको छ ।

शनिवार साँझ कामबाट फर्केका उनका साथीहरुले हेमन्तलाई कोठामा नदेखेपछि खोज्दै जाँदा ढोका नजिकैको सानो क्लोजेटमा खादाको पासोकोमा झुन्डिएको अवस्थामा फेला पारेका थिए । हाल उनको शवलाई बाल्टिमोरस्थित एक शवदाह गृहमा राखिएको छ । हेमन्तका बाबुआमा र एक भाई काठमाडौमा बस्दै आएका छन् ।

REST IN PEACE

bittertruth

· Snapshot 37

Like · Liked by · 0

वाल्टिमोरमा वस्दै आएका २७ वर्षिय हेमन्त घिमिरे जुलाई १३,२०१३ मा आफ्नै कोठामा मृत्य अवस्थामा फेला परेका छन् । चार महिनादेखि निज घिमिरे मानसिक रोगले ग्रस्त भएपछि उनलाई युनिभर्सिटी अफ मेरिल्याण्ड हस्पिटलमा उपचारार्थ राखिएको थियो । घिमिरेको अवस्थामा केही सुधार आएकाले केही दिन अघि अस्पतालले घर जान स्वीकृति दिएको थियो । उनले आत्म हत्या गरेको हुन सक्ने आशंका गरिएको छ ।
कैलाली जिल्ला धनगढी नगरिपालिकाका स्थायी वासिन्दा घिमिरे सन् २०१० मा आक्लोहामा राज्यमा अध्ययनका लागि आएका थिए । घिमिरेलाई मानसिक रोगले ग्रस्त बनाउादै गएपछि अध्ययनबीचमै छोडेर मेरिल्याण्डमा वसाई सरेका थिए निजकी आमा पनि मानसिक रोगले पीडित छन् । बाबु मुटु रोगी छन् । सबै पारिवारिक अवस्था चिन्ताजनक छ । निजका आफन्तहरु अमेरिकाकामा कोही छैनन् ।

यस दुखद परिस्थितिमा बाल्टिमोर एसोसिएसन आफ नेप्लिज इन अमेरिका (वाना) स्वर्गीय घिमिरेको आत्माको चीर शान्तिको कामना गर्दै शोकाकुल परिवारजनहरुमा हार्दिक समवेदना व्यक्त गर्दछ । घिमिरे परिवारमा परेको दु:ख हामी सबैको समस्या भएकाले वाना परिवार सम्पूर्ण नेपाली दाजुभाइ तथा दिदीवहिनीहरुमा स्वर्गीय घिमिरे को अन्तिम दाह संस्कारको लागि आफूले सक्ने सहयोगको लागि हार्दिक अपिल गर्दछ ।

वाना परिवार

https://www.paypal.com/us/cgi-bin/webscr?cmd=_flow&SESSION=p0z3uTKCOpy4Ye4tndbqbZ4enPR7LhSsQagnXUY-dUp-ocIGOETotL5Le7q&dispatch=5885d80a13c0db1f8e263663d3faee8d4e181b3aff599f99a338772351021e7d

src: https://www.facebook.com/pages/Baltimore-Association-of-Nepalese-in-America-BANA/183967598329066